លោកស្រីលិសត្រាសអតីតរដ្ឋការបរទេសជំនាន់បូរីសចនសុនក្លាយជាប្រធានគណបក្សអភិរក្ស័និយមនិងជានាយករដ្ឋមន្ត្រីរបស់អង់គ្លេស
04-September-2023 / ព័ត៌មានអន្តរជាតិ
អង់គ្លេស៖ នៅទីបំផុតទៅ លោកស្រី លីស ត្រាស់ (Liz Truss) កាលពីថ្ងៃចន្ទទី៥កញ្ញា២០០២ត្រូវបានតែងតាំងជាមេដឹកនាំគណបក្សអភិរក្សនិយមដែលជាទីតាំងសម្រាប់ក្លាយ ជានាយករដ្ឋមន្ត្រីថ្មីរបស់អង់គ្លេសជំនួសលោក បូរីស ចនសុន ដែលបានលាលែងចេញពីតំណែងដោយសារការកៀបសង្កត់ពីគណបក្សកាលពីខែកក្កដាកន្លងទៅ។
ទីភ្នាក់ងារសារព័ត៌មាន Reuters បានឲ្យដឹងថា៖តាមលទ្ធផលបោះឆ្នោតក្នុងគណបក្ស លោកស្រី ត្រាស់ ទទួលបានសំឡេងគាំទ្រ ៨១,៣២៦សំឡេង ខណៈលោក រីស៉ី ស៊ូណាក់ (Rishi Sunak) ជាអតីតរដ្ឋមន្ត្រីហិរញ្ញវត្ថុអង់គ្លេស(ដើមកំណើតឥណ្ឌាដែលលោកបូរីសចនសុនវាយតម្លៃថាជាង្នកនៅពីក្រោយនៃការបង្ខំឲ្យលោកលាលែង) ទទួលបាន ៦០,៣៩៩សំឡេង។លោក រីស៉ី ស៊ូណាក់ (Rishi Sunak) ត្រូវបានលោកបូរីស ចនសុន ជ្រើសរើសឲ្យធ្វើជារដ្ឋមន្ត្រីក្រសួងហិរញ្ញវត្ថុ កាលពីដើមឆ្នាំ២០២០។ តែទីបំផុត លោក រីឈី ស៊ូណាក់ បានសម្រេចជ្រើសរើសដើរចេញពីរដ្ឋាភិបាល កាលពីខែកក្កដា ហើយបានប្រមូលផ្តុំមនុស្ស ដើម្បីបណ្តេញលោកបូរីស ចនសុន ឲ្យលាឈប់។ លោកស្រី លីហ្ស ត្រាស្ស បច្ចុប្បន្នអាយុ៤៧ឆ្នាំ ត្រូវគេចាត់ទុកថាជាមនុស្សដែលមានបទពិសោធន៍នយោបាយ ចាស់ទុំជាងលោករីឈី ស៊ូណាក់។
លោកស្រី លីហ្ស ត្រាស្ស បានជាប់ឆ្នោតជាសមាជិកសភាម្នាក់ របស់គណបក្សអភិរក្សនិយម នៅឆ្នាំ២០១០ មុននឹងបានកាន់ក្រសួងផ្សេងៗគ្នាជាបន្តបន្ទាប់ ដូចជាក្រសួងអប់រំ បរិស្ថាន យុត្តិធម៌ និង រតនាគារជាតិជាដើម មុននឹងឡើងមកកាន់ក្រសួងការបរទេសចុងក្រោយបង្អស់។លោកស្រីលីហ្ស ត្រាស្ស ពីមុនជាអ្នកសេរីប្រជាធិបតេយ្យ កណ្តាលនិយម តែបច្ចុប្បន្ននេះ ទំនោរនយោបាយរបស់គាត់ ត្រូវបានគេមើលឃើញថា បានផ្អៀងខ្លាំងទៅស្តាំនិយម។ លោកស្រីជាអ្នកស្មោះហើយគាំទ្រលោកបូរីស ចនសុន ដល់ទីបំផុត ហើយនឹងមកបន្តអនុវត្តគោលនយោបាយដឹកនាំ របស់លោកបូរីស ចនសុន តទៅទៀត។ ចំណុចមួយដ៏សំខាន់ ដែលលោកស្រីបានសន្យា គឺនឹងកាត់បន្ថយពន្ធ ដើម្បីជួយជីវភាពរបស់ប្រជាពលរដ្ឋអង់គ្លេស។
លោកស្រី ម៉ារី អេលីហ្សាបែត ត្រាស់ (Mary Elizabeth Truss) ឬគេស្គាល់លោកស្រីជាទូទៅថា លីស ត្រាស់ (Liz Truss) កើតនៅឆ្នាំ១៩៧៥ ក្នុងទីក្រុង Oxford ដោយមាន ឪពុកជាសាស្ត្រាចារ្យគណិតវិទ្យា និងម្ដាយជាគិលានុដ្ឋាយិការ។ លោកស្រី បានបញ្ចប់ការសិក្សាពីសាកលវិទ្យាល័យ Oxford University និងធ្លាប់ជានិស្សិតម្នាក់ដែលសកម្ម យ៉ាងខ្លាំងខាងនយោបាយ។នៅក្រោយបញ្ចប់ការសិក្សានៅសាកលវិទ្យាល័យ លោកស្រី Truss