វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5381 នាក់
ម្សិលមិញ 6359 នាក់
សរុប 14092014 នាក់
ភ្នំពេញ៖ពិតជាពិសេសសម្រាប់ខួបកំណើតនៅក្នុងឆ្នាំនេះតារាសម្តែងរូបស្រស់ គឺម ច័ន្ទបូរមី ទទួលបានកាដូរថយន្តទំនើបពីសំណាក់គូស្នេហ៍ដែលគេស្គាល់ថាជាកូនចៅសេដ្ឋីគឺលោក ហ៊ុន បញ្ញាបុត្រ ដែលធ្វើឱ្យមិត្តភក្តិនៅក្នុងបណ្តាញសង្គមលាន់មាត់សរសើរនិងជូនពរដល់រូបនាងគ្រប់គ្នា ។ទោះខកខាននៅក្នុងការបង្ហាញសកម្មភាពសិល្បៈជាច្រើនឆ្នាំដោយសារជាប់បន្តការសិក្សារក៏ពិតមែន តែតារាសម្តែងរូបស្រស់ម្នាក់នេះនៅតែទទួលបានការចាប់អារម្មណ៍ពីសំណាក់មហាជនជាពិសេសតាមរយៈរូបសម្រស់ដ៏ផូរផង់រួមនឹងជីវិតឯកជនរបស់នាងផងដែរ ។
ថ្មីៗនេះសម្រាប់ថ្ងៃខួបកំណើតនៅក្នងឆ្នាំនេះតារាសម្តែង គីម ច័ន្ទបូរមី ក៏ទទួលបានកាដូរថយន្តទំនើបពណ៌ខ្មៅស្រិលម៉ាក Lamborghini ដែលមានតម្លៃខ្ពស់កប់ពពកពីសំណាក់គូស្នេហ៍លោក ហ៊ុន បញ្ញាបុត្រ ដែលជាចៅរបស់នាយករដ្ឋមន្ត្រី ។ ការពិតទៅគេសង្កេតឃើញថាជារៀងរាល់ឆ្នាំ គីម ច័ន្ទបូរមី តែងទទួលបាននូវវត្ថុអនុស្សាវរីយ៍ពីសំណាក់គូស្នេហ៍ហើយបើទោះពួកគេមិនទាន់ចូល រោងជ័យក៏ពិតមែន ។
កន្លងមក គីម ច័ន្ទបូរមី ធ្លាប់បានសរសើរដល់គូស្នេហ៍ពេញមាត់តាមបណ្តាញសង្គមថា «ម៉ាប់អូនអើយជាង៥ឆ្នាំនេះបងដើរតួរនាទីជាសង្សារដ៏សែនល្អ ស្មោះត្រង់បំផុតចំពោះអូន (សម្តី បងដែលប្រាប់ទៅមនុស្សគ្រប់គ្នា» ខ្ញុំមិនក្បត់ម៉ីព្រោះខ្ញុំមិនចង់ឱ្យស្រីទាំងនោះមើលងាយមនុស្សខ្ញុំស្រលាញ់)»។សូមបញ្ជាំក់ថាកញ្ញា គីម ច័ន្ទបូរមី ធ្លាប់ជាអតីតហ្វ្រេសស៊ីហ្គ្រើល និងជាតារាសម្តែង វ័យក្មេងមួយដួងដែលទទួលបានការគាំទ្រពីសំណាក់មហាជន តែក្រោយ មកនាងបានផ្អាកពីអាជីពនេះដោយសារជាប់រវល់នៅក្នុងការសិក្សានិងមានការការឧបត្ថម្ភគ្រប់គ្រាន់ផងដែរ ៕