វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3772 នាក់
ម្សិលមិញ 8227 នាក់
សរុប 14130653 នាក់
ភ្នំពេញ : ចប់ការបោះ ឆ្នោតជ្រើសរើស ក្រុម ប្រឹឹក្សាឃុំ-សង្កាត់ អាណត្តិទី៥ ហើយ ការ ប្រកាសចូលកាន់តំណែងរបស់មេឃុំ ចៅ សង្កាត់ក៏បានប្រព្រឹត្តទៅ រួចរាល់ផងដែរនៅទូទាំង ព្រះរាជាណាចក្រកម្ពុជា ។ ដោយឡែកនៅក្នុង ទឹកដីខណ្ឌពោធិសែនជ័យ សង្កាត់កាកាប២ ជាពិសេសប្រជាពលរដ្ឋ រស់នៅក្នុងភូមិត្រពាំងជ្រៃ និងភូមិ កាកាប ជា ច្រើនគ្រួសារ បាននាំគ្នារអ៊ូរទាំត្អូញត្អែរពីការ លំបាកក្នុងការធ្វើដំណើរ ចេញ-ចូលផ្ទះសំប្បែងក្នុងមូលដ្ឋាភូមិត្រពាំងជ្រៃ និងភូមិកាកាបខ្លាំង ណាស់សព្វថ្ងៃនេះ ពីព្រោះលំ១ខ្សែក្នុងភូមិ នេះបានទទួលរងការខូចខាត គន្លុកជ្រៅៗ ក្រហេងក្រហូង ទឹឹកដក់ក្នុងថ្លុកពេលភ្លៀង ធ្លាក់ម្តងៗបង្ករការលំបាក ដល់បងប្អូនប្រជាពល រដ្ឋ និងសិស្សានុសិស្ស ធ្វើដំណើរទៅសាលា រៀនផងដែរ ។
ប្រជា ពលរដ្ឋបាននិយាយថា កន្លងមកពួកគាត់ក៏ធ្លាប់ បានរៃអង្គាសលុយពីប្រជាពលរដ្ឋក្នុងភូមិ រួមគ្នាដើម្បីទិញដី និងថ្មចាក់ លុបក្រាលផ្លូវនេះរួចម្តងមកហើយដែរ ។ តែចូលដល់រដូវវស្សានេះ ផ្លូវ១ខ្សែនេះបានរងការ ខូចខាតស្ទើរទាំងស្រុង ។ ប្រជាពលរដ្ឋបានបន្ត ទៀតថា ពួកគាត់ក៏បាន សំណូមពរដល់លោកអ៊ុំ សាំង ញ៉ មែភូមិត្រពាំង ជ្រៃអោយជួយរកវិធីដោះស្រាយការធ្វើផ្លូវ ១ខ្សែនេះដោយចាក់ បេតុងអោយដូចបណ្តា ផ្លូវ ផ្សែងៗទៀតក្នុងសង្កាត់កាកាប២ ទាំង មូលផង ប៉ុន្តែលោកអ៊ុំ មេភូមិបានប្រាប់មកវិញថា គាត់បានធ្វើរបាយការណ៍ស្នើសុំទៅ។
សង្កាត់កាកាប២ និងខណ្ឌពោធិសែនជ័យ ជាយូរឆ្នាំមកហើយ តែពុំមានចម្លើយឆ្លើយតប មកវិញសោះ ដូច្នេះមានតែដេកចាំ មើលការសម្រេចរបស់ ថ្នាក់លើទេ ។ ថ្មីៗនេះ ប្រជាពលរដ្ឋ បានពិគ្រោះយោបល់គ្នា ចង់ រួមគ្នាធ្វើដំណើរទៅសាលាខណ្ឌពោធិសែនជ័យដើម្បី សំណូមពរ លោក ហែម ដារិទ្ធ អភិបាល នៃគណ: អភិបាលខណ្ឌពោធិសែនជ័យ សុំអោយលោកជួយដោះស្រាយបញ្ហាផ្លូវ១ខ្សែក្នុងភូមិខាងលើនេះផងទាន ! ដើម្បីអោយបងប្អូនប្រ ជាពលរដ្ឋធ្វើដំណើរបានស្រួលផង ព្រោះក្នុងមូលដ្ឋានភូមិសាស្ត្រ សង្កាត់កាកាប២នេះ មាន ផ្លូវបេតុងខ្វាត់ខ្វែងច្រើនខ្សែហើយ ហេតុអ្វី បានជាផ្លូវ១ខ្សែក្នុងភូមិ ត្រពាំងជ្រៃ ប្រវែង កន្ទុយអណ្តើកសោះ(បណ្តោយ ២១៥ ម៉ែត្រ ទទឹង ៦ម៉ែត្រ ) មិនត្រូវបាន អាជ្ញាធរមូលដ្ឋានសង្កាត់ កាកាប២ ខណ្ឌពោធិសែនជ័យ យកចិត្ត ទុកដាក់ស្ថាបនា ជូនប្រ ជាពលរដ្ឋ បែបនេះ ? សូមលោកស្រី ចៅ សង្កាត់ កាកាប២ មេត្តា ចុះមើលផ្លូវ ក្នុងមូល ដ្ឋាន និងសាកសួរសុខ ទុក្ខបងប្អូនប្រជាពលរដ្ឋភូមិត្រពាំងជ្រៃ និងភូមិកាកាបផង ទាន ! ៕ ដោយ:សុផល