» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2300 នាក់

ម្សិលមិញ 6501 នាក់

សរុប 13950855 នាក់

សម្តេច​តេ​ជោ​ហ៊ុនសែន​ទទួលស្គាល់ថា​ពួក​ប្រឆាំង​ទាយ​ត្រូវ​ម៉ាច់​តែ​អ្នក​ទាយ​អត់​បាន​អី​ទេ​!

​ភ្នំពេញ​៖ សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​លើកឡើងថា ទោះបីជា​សម្តេច​បាត់បង់​អំណាច នៅពេល​ខាងមុខ ក៏​អំណាច​ក្នុងការ​គ្រប់គ្រង​ដឹកនាំ​ប្រទេស ក៏​នៅតែ​ស្ថិតនៅក្នុង​ដៃ​គណបក្ស​ប្រជាជន​កម្ពុជា ដែលជា​គណបក្ស​ធំជាងគេ ហើយ​មិន​ធ្លាក់​ទៅក្នុង​ដៃ​របស់​ក្រុមប្រឆាំង​ដែរ​។​ការ​ថ្លែង​របស់​សម្តេច​តេ​ជោ​នាយករដ្ឋមន្ត្រី​បានធ្វើ​ឡើង​ក្នុង​ពិធី​សំណេះសំណាល​ចែក​សញ្ញា​ប​ត្រ័​ជូន​និស្សិត​សកលវិទ្យា​លយ​អាស៊ី​អឺរ៉ុប​នា​ព្រឹក​ថ្ងៃទី​២៣​សីហា​នៅ​ស្ន​និបាត​កោះ​ពេជ្រ​។​a hun erasy 

​ការបញ្ជាក់​របស់ សម្តេច​តេ​ជោ ហ៊ុន សែន គឺជា​ការបកស្រាយ​បន្ទាប់ពី​មាន​ស្ត្រី​ម្នាក់ ដែលជា​សមាជិក​ក្រុមប្រឆាំង លើកឡើងថា សម្តេច​តេ​ជោ អាច​នឹង​អស់អំណាច​នៅពេល​ខាងមុខនេះ​។​ទាក់ទង​និង​ការ «​ទស្ស​ទាយ​»​នេះ សម្តេច​បាន​អះអាងថា ការទស្សទាយ​នេះ​ពិតជា​ត្រឹមត្រូវ​។ សម្តេច​លើកឡើងថា​៖ «​ត្រឹមត្រូវ​លោកយាយ ខ្ញុំ​ហៅ​លោកយាយ​ទៅ​ចុះ ប៉ុន្តែ​មុខ​ហ្នឹង​ប្រហែលជា​អាយុ​មិន​ច្រើនជាង​ខ្ញុំ​ទេ ហ៊ុន សែន នឹង​បាត់​អំណាច​ពិតប្រាកដ ហើយ​បើ​ទាយ​មួយ​ទៀតថា ហ៊ុន សែន នឹង​ស្លាប់​ត្រឹមត្រូវ​ទៀត​»​។​​សម្តេច​បាន​បន្ថែមថា «​ជីវិត​មនុស្ស​វា​ត្រូវតែ​ស្លាប់ គ្មាន​នរណា​ចាស់​សក​ទេ កុំ​ឆ្ងល់​ពេក ផ្តាំ​ទៅវិញ​ទៅ​ថា ទាយ​ហ្នឹង​ត្រឹមត្រូវ​ហើយ ទាយ​ថា "​ហ៊ុន សែន នឹង​អស់អំណាច​" គឺ​ច្បាស់​ជា​អស់ហើយ ព្រោះ​វា​មិនដែល​នរណា ធ្វើ​ដល់​ថ្ងៃ​ងាប់ ឬក៏​ងាប់​ហើយ នៅតែ​ជា​នាយករដ្ឋមន្ត្រី វា​គង់តែ​បាត់ ក៏ប៉ុន្តែ​សូមបញ្ជាក់ថា វា​មិន​ធ្លាក់​ទៅលើ​ដៃ​ពួក​អ្នកណា​ផ្សេង ក្រៅពី​គណបក្ស​ប្រជាជន​ទេ សូមបញ្ជាក់​ជូន​ឱ្យ​ហើយ​»​។​

