វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1966 នាក់
ម្សិលមិញ 10264 នាក់
សរុប 14141148 នាក់
ប្រទេសចិន៖នៅថ្ងៃទី៨ខែមីនា ជប៉ុន អូស្ត្រាលី កាណាដា … បានបង្កើនការដាក់ទណ្ឌកម្មទៅលើប្រទេសរុស្ស៊ី ដើម្បីបង្ហាញពីការប្រឆាំងនឹងសង្គ្រាមឈ្លានពានប្រទេសអ៊ុយក្រែន ។ ជប៉ុនបានបង្កើនការដាក់ទណ្ឌកម្មបង្កកប្រាក់មន្ត្រីជាន់ខ្ពស់របស់រុស្ស៊ីនិងបេឡារូស ៣២រូប។ ជាមួយគ្នានេះដែរអូស្ត្រាលីក៏បានប្រកាសគម្រោងដាក់ទណ្ឌកម្មបន្ថែមទៅលើប្រទេសរុស្ស៊ី។
ក្នុងសេចក្ដីថ្លែងការណ៍ចេញផ្សាយនៅថ្ងៃអង្គារ៍ទី៨មីនានេះ ក្រសួងហិរញ្ញវត្ថុជប៉ុនបានបញ្ជាក់ថា ជប៉ុននឹងហាមឃាត់ការនាំចេញបរិក្ខារចម្រាញ់ប្រេងទៅកាន់ រុស្ស៊ី ក៏ដូចជាការនាំចេញបរិក្ខារនានាសម្រាប់ក្រសួងការពារជាតិបេឡារូសផងដែរ។ការប្រកាសពីការបង្កកទ្រព្យសម្បត្តិ នឹងត្រូវអនុវត្តលើក្រុមមន្ត្រី និងអភិជនរុស្ស៊ីចំនួន២០នាក់ និងបេឡារូស១២នាក់។ ចំណែកឯ ក្រុមមន្ត្រីរុស្ស៊ី ដែលនឹងត្រូវបានជប៉ុនបង្កកទ្រព្យសម្បត្តិ រួមមានអ្នកនាំពាក្យវិមានក្រឹមឡាំង លោក Dmitry Peskov និងមេដឹកនាំឆេកឆិនរុស្ស៊ី លោក Ramzan Kadyrov។
ទោះជាយ៉ាងណាជាមួយនិងការដាក់ទណ្ឌកម្មពីលោកខាងលិចវិស័យពាណិជ្ជកម្មរវាងចិននឹងរុស្ស៊ីត្រូវបានគេរាយការណ៍ថាបានកើនឡើងខ្ពស ក្នុងរយៈពេលដើមឆ្នាំ២០២២នេះ។ទំហំពាណិជ្ជកម្មចិន-រុស្ស៉ី បានកើនឡើងជិត៤០ភាគរយសម្រាប់ខែ មករា-កុម្ភៈ ឆ្នាំ២០២២ បើប្រៀបធៀបជាមួយឆ្នាំមុន។
សារព័ត៌មាន TASSបានរាយការណ៍ នៅថ្ងៃទី០៨ ខែមីនា ឆ្នាំ២០២២ ថា អគ្គរដ្ឋបាលគយរបស់ប្រទេសចិន កាលពីថ្ងៃចន្ទសប្តាហ៍នេះបានប្រកាសឱ្យដឹងថា ទំហំពាណិជ្ជកម្មរវាងចិននឹងរុស្ស៉ីសម្រាប់ខែមករា-ខែកុម្ភៈ ឆ្នាំនេះ បានកើនក្នុងអត្រា៣៨.៥ភាគរយ គឺឡើងដល់២៦.៤៣ពាន់លានដុល្លារអាមេរិក បើធៀបនឹងអំឡុងពេលដូចគ្នាកាលពីឆ្នាំមុន។
របាយការណ៍ដដែលបានបន្តថា ការនាំចេញរបស់ប្រទេសចិនទៅកាន់រុស្ស៉ី បានកើនឡើង៤១.៥ភាគរយ ក្នុងរយៈពេល២ខែនោះ ហើយស្មើនឹងខ្ទង់១២.៦២ពាន់លានដុល្លារ។ រីឯការនាំចូលនៃទំនិញក៏ដូចជាសេវាកម្មរបស់រុស្ស៉ី មកកាន់ប្រទេសចិនវិញ បានកើនដល់៣៥.៧ភាគរយ គឺដល់ទំហំ១៣.៨១ពាន់លានដុល្លារ។
ទំហំនៃការធ្វើពាណិជ្ជកម្មរវាងចិននឹងរុស្ស៉ី កាលពីឆ្នាំ២០២០ បានថយចុះ២.៩ភាគរយ គឺចុះមកនៅត្រឹម ១០៧.៧៦ពាន់លានដុល្លារ ដោយសារតែវិបត្តិជំងឺរាតត្បាតសកល COVID-19 ប៉ុន្តែនៅក្នុងឆ្នាំ២០២១ វាបានកើនឡើងវិញ ៣៥.៨ភាគរយ ដោយឈានដល់ទំហំកំណត់ត្រាមួយគឺ ១៤៦.៨៨ពាន់លានដុល្លារ។ជាំការឆ្លើយតបរដ្ឋាភិបាលរុស្ស៊ី កាលពីថ្ងៃទី៧ខែមីនាបានសម្រេចអនុម័តបញ្ជីឈ្មោះប្រទេសនិងដែនដីនៅក្រៅប្រទេសដែលមានសកម្មភាពមិនជិតស្និទ្ធជាមួយរុស្ស៊ី ក៏ដូចជាបណ្តាក្រុមហ៊ុន និងពលរដ្ឋនៅក្នុងប្រទេសទាំងនោះ។នៅក្នុងបញ្ជីឈ្មោះនោះ មានអាមេរិក កាណាដា និងបណ្តាប្រទេសតំបន់អឺរ៉ុប អង់គ្លេស។ ក្រៅពីនេះមាន កោះ Anguilla , Virgin ស្ថិតនៅក្រោមការគ្រប់គ្រងរបស់អង់គ្លេស កោះតៃវ៉ាន់ ប្រទេស អ៊ុយក្រែន ស្វីស អាល់បានៀ អង់ដូរ៉ា អាយឡែន មូ៉ណាកូ ន័រវេស នូវែលហ្សេឡង់ អូស្ត្រាលី សិង្ហបុរី កូរ៉េខាងត្បូង និងជប៉ុន។មានការកត់សម្គាល់ថាមុននឹងចូលឈ្លនពានលុកលុយប្រទេសអ៊ុយក្រេនថ្ងៃទី២៤កុម្ភៈលោកពូទីនបានទៅក្រុងប៉េកាំងចួលរួមព្រឹត្តិការណ៍អូឡាំពិករដូវរងារនិងបានជួបសុំការគាំទ្រពីប្រទេសចិនផងដែរ។ប្រការនេះបានធ្វើឲ្យលោកខាងលិចចោទចិនថាបានឃុបឃិតជាមួយរុស្ស៊ីសម្រាប់ផែនការឈ្លានពានអុយក្រែន។