វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 828 នាក់
ម្សិលមិញ 6359 នាក់
សរុប 14087461 នាក់
ភ្នំពេញ៖អគ្គនាយកដ្ឋានការពារអ្នកប្រើប្រាស់ការប្រកួតប្រជែង និងបង្ក្រាបការក្លែងបន្លំ (CCF) នៃក្រសួងកសិកម្មកាលពីថ្ងៃអង្គារ៍ទី២៤សីហាបានឲ្យដឹងថាប្រទេសកម្ពុជាបានផ្អាកជាបណ្តោះអាសន្ននូវការនាំចូល និងចែកចាយម្សៅទារកម៉ាកល្បីៗជាច្រើនបន្ទាប់ពីបានរកឃើញមានសារធាតុអាបេស្តូសនៅក្នុងផលិតផលទាំងនោះ។
CCF (កបប)បាននិយាយនៅក្នុងសេចក្តីថ្លែងការណ៍មួយថា ផលិតផលដែលមានផ្ទុកសារធាតុអាបេស្តូស ទាំងនោះមានដូចជា ម្សៅទារក Johnson’s, Johnson’s blossoms baby powder, D-nee Kids Baby Powder, D-nee Newborn Baby Powder, Kodomo Baby Powder, Bhaesaj Cool Powder, និង Babi mild Natural ‘N Mild ដែលផលិតផលទាំងអស់នេះ ផលិតនៅក្នុងប្រទេសថៃ ក៏ដូចជាម្សៅកូនក្មេង Pureen និង Laffair Be Love ដែលផលិតនៅក្នុងប្រទេសម៉ាឡេស៊ី។
CCF បាននិយាយថា “អាបេស្តូសមិនត្រូវមាននៅក្នុងផលិតផលគ្រឿងសំអាងទេព្រោះវាអាចបង្កគ្រោះថ្នាក់ធ្ងន់ធ្ងរដល់សុខភាពអ្នកប្រើប្រាស់ ជាពិសេសវាអាចបង្កមហារីក ។ដូច្នោះ រាល់ម្សៅទារកទាំងអស់ត្រូវតែគ្មានផ្ទុកសារធាតុអាបេស្តូស។CCF ក៏បានបញ្ជាឱ្យអ្នកនាំចូល និងអ្នកចែកចាយប្រមូលផលិតផលទាំងនោះពីទីផ្សារនិងផ្តល់ពេល២សប្តាហ៍ដើម្បីយកគំរូផលិតផលដែលមានផ្ទុកសារធាតុអាបេស្តូសទាំងនោះមកធ្វើការវិនិច្ឆ័យនៅឯមន្ទីរពិសោធន៍ដែលទទួលស្គាល់ជាអន្តរជាតិ។CCFបានបន្ថែមថាការប្រកាសបន្ថែមទៀតនឹងត្រូវបានធ្វើឡើងនៅពេលដែលលទ្ធផលនៃការធ្វើរោគវិនិច្ឆ័យដោយមន្ទីរពិសោធន៍ចេញលទ្ធផល៕