វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2892 នាក់
ម្សិលមិញ 4292 នាក់
សរុប 14112591 នាក់
ភ្នំពេញ៖កាលពីយប់ថ្ងៃទី២៨សីហនាបន្ទាប់ពីគណៈកម្មការប្រកាសអំពីជ័យជំនះរបស់ លីម តិចម៉េង ជាម្ចាស់ពានកម្មវិធី Cambodian Idol មានសារអបអរសាទរជាច្រើនត្រូវបានបង្ហោះ ព្រោងព្រាតពេញបណ្តាញសង្គម ជាពិសេសបំផុតនោះគឺសារជូន «អបអរសាទរ» របស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នៅលើ Facebook របស់សម្តេច។សម្តេចតេជោ ហ៊ុន សែន បានសរសេរថា៖ «សូមអបអរសារចៅ លីម តិចម៉េង! ទីបំផុតជោគជ័យត្រូវបានទៅលើអ្នកឈ្នះ» ។សារចេញត្រឹមតែ ១នាទី (1m) ដំបូងប៉ុណ្ណោះមានចំនួនអ្នក Like 6.6K ហើយគិតត្រឹមម៉ោង១២៖៥៥នាទីថ្ងៃត្រង់នេះ (រយៈពេល១២ម៉ោង) មានអ្នក Like កើនដល់ 307K និង Share 30K ដែលសន្ទុះនេះកើនឡើងស្ទើរចង់គាំង Facebook។
ការទទួលគាំទ្រយ៉ាងខ្លាំងសម្បើមពីមហាជនរហូតស្ទើរចង់ផ្ទុះបែក Server Facebook នេះវាក៏ជាការបង្ហាញថា បេក្ខជន លីម តិចម៉េង ពិតជាសាកសមក្លាយជាម្ចាស់ពានកម្មវិធី Cambodian Idol ដែលជាកម្មវិធីដ៏ល្បីលំដាប់ពិភពលោក។សូមបញ្ជាក់ថានារាត្រីថ្ងៃអាទិត្យទី២៨ ខែសីហា ឆ្នាំ២០២២លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញជាអធិបតីក្នុងកម្មវិធី Cambodia Idol រដូវកាលទី៤ វគ្គផ្តាច់ព្រាត់របស់ទូរទស្សន៍ហង្សមាស នៅផ្សារអ៉ីអនសែនសុខ រាជធានីភ្នំពេញ ។
ចាប់តាំងពីពេលបើកកាលពីខែកុម្ភះមកដល់វគ្គផ្តាច់ព្រាត់ មានបេក្ខជននៅសល់ពីជម្រុះរាប់ពាន់នាក់មានចំនួន ៤រូប៖ ទី១ លោក នាង ដាវីន ។ទី២ លោក ថុល សុភិទិ ទី៣។ លីម តិចម៉េង។ ទី៤ លោក ស៉ឹម ច័ន្ទពន្លឺ ដែលត្រូវប្រកួតប្រជែងគ្នា ដើម្បីដណ្តើមយកជ័យលាភី។លទ្ធផលចុងក្រោយ បេក្ខជន លីម តិចម៉េង មកពីខេត្តកំពង់ចាមបានទទួលបានជ័យលាភីចំណាត់ថ្នាក់លេខ១ នៅក្នុងកម្មវិធី Cambodian Idol រដូវកាលទី៤ នេះ ដោយទទួលបានពានមួយ ប្រាក់រង្វាន់ចំនួន១០០លានរៀលដោយមិននិយាយពីការឺបត្ថម្ភរបស់សប្បុរសជននិងក្រុមហ៊ុនផ្សេងឡើយ។ ចំណែកឯបេក្ខជន ដែលមិនបានលើកពានបានទទួលថវិកាឧបត្ថម្ភចំនួន ៤លានរៀល។
សូមជំរាបថា នៅក្នុងកម្មវិធីវគ្គផ្តាច់ព្រ័ត្រនេះ សម្តេចតេជោ ហ៊ុន សែន ក៏បានឧបត្ថម្ភថវិកាដល់ TOP 4 ម្នាក់ៗចំនួន៦លានរៀលផងដែរ។គណៈកម្មការទាំង៤រូបមាន លោក ឆន សុវណ្ណរាជ, លោក ណុប បាយ៉ារិទ្ធ, អ្នកនាងឱក សុគន្ធកញ្ញា និងកញ្ញាសុខ សីឡាលីន ព្រមទាំងការបោះឆ្នោតពីមហាជន នៅទីបញ្ចប់បេក្ខជនដែលទទួលបានជ័យជំនះ គឺបានទៅលើ បេក្ខជន លីម តិចម៉េង៕