ស្រីក្រមុំអនិកជនមកពីអូស្ត្រាលីការហើយប្រុងរត់គេចប្តីនៅស្រុកខ្មែដឹងទាន់ទាស់គ្នាផ្អើលនគរបាល
15-January-2021 / សិល្បះនិងបែ្លកៗ
ភ្នំពេញ៖បុរសខ្មែរម្នាក់រៀបការជាមួយនារីខ្មែរអានិកជនអូស្ត្រាលីបង្គាប់ថ្លៃបណ្តាការ៥៧០០០ដុល្លារអាមេរិក។តែពេលរៀបការរួចសើមៗខាងស្រីប្រុងគេចខ្លួនទៅអូស្ត្រាលីវិញប្តីដឹងទាន់ឈ្លោះគ្នាផ្អើលគេឯងកាលពីម៉ោង១១និង៤០យប់ ថ្ងៃទី០៨ ខែមករា ឆ្នាំ២០១៩ត្រង់ចំណុចខាងមុខសណ្ឋា គារ តារអ៊ែរផតជាប់និងផ្សារទំនើប រតនៈផ្លាហ្សា ស្ថិតក្នុងសង្កាត់ទឹកថ្លា ខណ្ឌសែនសុខ។
បុរសជាប្តីឈ្មោះ សេង ឧត្តម អាយុ២៧ឆ្នាំ ស្នាក់នៅភូមិប៉ប្រកខាងជើង សង្កាត់កាកាបទី១ ខណ្ឌពោធិ៍សែនជ័យ។ ចំណែកឯនារីជាប្រពន្ធមានឈ្មោះ វិជ្ជនា សេងថា អាយុ២០ឆ្នាំ ជាជនជាតិខ្មែរ សញ្ជាតិអូស្ត្រាលី ស្នាក់នៅប្រទេសអូស្ត្រាលី។
បុរសជាប្តីបានរៀបរាប់ប្រាប់អោយឲ្យដឹងថា គាត់និងប្រពន្ធរបស់គាត់បានស្គាល់គ្នានិងបានស្រលាញ់គ្នាជាងបីខែមកហេីយពេលដែលនារីជាប្រពន្ធមកលេងនៅស្រុកខ្មែរ និងដោយមានឪពុកម្តាយទាំងសងខាងដឹងឮផងដែរ។ លុះរហូតដល់ខែវិច្ឆិកាឆ្នាំ២០១៨ គាត់និងនារីជាប្រពន្ធក៏បានព្រមព្រៀងភ្ជាប់ពាក្យជាមួយគ្នា ដោយក្នុងតម្លៃបណ្ដាការចំនួន៥៧០០០ដុល្លារអាមេរិក និងបានព្រមព្រៀងដាក់លុយបណ្ដាការទាំងនោះចូលទៅក្នុងកុងដែលមានឈ្មោះទាំងពីរនាក់ដើម្បីទុករកស៊ីពេលដែលរៀបការរួច និងចុះអេត្រាស៊ីវិលត្រឹមត្រូវតាមផ្លូវច្បាប់ផង។
រហូតដល់ថ្ងៃទី១៩ ខែធ្នូឆ្នាំ២០១៨នារីជាប្រពន្ធក៏បានវិលត្រលប់មកពីប្រទេសអូស្ត្រាលីមកស្រុកខ្មែរ វិញដើម្បីត្រៀមខ្លួនចូលរោងការនាថ្ងៃទី៣ ខែមករា ឆ្នាំ២០១៩ ។ពេលមកដល់ គាត់ក៏បានទៅទទួលនារីជាប្រពន្ធពីអាសយានដ្ឋានភ្នំពេញអន្តរជាតិពោធិ៍ចិនតុង