វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3118 នាក់
ម្សិលមិញ 7234 នាក់
សរុប 16727205 នាក់
វៀតណាម៖ យុវជនវៀតណាម អាយុ ២២ ឆ្នាំម្នាក់ឈ្មោះ ឡេ មិញទ្រី (Le Minh Tri) រស់នៅខេត្តប៊ិញធាន់ (Binh Thuan) ត្រូវបានតុលាការវៀតណាមខេត្តប៊ិញធាន់ (Binh Thuan) ផ្តន្ទាទោសឱ្យជាប់ពន្ធនាគារអស់មួយជីវិតពីបទដឹកជញ្ជូនថ្នាំញៀនហេរ៉ូអ៊ីននិងម៉េតាហ្វីតាមីនទម្ងន់ ១,២ គីឡូក្រាម។
សេចក្តីប្រកាសសាលក្រមឲ្យដឹងថា កាលពីថ្ងៃទី២៥ ខែមករា ជនជាប់ចោទ ឡេ មិញទ្រី បានទទួលទូរស័ព្ទពីស្ត្រីដែលមានឈ្មោះ Mai ដែលបានស្នើរសុំឱ្យ មិញទ្រី ជួយប្រមូលកញ្ចប់មួយដែលមានផ្ទុកថ្នាំញៀន ប្រមាណជា ១,២គីឡូក្រាម ពីទីក្រុងហូជីមិញ។ ស្ត្រីខាងលើ បាននិយាយថា មិញទ្រី នឹងទទួលបានទឹកប្រាក់ប្រមាណជា ២លានដុង ឬ ៨៥ដុល្លារ ប្រសិនបើ មិញទ្រី យល់ព្រមធ្វើកិច្ចការនេះ។
ក្រោយពេលបញ្ចប់កិច្ចការប្រមូលថ្នាំញៀនចេញពីទីក្រុងហូជីមិញ មិញទ្រី ក៏ត្រូវនគរបាលខេត្តបិញធាន់ ឃាត់ខ្លួននៅតាមផ្លូវទៅផ្ទះរបស់គេ ក្នុងនោះសមត្ថកិច្ចរកឃើញ សារធាតុញៀនហេរ៉ូអ៊ីន ៧០៥ ក្រាម និង សារធាតុញៀនម៉េតាហ្វីតាមីន ៤៩៩ ក្រាម នៅក្នុងកាតាបរបស់គេ។ចុងក្រោយ ជនជាប់ចោទ មិញទ្រី បានសារភាពថា ខ្លួនពិតជាបានប្រព្រឹត្តបទល្មើសខាងលើនេះពិតមែន ដោយរូបគេបានបន្ថែមថា គេបានស្គាល់ Mai តាមរយៈអ្នកស្គាល់គ្នាផ្សេងទៀត ប៉ុន្តែមិនដែលជួបគ្នាផ្ទាល់ទេ។
ខណៈករណីមួយនេះ កំពុងស្ថិតនៅក្រោមការស៊ើបអង្កេត ហើយក្រុមសមត្ថកិច្ចក៏កំពុងតាមរកស្ត្រីឈ្មោះ Mai និងអ្នកពាក់ព័ន្ធផ្សេងទៀតដើម្បីផ្តន្ទាទោស។គួរបញ្ជាក់ថា តាមច្បាប់នៅប្រទេសវៀតណាម ប្រសិនបើជនសង្ស័យដែលសមត្ថកិច្ចរកឃើញថាមាន ឬរត់ពន្ធសារធាតុញៀនហេរ៉ូអ៊ីនលើសពី ៦០០ ក្រាម ឬប្រភេទម៉េតាហ្វីតាមីនលើស ២,៥ គីឡូក្រាម អាចនឹងប្រឈមមុខទោសប្រហារជីវិត។សូមបញ្ជាក់ថាកន្លងមកតុលការវៀតណាមក៏បានកាត់ទោសស្ត្រីខ្មែរម្នាក់ដាក់គុកមួយជីវិតពីបទនាំគ្រឿងញៀនពីស្រុកខ្មែរចូលប្រទេសវៀតណាម៕