អតីតាតារាសម្តែងចាន់សុផានីស្រែកសុំការជួយឧបត្ថម្ភពីអតីតគូស្នេហ៍លោកហ្សូណូសម្រាប់អណាគតកូនស្រី
19-January-2026 / សិល្បះនិងបែ្លកៗ
ភ្នំពេញ ៖ បន្ទាប់ពីបែកគ្នាច្រើនឆ្នាំមកអតីតតារាសម្តែងអ្នកនាង ចាន់ សុផានី ជាលើកដំបូងបានចេញមុខប្រកាសជាសាធារណៈសុំជំនួយពីអតីតស្វាមីរបស់នាងដែលគេស្គាល់ថា គឺជាតារាចម្រៀងលោក ហ្ស៊ូណូ សម្រាប់កូនស្រី។អ្នកនាង ចាន់ សុផានី បានសសេរសារតាមគណនីហ្វេសប៊ុករបស់នាងថា ភាពស្រស់ស្អាតផូរផង់ឥតខ្ចោះរបស់ខ្ញុំវាគ្រាន់តែជាសំបកក្រៅតែប៉ុណ្ណោះ ពេលនេះ ម៉ោងនេះ ខ្ញុំស្ទើតែរលំហើយវិនាទីនេះខ្ញុំបាក់ទឹកចិត្តខ្លាំងណាស់ ។
អ្នកនាងបញ្ជាក់ថា បើមិនយល់ទាស់ទេ មានបងប្អូនណាមានមេត្តាអោយខ្ញុំផង ជួយខ្ញុំផង ខ្ញុំពិតជាត្រូវការជំនួយដ៏ពិតប្រាកដមួយ ជួយដោះស្រាយរឿងខ្ញុំនិងអតីតរបស់ខ្ញុំដើម្បីជាជំនួយដល់កូនក្នុងជីវភាពររស់នៅប្រចាំថ្ងៃ ។ ពួកខ្ញុំពិតជាពិបាកណាស់ ក្នុងពេលដែលអតីតរបស់ខ្ញុំរត់គេចពីបញ្ហាយកស្រណុកស្រួលម្នាក់ឯង ហ៊ឺហារ សប្បាយអស់រយៈពេល១០ឆ្នាំហើយ ដោយមិនអើពើខ្វល់ខ្វាយពីកូនទុកអោយខ្ញុំទទួលខុសត្រូវម្នាក់ឯង ។ ពេលនេះ ខ្ញុំទ្រាំលែងបាន និងស្រែករកជំនួយផ្លូវច្បាប់អោយជួយដល់នាងខ្ញុំផង ព្រោះពេលនេះ ខ្ញុំអត់មានលទ្ធភាព និងមានជីវភាពទីទាល់ខ្លាំងណាស់។នាងបន្ថែមថា កូននាងខ្ញុំព្យាយាមទំនាក់ទំនងទៅប៉ារបស់គេខ្លាំងណាស់ តែគេមិនអាចអោយពួកយើងទំនាក់ទំនងបានទេ ហើយពេលនេះកូននាងខ្ញុំប៉ះពាល់អារម្មណ៍ផ្លូវចិត្តជាខ្លាំង ព្រោះនាងភ័យខ្លាចប៉ះពាល់ការសិក្សាររបស់នាងដោយជីវភាពលំបាករបស់នាងខ្ញុំក្នុងពេលនេះសូមមេត្តាជួយនាងខ្ញុំផង ។
អ្នកនាងចាន់សុផានីឲ្យដឹងពីមូលហេតុថា នេះជាលើកដំបូងហើយ ដែលខ្ញុំសម្រេចចិត្តបែបនេះ ព្រោះកូនស្រីខ្ញុំលែងសូមអោយខ្ញុំទុកមុខអោយប៉ារបស់គាត់ ហើយគាត់និយាយថា យើងគួរតែធ្វើម៉ាក់ ព្រោះគាត់អត់បានយល់ពីយើងទេ។អាណិតកូនស្រីណាស់ ហើយអ្វីដែលខ្ញុំភ័យបំផុតពេលនេះ គឺកូនស្រីខ្ញុំកំពុងប្រឈមនិងជំងឺបាក់ទឹកចិត្ត សូមមេត្តាជួយដល់ពីរនាក់ម្តាយកូនខ្ញុំផងដើម្បីអនាគត់ក្មេងស្រីម្នាក់ ។
ដោយឡែក ពាក់ព័ន្ធបញ្ហាខាងលើនេះដែរ អ្នកនាង ចាន់ សុផានី បានអះអាងបញ្ជាក់បន្ថែមប្រាប់កោះសន្តិភាពតាមសារអេឡិចត្រូនិចថា ចាប់តាំងពីអ្នកនាងបែកគ្នាជាមួយនឹងលោក ហ្ស៊ូណូ កាលពីអំឡុងឆ្នាំ២០១៤មក អ្នកនាងមិនដែលសុំការជួយពីលោកម្តងណាឡើយ។អ្នកនាង ចាន់ សុផានីឲ្យដឹងពីបំណងថា អ្វីដែលនាងសុំអំពាវនាវទៅកាន់លោក ហ្ស៊ូណូ នាពេលនេះ គឺអ្នកនាងមិនបំណងចង់ឲ្យលោកមកជួយរូបនាងឡើយ ពោលគឺគ្រាន់តែចង់ឲ្យលោកមកជួយត្រឹមតែកូនក៏បានដែរ។
ក្រៅពីការអំពាវនាវអ្នកនាង ចាន់ សុផានី បានលើកឡើងផងដែរថា ក្នុងកាលៈទេសៈនេះ នាងចង់ឲ្យលោក ហ្ស៊ូណូ ចេញមុខមកដោះស្រាយលើផ្នែកច្បាប់ណាមួយនៅក្នុងការយល់ព្រមជួយដល់កូនរបស់នាងមួយខែប៉ុន្មាន ព្រោះវាក៏ជាការទទួលខុសត្រូវមួយផ្នែក សម្រាប់រូបលោកផងដែរ ខណៈពេលដែលនាងមិនចង់ឲ្យកូនស្រីបាត់បង់ការសិក្សានាពេលនេះឡើយ។អ្នកនាងបញ្ជាក់ថា ក្រោយបែកបាក់នោះ អ្នកនាងក៏មានមុខរបររកស៊ីនៅក្នុងដៃដូចជាបើកភោជនីយដ្ឋាន និងសណ្ឋាគារផងដែរ ប៉ុន្តែនៅក្នុងអំឡុងពេលកូវីដអ្នកនាងក៏សម្រេចបិទមុខរបរនេះចោលតាំងពីចុងឆ្នាំ២០២១ ហើយចាប់ពីពេលនោះមកស្ថានភាពជីវភាពរបស់នាងកាន់តែលំបាកខ្លាំង។គេមិនទាន់ឃើញមានការបកស្រាយឬប្រតិកម្មបែបណាពីលោកហ្សូណូនៅឡើយទេក្នុងករណីយ៍នេះ៕