ដើម្បីមកស្នាក់នៅផ្ទះរបស់គាត់ប៉ុន្តែប្រពន្ធរបស់គាត់មិនព្រមទៅស្នាក់ផ្ទះរបស់គាត់នោះទេថាចាំរៀបការជាមួយគ្នារួចទើបនាងព្រមទៅស្នាក់នៅជាមួយគ្រួសារខាងប្រុស ហើយក៏បានរៀបចំទៅជួលសណ្ឋាគារ តារាអ៊ែរផតខាងលើឲ្យនារីជាប្រពន្ធស្នាក់នៅបណ្តោះអាសន្ន ដោយក្រុមគ្រួសាររបស់គាត់គឺជាអ្នកចេញថ្លៃស្នាក់នៅ។
ដល់ថ្ងៃ៣ ខែមករា កន្លងទៅថ្មីៗនេះគាត់និងនារីជាប្រពន្ធក៏ចូលរោងការជាមួយគ្នា ដោយមានបងប្អូនញាតិមិត្តចូលរួមយ៉ាងច្រើនកុះករ។ បន្ទាប់ពីពិធីមង្គលការបានបញ្ចប់រួចរាល់ហេីយ តែនារីជាប្រពន្ធខាងលើនៅតែមិនព្រមទៅស្នាក់នៅផ្ទះជាមួយនិងគាត់ដែលជាប្តីទៀតទោះបីជាក្រុមគ្រួសាររបស់គាត់និយាយលួងលោមនាងយ៉ាងណាក៏ដោយ ក៏នាងចចេសសុំពេលស្នាក់នៅសណ្ឋាគារម្នាក់ឯងបីថ្ងៃសិនព្រោះមិនសូវស្រួលខ្លួន ។
គាត់និងក្រុមគ្រួសារក៏ព្រមតាមនាងបន្តទៀតលុះអស់រយះបីថ្ងៃកន្លងផុតទៅ នារីជាប្រពន្ធរបស់នៅតែមិនព្រមទៅស្នាក់នៅជាមួយនិងគាត់ទៀត ដោយរកលេសថាចាំថ្ងៃនេះ ចាំថ្ងៃនោះរហូត ហើយថែមទាំងលួចយកលុយបណ្ដាការចំនួន៥៧០០០ដុល្លារខាងលើទៅចាយវាយអស់ថែមទៀត។ពេលដែលគាត់សួរនាំ នាងថាលុយទាំងនោះគឺម្តាយនាងបានដកយកទៅចាត់ចែងសងគេអស់ហើយ។
ដល់ថ្ងៃកើតហេតុគាត់ក៏ដឹងដំណឹងថានារីជាប្រពន្ធរបស់គាត់បម្រុងចាកចេញពីស្រុកខ្មែរវិលត្រលប់ទៅប្រទេសអូស្ត្រាលីវិញនៅម៉ោង៥ព្រឹក ថ្ងៃទី០៩នេះដោយស្ងាត់មិនអោយគាត់ដឹង ទើបគាត់ក៏ទៅដាក់ពាក្យបណ្តឹងនៅសាលាសង្កាត់កាកាបទី១ដើម្បីឲ្យសមត្ថកិច្ចជួយដោះស្រាយ រហូតដល់វេលាកើតហេតុគាត់ក៏បានទៅសណ្ឋាគារដែលប្រពន្ធរបស់គាត់ស្នាក់នៅខាងលើស្រាប់ឃើញនារីជាប្រពន្ធកំពុងរៀបចំវ៉ាលីបំរុងចេញទៅទាំងយប់ក៏ឈ្លោះគ្នាផ្អើលគែឯងដឹងដល់សមត្តកិច្ចចុះធ្វើអន្តរាគមន៍។ភាគីទាំងពីរបានទៅប៉ុស្តិកាកាបដើម្បីបន្តដោះស្រាយ។ករណិយ៍ភាគីខាងស្រីឭថាសម្រេចសងបណ្តាការវិញតែ២៨០០០ដុល្លារអាមេរិកតែប៉ុណ្ណោះ?។