បានបម្រើការងារជាគណនេយ្យករនៅឯក្រុមហ៊ុនប្រេង Shell និងក្រុមហ៊ុនទូរគមនាគមន៍ Cable & Wireless។ លោកស្រីបានរៀបការជាមួយគណនេយ្យករ លោក Hugh O'Leary នៅឆ្នាំ២០០០ និងមានចំណងដៃកូន២នាក់។ លោកស្រី Truss ចាប់ផ្ដើមឈានជើងចូលឆាក នយោបាយដំបូង ដោយឈរឈ្មោះជាបេក្ខជនមកពីគណបក្សអភិរក្សនិយមសម្រាប់ទីក្រុង Hemsworth នៃតំបន់ West Yorkshire នៅក្នុងការបោះឆ្នោតសកលឆ្នាំ២០០១។
លោកស្រីទទួលបរាជ័យ ហើយទទួលបរាជ័យម្ដងទៀតនៅឆ្នាំ២០០៥។តែ លោកស្រី Truss មិនបានបោះបង់ចោលមហិច្ឆតារបស់ខ្លួនឡើយ រហូតដល់ជាប់ឆ្នោតជាសមាជិក ក្រុមប្រឹក្សាក្រុង Greenwich នៅឆ្នាំ២០០៦ ហើយចាប់ពីឆ្នាំ២០០៨ លោកស្រីបានបម្រើការងារឱ្យវិទ្យាស្ថានសិក្សាស្រាវជ្រាវ Reform។ នៅឆ្នាំ២០១០ ទើបលោកស្រីជាប់ឆ្នោត ជាសមាជិកសភាអង់គ្លេស និងនៅឆ្នាំ២០១៤ លោកស្រីបានកាន់តំណែងជារដ្ឋមន្ត្រីចំនួន ៦ដងនៅក្រោមការដឹកនាំរបស់នាយករដ្ឋមន្ត្រី៣នាក់ គឺលោក ដាវីដ កាម៉េរុន (David Cameron) លោកស្រី Theresa May និងលោក Boris Johnson។លោកស្រី Liz Truss បានចាប់ផ្ដើមកាន់តំណែងជារដ្ឋមន្ត្រីជាលើកដំបូង ជារដ្ឋមន្ត្រីទទួលបន្ទុកកិច្ចការបរិស្ថាន ស្បៀងអាហារ និងជនបទ នៅក្រោមរដ្ឋាភិបាលរបស់អតីត នាយករដ្ឋមន្ត្រីអង់គ្លេស លោក ដាវីដ កាម៉េរុន (David Cameron) និងនៅឆ្នាំ២០២១ លោកស្រីត្រូវបានតែងតាំងជារដ្ឋមន្ត្រីការបរទេសអង់គ្លេសរបស់លោក បូរីស ចនសុន។
គួរបញ្ជាក់ថា នៅថ្ងៃអង្គារសប្តាហ៍នេះ លោក បូរីស ចនសុន និងលោកស្រី លីស ត្រាស់ នឹងត្រូវធ្វើដំណើរទៅកាន់ប្រទេសស្កុតឡែន ដើម្បីជួបម្ចាស់ក្សត្រី អេលីហ្សាបែត (Elizabeth)។ លោក ចនសុន នឹងប្រគល់លិខិតលាលែងពីតំណែងជាផ្លូវការជូនម្ចាស់ក្សត្រី អេលីហ្សាបែត ដែលនឹងស្នើសុំឱ្យលោកស្រី លីស ត្រាស់ បង្កើតរដ្ឋាភិបាលថ្មី.។ សម្រាប់ការបង្កើតគណរដ្ឋមន្ត្រីថ្មីនេះបន្ទាប់ពីជ័យជំនះរបស់លោកស្រី Liz Truss ក្នុងការប្រកួតប្រជែងមេដឹកនាំគណបក្សអភិរក្សនិយមរដ្ឋមន្ត្រីក្រសួងមហាផ្ទៃចក្រភពអង់គ្លេសលោកស្រីព្រីទីផាស្តែល( Priti Patel )ក្នុងរដ្ឋបាលលោកបូរិសចនសុនបានប្រកាសការលាលែងពីតំណែងរបស់លោកស្រី ដោយថ្លែងថា លោកស្រីគ្មានផែនការធ្វើការក្នុងរដ្ឋាភិបាលរបស់លោកស្រី Liz Truss ទេ។ ក្នុងលិខិតលាលែងពីតំណែងរបស់លោកស្រីទៅកាន់លោកបូរិសចនសុន( Boris Johnson )ដែលបានចែករំលែកលើបណ្តាញផ្សព្វផ្សាយសង្គម លោកស្រី Patel និយាយថា វាជាជម្រើសរបស់លោកស្រី ក្នុងការបន្តការងារសាធារណៈរបស់លោកស្រី ពីសមាជិកជាន់ខ្ពស់គណបក្សអភិរក្សនិយម នៅពេលលោកស្រី Truss ឡើងកាន់តំណែងជាផ្លូវការជានាយករដ្ឋមន្ត្រីនៅថ្ងៃអង្គារនេះ៕