សម្តេច​តេ​ជោ បានបញ្ជាក់​ផងដែរ​ថា សម្តេច​ក៏បាន​ប្រកាស​ច្រើនលើក​រួចទៅហើយ ហើយក៏​បានរៀបចំ​រួចហើយ​ដែរ​។ សម្តេច​បាន​ចោទសួរ​ទៅ​ក្រុម​អ្នក​ទស្ស​ទាយ​ទាំងនោះ​ថា «​ម្តេចក៏​ស្តាប់​មិនបាន​?»​។ សម្តេច​តេ​ជោ ហ៊ុន សែន បានលើកឡើង​ទៀតថា ឧទាហរណ៍​ថា​អំណាច​មិនបាន​ទៅ លោក​បណ្ឌិត ហ៊ុន ម៉ា​ណែ​ត ទៅ​ចុះ ក៏ប៉ុន្តែ​អំណាច​ដឹកនាំ​ប្រទេស​នេះ មិន​ធ្លាក់​ទៅក្នុង​ដៃ​ក្រុមប្រឆាំង​ដែរ ច្បាស់​ជា​បាន​ទៅលើ​អ្នក​នៅក្នុង​គណបក្ស​ប្រជាជន​ធ្វើ​ដដែល​ទេ​។​​ក្រៅពី​ការ​ទស្សន៍ទាយ​របស់ ស្ត្រី​ខាងលើនេះ សម្តេច​តេ​ជោ ហ៊ុន សែន ក៏បាន​ប្រតិកម្ម​ទៅ​បុគ្គល​ម្នាក់​ដែល​សម្តេច​ហៅថា «​អា​ខ្មៅ​»​ដែល​ចង់​ឬ​មិន​ចង់​គឺ​គេ​ដឹងថា​ជា សង្ឃ​ឈ្មោះ ប៊ុត ប៊ុន​តិ​ញ ដែល កាលពី​ថ្ងៃទី​២២ ខែសីហា ឆ្នាំ​២០២២​បាន​ចេញមុខ​វាយប្រហារ សម្តេច​តេ​ជោ ហ៊ុន សែន តាម​បណ្តាញ​សង្គម ចំពោះ​ចំណាត់ការ​លើ លោក សាន្ត ប៊ុនធឿន ដែលថា «​លោក សាន្ត ប៊ុនធឿន កែ​មិន​ឡើង តែ​ស​ម្តេចក៏​កែ​មិន​ឡើង​ដែរ​»​។​

​រឿងនេះ​សម្តេច​បាន​តប​ទៅវិញ​ថា​៖ «​ត្រឹមត្រូវ​ទៀត ហ៊ុន សែន កែ​អត់​ឡើង​ទេ ព្រោះ​ហ៊ុន សែន ត្រូវការ​ធានា​នូវ​ការការពារ​សន្តិភាព សម្រាប់​ព្រះរាជាណាចក្រ​កម្ពុជា​អភិវឌ្ឍ​។ តើ​ចង់ឱ្យ ហ៊ុន សែន កែ​យ៉ាងម៉េច​បើ ហ៊ុន សែន កំពុង​ឈរ​នៅ​កន្លែង​នេះ ការពារជាតិ​ការពារ​ទឹកដី ការពារ​នូវ​សន្តិភាព ការរស់រានមានជីវិត​របស់​ប្រជាជន​»​។​​សម្តេច​បាន​ផ្តាំ​ទៅវិញ​ថា «​កុំ​សង្ឃឹមថា ហ៊ុន សែន កែ​មួយជីវិត ហ៊ុន សែន គឺ​នៅតែ ហ៊ុន សែន ដាច់ខាត គឺ ហ៊ុន សែន របស់​កម្ពុជា ផ្តាំ​ទៅ​លោក​ឯង​ឱ្យ​ច្បាស់ កុំឱ្យ​វា​ពិបាក​ពេក »​។

