គណបក្សក្រៅថាមិនសមតែក្រុមប្រឹក្សារដ្ឋធម្មនុញ្ញរដ្ឋធម្មនុញ្ញគាំទ្រការធ្វើវិសោធនកម្មរដ្ឋធម្មនុញ្ញលើកទី១០!
21-September-2026 / ផ្សេងៗ
ភ្នំពេញ៖ សេចក្តីស្នើធ្វើវិសោធនកម្មរដ្ឋធម្មនុញ្ញលើកទី១០ ទាក់ទងទៅនឹងមាត្រាមួយចំនួន អំពីការតែងតាំងនាយករដ្ឋមន្ត្រី និងដំណើរការក្នុងរដ្ឋសភា ត្រូវបានសមាជិកក្រុមប្រឹក្សាធម្មនុញ្ញទាំង៩នាក់ យល់ស្របជាឯកច្ឆ័ន ទៅតាមសំណើរបស់គណៈរដ្ឋមន្ត្រីឲ្យកែហើយ។លោក ព្រហ្ម វិចិត្រអក្ខរា អគ្គលេខាធិការរងនៃក្រុមប្រឹក្សារដ្ឋធម្មនុញ្ញបានឲ្យកាសែតដឹងថាក្រុមប្រឹក្សារដ្ឋធម្មនុញ្ញ បានមូលមាត់គ្នាទាំងស្រុងថា ការស្នើធ្វើវិសោធនកម្មលើកទី១០ អាចធ្វើទៅបាន ដោយផ្អែកទៅលើ មាត្រា១៥៣ថ្មី ១៥៤ថ្មី និង១៥៥ថ្មី។
បើតាមមាត្រាទាំង៣ ដែលក្រុមប្រឹក្សារដ្ឋធម្មនុញ្ញ លើកមកធ្វើជាសំអាង នេះ គឺចង់បង្ហាញថាអ្នកដែលមានសិទ្ធស្នើធ្វើវិសោធនកម្មរដ្ឋធម្មនុញ្ញាគឺជាសិទ្ធិរបស់ព្រះមហាក្សត្រ របស់នាយករដ្ឋមន្ត្រី និងរបស់ប្រធានរដ្ឋសភា តាមការស្នើរបស់តំណាងរាស្ត្រ។ ម្យ៉ាងវិញទៀត ការធ្វើវិសោធនកម្មលើកទី១០ ដែលអាចទៅរួចនេះ ព្រោះថា បានធ្វើឡើងក្នុងពេលដែលប្រទេសមិនស្ថិតក្នុងភាពអាសន្ន។ និងមាត្រាទាំង៨ដែលស្នើសុំផ្លាស់ប្តូរនោះ ក៏មិនប៉ះពាល់ដល់ដំណើរការប្រជាធិបតេយ្យ សេរីពហុបក្ស និងរបបរាជានិយមអាស្រ័យដោយរដ្ឋធម្មនុញ្ញដែរ។
បើទោះបីជាក្នុងរដ្ឋសភាព្រឹទ្ធសភាគណបក្សប្រជាជនកម្ពុជាមានសម្លេង១០០ភាគរយអនុមត័គាំទ្រក៏ដោយក៏ ការធ្វើវិសោធនកម្មរដ្ឋធម្មនុញ្ញលើកទី១០ ចំនួន៨មាត្រា ដែលពាក់ព័ន្ធនឹងការតែងតាំងនាយករដ្ឋមន្ត្រី និងដំណើរការក្នុងរដ្ឋសភា ពេលនេះ មានការរិះគន់ពីសំណាក់អង្គការសង្គមស៊ីវិល និងគណបក្សនយោបាយនៅក្រៅរដ្ឋាភិបាល។ គណបក្សនយោបាយក្រៅរដ្ឋាភិបាលមួយចំនួន បានហៅការធ្វើវិសោធនកម្មលើកទី១០នេះ ថាមិនគួរកើតឡើងទាល់តែសោះដោយសារធ្វើឡើងដោយឯកបក្ស។ ពួកគេបានព្រមានអំពីគ្រោះថ្នាក់ដល់សង្គមជាតិ ប្រសិនបើការធ្វើវិសោធនកម្មច្បាប់កំពូលកម្ពុជាពេលនេះ គ្រាន់តែដើម្បីបម្រើផលប្រយោជន៍ដល់ក្រុមណាមួយនោះ។
សូមបញ្ជាក់ថាថា សំណើធ្វើវិសោធនកម្មលើកទី១០ នៃច្បាប់កំពូលកម្ពុជានេះ បានអនុម័តឯកភាពទាំងស្រុងដោយសមាសភាពគណៈរដ្ឋមន្ត្រី កាលពីថ្ងៃសុក្រទី៨កក្កដា។ សេចក្តីប្រកាសព័ត៌មាន បញ្ជាក់ថា ការធ្វើវិសោធនកម្មនេះ សំដៅធានាស្ថេរភាពនៃស្ថាប័នជាតិ ជាពិសេសអំណាចរដ្ឋាភិបាលនិងដើម្បីធានាស្ថេរភាពនយោបាយរបស់កម្ពុជា នៅគ្រប់កាលៈទេសៈតែមិនបានបញ្ជាក់ថាមាត្រាណាឡើយ។
