វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1637 នាក់
ម្សិលមិញ 5378 នាក់
សរុប 14080930 នាក់
ភ្នំពេញ៖ នាព្រឹកថ្ងៃទី ២៥ ខែ មេសា ឆ្នាំ ២០២០ មន្ទីរពេទ្យមិត្តភាពកម្ពុជារុស្ស៊ីបានអនុញ្ញាតអោយអ្នកជំងឺ Covid-19ទាំងអស់ ចំនួន ៥ នាក់ ក្រោយព្យាបាលជាសះស្បើយចេញពីមន្ទីរពេទ្យ។ អ្នកជម្ងឺរួមជនជាតិខ្មែរ ១ នាក់ ជនជាតិម៉ាឡេស៊ី ១ នាក់ ជនជាតិវៀតណាម ១ នាក់ ជនជាតិចិន ២ នាក់ ដោយបានធ្វើតេស្តអវិជ្ជមានចំនួន ២ ដង។ ដូចនេះមិនមានអ្នកជំងឺ Covid-19 សម្រាកនៅមន្ទីរពេទ្យរុស្ស៊ីទៀតទេ។
លោកសាស្ត្រាចា្យ ងី ម៉េងក្នុងនាមថ្នាក់ដឹកនាំមន្ទីរពេទ្យមិត្តភាពខ្មែរ-សូវៀត សូមថ្លែងអំណរគុណយ៉ាងជ្រាលជ្រៅជូនចំពោះក្រុមគ្រូពេទ្យជួរមុខទាំងអស់ និងសហការីដែលខិតខំប្រឹងប្រែងអស់ពីកំលាំងកាយចិត្តក្នុងការពិនិត្យ និងព្យាបាលអ្នកជំងឺ Covid-19 បានជាសះស្បើយពីជំងឺដ៏កាចសាហាវនេះ ។ ឯអ្នកជំងឺកូវីដ១៩ ក្នុងខេត្តសៀមរាបវិញកន្លងមក មានចំនួន៧ នាក់ បានជាសះស្បើយ ៦ នាក់កន្លងមក។អាឡូវបន្ថែមការជាសះស្បើយ ១នាក់ចុងក្រោយនេះ ដូចនេះ មិនមានអ្នកជំងឺសំរាលព្យាបាលនៅមន្ទីរពេទ្យបង្អែកខេត្តទៀតនោះទេ។
បើ គិតត្រឹមថ្ងៃទី២៥ ខែមេសា ឆ្នាំ២០២០នេះ អ្នកជំងឺ COVID-19 នៅកម្ពុជា សរុបបានជាសះស្បើយចំនួន១១៧នាក់ ហើយនៃចំនួនអ្នកឆ្លងសរុប១២២នាក់ ។អ្នកនៅសម្រាកព្យាបាលនៅមន្ទីរពេទ្យនៅសល់តែ៥នាក់ តែប៉ុណ្ណោះ។ ប៉ុន្តែទោះបីយ៉ាងណាក៏ដោយ អ្នកនាំពាក្យក្រសួងសុខាភិបាល លោកជំទាវ ឱ វណ្ណឌីន បានបញ្ជាក់ជាថ្មីថា យើងមិនត្រូវបន្ធូរដៃ ចំពោះជំងឺឆ្លងដ៏កាចសាហាវនេះនោះទេ។ នោះគឺយើងកុំភ្លេចថា យើងអាចភ្លេចវីរុស COVID-19 តែវីរុស COVID-19មិនអាចភ្លេចយើងទេ។