​ទាក់ទង​រឿង​កាសែត​នេះ​ផងដែរ​សម្ដេច​តេ​ជោ ហ៊ុន សែន នាយករដ្ឋមន្ដ្រី​នៃ​កម្ពុជា បាន​ណែនាំ​ទៅកាន់​លោក ខៀវ កាញារីទ្ធ រដ្ឋមន្ដ្រីក្រសួង​ព័ត៌មាន ត្រូវ​បិទ​អាជ្ញាប័ណ្ណ​ចោល​នូវ​ប្រព័ន្ធ​ផ្សព្វផ្សាយ​ព័ត៌មាន​ទាំងឡាយណា ដែល​ប្រើប្រាស់​នូវ​ពាក្យ​ជេរប្រមាថ​អ្នកដទៃ​។​ក្រសួង​ព័ត៌មាន បាន​បិទ​ចោល​នូវ​អាជ្ញាប័ណ្ណ​សារព័ត៌មាន​របស់លោក សាន្ដ ប៊ុនធឿន កាលពី​ថ្ងៃទី​២២ ខែសីហា ឆ្នាំ​២០២២​ម្សិលមិញ បន្ទាប់ពី​លោក សាន្ដ ប៊ុនធឿន បាន​ឡាយ​តាមរយៈ​ទំព័រ​ព័ត៌មាន​របស់ខ្លួន​ប្រើប្រាស់​នូវ​ពាក្យសម្ដី​មិន​សមរម្យ និង​ជេរប្រមាថ​អ្នកដទៃ​។​​សម្ដេច​តេ​ជោ ហ៊ុន សែន ថា «​ថ្ងៃក្រោយ​ត្រូវ​ពិនិត្យ រដ្ឋមន្ដ្រី ខៀវ កាញារីទ្ធ ក្រុម​ណា​ដែល​ចេញមក​ជេរ​បិទ​វា​ចោល​ទៅ​។ ឲ្យ​សិទ្ធិ​អ្នកឯង​ក្នុង​ការនិយាយ បញ្ចេញមតិ ប៉ុន្ដែ​សិទ្ធិ​ជេរ​មិន​ត្រូវបាន​ប្រើប្រាស់​ក្នុង​សារព័ត៌មាន​ឡើយ ហើយ​បើ​ឡាយ​ក្នុង​ហ្វេ​ស​បុក​ជេរ​នោះ​ជា​រឿង​ផ្សេង​»​។​

សម្ដេច​តេ​ជោ ហ៊ុន សែន ក៏បាន​រំលឹក​នូវ​រឿងរ៉ាវ​មួយ​កាលពី​ឆ្នាំ​២០២០ ដែល​រដ្ឋមន្ដ្រី ខៀវ កាញារីទ្ធ ស្នើ​ទៅ​សម្ដេច​ដោយ​សុំ​ឲ្យ​មេធាវី​ស្ម័គ្រចិត្ត​របស់​សម្ដេច​តេ​ជោ ជួយ​ការពារ​អ្នកសារព័ត៌មាន ប៉ុន្ដែ​ត្រូវបាន​សម្ដេច​សម្រេច​ថា យក​ត្រឹម​ពាក់កណ្ដាល ដោយ​ជួយ​ការពារ​អ្នកសារព័ត៌មាន​ដោយ​អង្គហេតុ និង​អង្គច្បាប់​សមស្រប បើ​អ្នកសារព័ត៌មាន​នោះ ជេរ​គេ​មេធាវី​សម្ដេច​មិន​ជួយ​ការពារ​នោះទេ​។​​ពាក់ព័ន្ធ​ជាមួយ​លោក សាន្ដ ប៊ុនធឿន​នេះ សម្ដេច​តេ​ជោ ហ៊ុន សែន បាន​ទម្លាយ​ថា សម្ដេច​ធ្លាប់ជួយ​ជា​លុយ​សុទ្ធ​ប្រមាណ​១៨​ម៉ឺន​ដុល្លារ ដើម្បី​ឲ្យ​លោក សាន្ដ ប៊ុនធឿន ទិញ​ផ្ទះ​នៅ និង​ការឧបត្ថម្ភ​ថវិកា​ប្រចាំខែ​បន្ថែម​ទៀតផង​។​​មូលហេតុ​ដែល​នាំ​ឲ្យ​សម្ដេច​តេ​ជោ ហ៊ុន សែន ណែនាំ​ឲ្យ​កាត់ចោល​ក្របខ័ណ្ឌ​លោក សាន្ដ ប៊ុនធឿន ចេញពី​កងយោធពល​ខេមរភូមិន្ទ (​បញ្ជាការដ្ឋាន​អង្គរក្ស​)​នោះ គឺ​ដោយសារតែ​សម្ដេច​ណែនាំ​ច្រើនលើកច្រើនសារ​អំពី​ឥរិយាបថ និង​ការប្រើប្រាស់​ពាក្យសម្ដី​មិន​សមរម្យ ហើយ​ឡាយ​នៅលើ​បណ្ដាញ​សង្គម​ហ្វេ​ស​បុក ប៉ុន្ដែ​លោក សាន្ដ ប៊ុនធឿន មិនបាន​កែប្រែ​នោះឡើយ​។a hun erasy1