រឿងកែរដ្ឋធម្មនុញ្ញនេះគេចាំបានថាសម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសកាលពីថ្ងៃទី០២ ខែមីនា ឆ្នាំ២០២០ដោយទាត់ចោលពាក្យចចាមអារាមអេចអូចក្រុមលេងបណ្តាញសង្គមមួយចំនួនដែលចង់ឲ្យកែរដ្ឋធម្មនុញ្ញដើម្បីផ្ទេរតំណែងនាយករដ្ឋមន្ត្រីឲ្យទៅទាយាទ(កូន)នោះឡើយ។
ក្នុងពិធីចែកសញ្ញាបត្រដល់និស្សិតសាកលវិទ្យាល័យអាស៊ីអឺរ៉ុប សម្តេចតេជោនាយករដ្ឋមន្ត្រី បានចាត់ទុកការផ្តួចផ្តើមគំនិតនេះ ជាការគិតមិនត្រឹមត្រូវនោះឡើយ។ សម្តេចតេជោ ហ៊ុន សែន បានគូសបញ្ជាក់ថា នៅក្នុងរដ្ឋធម្មនុញ្ញរបស់កម្ពុជា សូម្បីតែការស្នងព្រះរាជបល្ល័ង្ក ក៏មិនមានការផ្ទេរទៅព្រះរាជទាយាទនោះដែរ។សម្តេចតេជោ ហ៊ុន សែន បានស្នើឱ្យអ្នកលើកគំនិតឱ្យកែរដ្ឋធម្មនុញ្ញផ្ទេរតំណែងនាយករដ្ឋមន្ត្រីទៅទាយាទនេះ ទៅសិក្សារដ្ឋធម្មនុញ្ញឡើងវិញ។ សម្តេចតេជោ បានសង្កត់ធ្ងន់ថា កម្ពុជា ជាប្រទេសប្រកាន់របបបោះឆ្នោត គ្មានឡើយការផ្ទេរអំណាច។សូមបញ្ជាក់ថា រដ្ឋធម្មនុញ្ញរបស់កម្ពុជាមាត្រា១២៥ បានចែងថា តំណែងនាយករដ្ឋមន្ត្រី ពេលនៅទំនេរជាស្ថាពរ នឹងត្រូវតែងតាំងគណៈរដ្ឋមន្ត្រីមួយជាថ្មី។ ដោយឡែកបើ នាយករដ្ឋមន្ត្រីទំនេរមួយ កាលមួយគ្រាត្រូវចាត់តាំងនាយករដ្ឋមន្ត្រីស្ដីទីជាបណ្ដោះអាសន្ន។
កាលនោះក្រៅពីរឿងផ្ទែរតំណែងនាយករដ្ឋមន្ត្រីនេះ សម្តេចតេជោ ហ៊ុន សែន ក៏បានបញ្ជាក់ជាថ្មីផងដែរថា នឹងគ្មានការកែរដ្ឋធម្មនុញ្ញសម្រាប់ប្រព័ន្ធបោះឆ្នោតនៅក្នុងរដ្ឋសភាពីប្រព័ន្ធ៥០ បូក១ ទៅប្រព័ន្ធដទៃនោះឡើយ។កាលពីឆ្នាំ២០០៦ រដ្ឋធម្មនុញ្ញកម្ពុជា ត្រូវបានធ្វើវិសោធនកម្មប្តូរប្រព័ន្ធបោះឆ្នោតក្នុងរដ្ឋសភាពីសំឡេង ២ភាគ៣ ទៅជា ៥០បូក១។ ការប្តូរនេះត្រូវបានសម្តេចតេជោហៅថាវិធី កុំឱ្យមានការជាប់គាំងផ្នែកនយោបាយ ដែលដើមឡើយមានការកំណត់ថា ការបង្កើតរដ្ឋាភិបាលថ្មីតម្រូវឱ្យរកសំឡេង ២ភាគ៣ ហើយបើរកមិនបានទេ ត្រូវរកដៃគូមកធ្វើរដ្ឋាភិបាលចម្រុះ។ប្រព័ន្ធបោះឆ្នោតក្នុងរដ្ឋសភា ៥០ បូក ១ ជាប្រព័ន្ធមួយជួយកុំឱ្យជាប់គាំងក្នុងការបង្កើតរាជរដ្ឋាភិបាល និងដើម្បីការពារអ្នកចាញ់ឆ្នោតចង់ឡើងមកដឹកនាំរាជរដ្ឋាភិបាលផងដែរការធ្វើវិសោធនកម្មប្តូរពីប្រព័ន្ធ ២ ភាគ៣ ទៅ ៥០ បូក១ នៅពេលនោះ មានការចូលរួមគាំទ្រពីគណបក្សលោក សម រង្ស៉ី និងសមាជិកបក្សគណបក្សប្រជាជនដែលករណីយ៍នេះសម្តេចបានហៅអ្នកជួយកែថាជាមនុស្សស្រួលប្រើ!៕
