វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5274 នាក់
ម្សិលមិញ 9706 នាក់
សរុប 14083517 នាក់
ប្រទេសថៃ៖ប្រជាពលរដ្ឋថៃកំពុងអ៊ុតមើលថាត់តុលាការធម្មនុញ្ញសម្រេចថា តើត្រូវទទួលយកសំណើរបស់នាយករដ្ឋមន្ត្រី Prayuth Chan-o-cha ដើម្បីគ្រប់គ្រងអាណត្តិ ឬយ៉ាងណា?។ ចលនាប្រឆាំងទៅនឹងរដ្ឋាភិបាលបាននិងកំពុងដាក់សម្ពាធឲ្យនាយករដ្ឋមន្ត្រីចុះចេញពីតំណែងដោយពួកគេបានដាក់ញត្តិទៅប្រធានសភាជាតិថៃលោកឈួនលិកផៃ( Chuan Leekpai )ហើយញត្តិត្រូបានវបញ្ជូនទៅតុលាការនៅថ្ងៃទី២២ ខែសីហា,។ កាសែត Bangkok Postបានដកស្រង់ព័ត៌មានពីគណបក្សភឿថៃ ឲ្យដឹងថា តុលាការនឹងធ្វើសេចក្តីសម្រេចលើញត្តិនៅថ្ងៃទី២៤ ខែសីហា ហើយនេះក៏ជាថ្ងៃដែលបក្សប្រឆាំងគិតថា អាណត្តិរបស់លោកប្រាយុទ្ធត្រូវចប់ដែរ។ ប្រសិនបើសំណើនេះត្រូវបានអនុញ្ញាត តុលាការក៏នឹងត្រូវសម្រេចថា តើត្រូវព្យួរនាយករដ្ឋមន្ត្រីដោយរង់ចាំការសម្រេចឬអត់។ គណៈកម្មការរៀបចំការបោះឆ្នោតរបស់ប្រទេសថៃ ក៏កំពុងពិភាក្សាសុំឲ្យតុលាការសម្រេចលើអាណត្តិលោក ប្រាយុទ្ធ(Prayuth )ផងដែរ។
លោក ប្រាយុទ្ធ បានឡើងកាន់អំណាចដោយប្រើកម្លាំងនៅក្នុងឆ្នាំ ២១៤ ហើយបន្តដឹកនាំប្រទេសថៃ បន្ទាប់ពីការបោះឆ្នោតឆ្នាំ ២០១៩ដោយបានកែរដ្ឋធម្មនុញ្ញអនុញាតិឲ្យយោធាមានកៅអីក្នុងព្រីទ្ធសភាដែលជាកម្លាំងសម្រាប់ការពារ។មាត្រា ១៥៨ នៃរដ្ឋធម្មនុញ្ញថៃចែងថា អាណត្តិនាយករដ្ឋមន្ត្រីមិនអាចលើសពីប្រាំបីឆ្នាំបានទេ។ ទោះយ៉ាងណាក៏ដោយ មានភាពចម្រូងចម្រាសជាច្រើនជុំវិញបញ្ហានេះ។មានអ្នកជំទាស់ថា អាណត្តិរបស់នាយករដ្ឋមន្ត្រីថៃ Prayuth Chan-o-cha គួរតែរាប់ចាប់ពីពេលដែលគាត់កាន់អំណាចក្នុងឆ្នាំ២០១៤ បន្ទាប់ពីរដ្ឋប្រហារ និងបញ្ចប់នៅឆ្នាំ ២០២២ ខណៈពេលដែលអ្នកផ្សេងទៀត ស្នើថាគួរតែរាប់អាណត្តិនេះ ចាប់តាំងពីគាត់បានចូលកាន់តំណែងនៅឆ្នាំ ២០១៩ ក្រោមធម្មនុញ្ញឆ្នាំ២០១៧ ដូច្នេះហើយបញ្ចប់នៅឆ្នាំ២០២៧។
មេដឹកនាំគណបក្សភឿថៃ លោកឆលណានស្រ៊ីកែវ( Cholnan Srikaew )និយាយថា ភាពតានតឹងនឹងធូរស្រាល ប្រសិនបើលោក ប្រាយុទ្ធ លាលែងពីដំណែង។ បើយោងតាមលោកឆលណានប្រសិនបើតុលាការសម្រេចព្យួរតំណែងនាយករដ្ឋមន្ត្រី គណបក្សភឿថៃ នឹងពិភាក្សាជ្រើសរើសបេក្ខជនដើម្បីចូលរួមក្នុងការបោះឆ្នោតជ្រើសរើសមេដឹកនាំថ្មី នៅក្នុងសភាតំណាងរាស្ត្រ។កាលពីចុងសប្តាហ៍មាន ក្រុមនិងអង្គការចំនួន ៣៨ ក៏បានអំពាវនាវឲ្យលោក ប្រាយុទ្ធ លាលែងពីតំណែងផងដែរ។ ពួកគេនិយាយថា៖ «ក្រោយថ្ងៃទី២៤ ខែសីហា មិនថាលោកឧត្តមសេនីយ៍ Prayuth លាលែងពីតំណែងឬអត់ទេ គឺថាការសម្រេចរបស់តុលាការនឹងលែងត្រូវបានគេទទួលស្គាល់ជានាយករដ្ឋមន្ត្រីទៀតហើយ»។លោកនាយករដ្ឋមន្ត្រី ប្រាយុទ្ធបាននិយាយមុននេះថា លោកនឹងទទួលយកសេចក្តីសម្រេចរបស់តុលាការ ហើយបដិសេធមិនឆ្លើយសំណួរអំពីរយៈពេលនៃអាណត្តិរបស់លោកទេ៕