វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3604 នាក់
ម្សិលមិញ 5544 នាក់
សរុប 13944701 នាក់
អាហ្វហ្គានីស្ថាន៖ ហាំហ្សា ប៊ីនឡាដិន (Hamza bin Laden) ដែលជាកូនប្រុសអតីតមេដឹកនាំក្រុមអាល់កៃដា អូសាម៉ា ប៊ិនឡាដិន (Osama bin Laden) បានរៀបអាពាហ៍ពិពាហ៍ហើយក្នុងប្រទេសអាហ្វហ្គានីស្ថាន ជាមួយកូនស្រីម្នាក់នៃមេដឹកនាំចោរប្លន់យន្ដហោះ ដែលបានវាយប្រហារលើអគារពាណិជ្ជកម្មពិភពលោករបស់សហរដ្ឋអាមេរិក កាលពីថ្ងៃទី១១ ខែកញ្ញា ឆ្នាំ២០០១។
ប្រភពពីសារព័ត៌មាន Sputnik នៅល្ងាចថ្ងៃចន្ទ ទី០៦ ខែសីហា ឆ្នាំ២០១៨និងសារព័ត៌មាន The Guardian បានឲ្យដឹងថា៖លោក អាហ៍ម៉េដ អាល់អាត់តាស (Ahmad al-Attas) បងប្អូនម្ដាយទីទៃរបស់លោកអូសាម៉ាប៊ិនឡាឌិន( Osama bin Laden )បានប្រាប់កាសែតថាយុវជន ហាំហ្សា ប៊ីនឡាដិន (Hamza bin Laden) បានរៀបអាពាហ៍ពិពាហ៍ជាមួយកូនស្រី ម្នាក់ របស់លោក ម៉ូហាំម៉េដ អាត់តា (Mohammed Atta) ដែលជាមេដឹកនាំម្នាក់ក្នុងចំណោមអ្នកប្លន់យន្ដហោះ បំបុកអគារភ្លោះពាណិជ្ជកម្មពិភពលោកក្នុងទីក្រុងញូយ៉ក កាលពីថ្ងៃទី១១ ខែកញ្ញា ឆ្នាំ២០០១ដែលជាលេសនាំឲ្យអាមេរិកធ្វើសង្គ្រាមផ្តួលរំលំរបបសាដាបហ៊ូនសេននិងចូលកានកាប់ប្រទេសអាហ្គានិស្តង់។
លោក Ahmad មិនបានបញ្ជាក់ពីឈ្មោះកូនក្រមុំដែលមានអាយុប្រហែលជា ២០ឆ្នាំនោះ ឡើយ ។ «យើងបានលឺដំណឹងថា Hamza បានរៀបការជាមួយកូនស្រីរបស់ Mohammed Atta... ហើយយើងមិនបានដឹងប្រាកដឡើយថា គាត់កំពុងនៅទីណាតែគាត់អាចនៅក្នុងប្រទេសអាហ្វីហ្កាស្ថាន»។
បើតាម៖លោក អាហ៍ម៉េដ អាល់អាត់តាស (Ahmad al-Attas) ឲ្យដឹងថាហាំហ្សា ប៊ីនឡាដិន (Hamza bin Laden) មានអាយុ ២៩ឆ្នាំ គឺជាមន្ត្រីជាន់ខ្ពស់ម្នាក់នៅក្នុងក្រុមអាល់កៃដា ឬអាចកាន់តំណែងជាបងធំទី ២ នៅក្នុងក្រុមមួយនេះផងដែរ។ ក្រោយប្រកាសធ្វើសង្គ្រាមប្រឆាំងនឹងសហរដ្ឋអាមេរិក អង់គ្លេស បារាំង និងអ៊ីស្រាអែល កូនប្រុសរបស់អតីតមេដឹកនាំអាល់កៃដារូបនេះ ក៏បាននិងកំពុងរៀបចំផែនការសងសឹកឱ្យឪពុករបស់ខ្លួនផងដែរ ដែលត្រូវបានកងកម្ម៉ង់ដូពិសេសអាមេរិក បានសម្លាប់នៅឯទីក្រុង អាប់បុតតាបាដ (Abbottabad) ប្រទេសប៉ាគីស្ថានកាលពីឆ្នាំ២០១១៕