សម្ដេចតេជោអនុញ្ញាតអោយឡានចង្កូតស្ដាំបង់ពន្ធដោយមិនចាំបាច់កែចង្កូតអំពាវនាវក្មេងស្រីៗឲ្យបន្ធូដៃក្នុងតិកតុកនិងអំពាវនាវឲ្យសន្សំសំចៃអគ្គិសនី
21-September-2026 / ផ្សេងៗ
ភ្នំពេញ៖នៅព្រឹកថ្ងៃទី០៦ កក្កដា នេះ ក្នុងពិធីសំណេះសំណាល ជាមួយគណៈប្រតិភូកីឡា អាស៊ានប៉ារ៉ាហ្គេម (ASEAN Para Games)មុននឹងពួកគេចេញទៅប្រកួតសម្ដេចតេជោ នាយករដ្ឋមន្ត្រី បានយល់ព្រមតាមសំណូមពរប្រជាពលរដ្ឋ អនុញ្ញាតអោយរថយន្តចង្កូតស្ដាំ អាចបង់ពន្ធដោយមិនចាំបាច់កែពីចង្កូតស្ដាំទៅចង្កូតឆ្វេងនោះឡើយ ដូច្នេះ អ្នកមិនបានមកបង់ពន្ធ ត្រូវមកបង់ពន្ធ អ្នកដែលបានកក់ប្រាក់ពន្ធ ត្រូវទៅបង្គ្រប់ប្រាក់បង់ពន្ធ ដើម្បីទទួលបានស្លាកលេខប្រើប្រាស់។
ជាមួយនិងការអនុគ្រោះនេះដែរ សម្ដេចតេជោ នាយករដ្ឋមន្ត្រី បានសង្កត់ធ្ងន់ថា ត្រឹមថ្ងៃទី០៦ ខែកក្កដា ២០២២ នេះ មិនអនុញ្ញាតដាច់ខាតនូវការនាំចូលបន្តនូវឡានចង្កូតស្ដាំនេះ ការអនុញ្ញាតខាងលើ សម្រាប់តែឡានដែលបានចរាចរនៅក្នុងកម្ពុជារួចហើយប៉ុណ្ណោះ។សូមបញ្ជាក់ដែរថាបើតាមសេចក្តីរាយការណ៍របស់មេគយឡានចង្កូតស្តាំស្រុកខ្មែរមានជាង៦ពាន់គ្រឿងបានចូលបង់ពន្ធនិងកែចង្កូតបានជាង៤ពាន់គ្រឿងរួចហើយចឹងនៅសល់តែជាង២ពាន់គ្រឿងទៀតទេ។សូមបញ្ជាក់ដែរថាមុននឹងមានការអនុគ្រោះនេះមួយថ្ងៃក្រុមឡានដឹកដីប្រមាន៣០០ឡានបាននាំគ្នាធ្វើបាតុកម្មតវ៉ាសុំការអនុគ្រោះពីសម្តេចតេជោថាពួកគេសុខចិត្តបង់ពន្ធតែសុំមិនកែចង្កូតទេឡូវបានដូចចិត្តហើយផែនការថានឹងរឹបអូសឡានចង្កូតស្តាំទៅកំតេចចោលលែងមានទៀតហើយ។
ក្រៅពីរឿងឡានចង្កូតស្តាំសម្តេចកនាយករដ្ឋមន្ត្រី ហ៊ុន សែន បានថ្លែងជាសាធារណៈ ទៅកាន់ស្ត្រីខ្មែរមួយចំនួន ដែលនិយមលេងក្នុងបណ្ដាញសង្គម Tik Tok ដោយសុំឱ្យកែប្រែកិរិយាមារយាទ ដែលបានប្រើសម្ដីនិងកាយវិការ អាសអាភាស ដែលប្រាសចាកពីប្រពៃណី និងវប្បធម៌ខ្មែរផងដែរ។ «ខ្ញុំសង្កេតឃើញថា ក្មួយៗស្ត្រីៗខ្មែរមួយចំនួនដូចជាអាសអាភាសពេក ដោយចេញមកគឺចម្អេះចំអាសតែម្តង។ អ៊ីចឹងទេ ខ្ញុំសុំអង្វរករឱ្យគោរពនិងរក្សាប្រពៃណីរបស់ខ្លួន។ សូមអង្វរករ ចំពោះនាងៗ ក្មួយៗជានារី ដោយពេលខ្លះ និយាយត្រង់ៗតែម្ដងនូវពាក្យអាសអាភាស និងចម្អេះចំអាស ដែលមិនគួរឲ្យមាន ក្នុងនាមខ្លួនជាស្ដ្រីខ្មែរ»។
បន្ទាប់ពីរឿងក្មួយស្រីបញ្ចេញប្រដាប់បក្រដាតាមបណ្តាញសង្គមតិកតុកសម្តេចតេជោក៏បានអំពាវនាប្រជាពលរដ្ឋគ្រឹះស្ថានរដ្ឋនិងឯកជនត្រូវចូលរួមសន្សំសំចៃថាមពលអគ្គិសនីខណៈដែលអគ្គិសនីកម្ពុជាខាតបង់ជាលើកដំបូង។ ផែនការបញ្ចុះតម្លៃអគ្គិសនីរបស់រដ្ឋាភិបាលអាចនឹងមិនត្រូវបានធ្វើឡើងទេនៅចុងឆ្នាំ២០២២នេះ។ជាលើកដំបូងនៅក្នុងប្រវត្តិសាស្ត្ររបស់អគ្គិសនីកម្ពុជាដែលឈានចូលដល់ដំណាក់កាលនៃការខាតបង់ ហើយប្រសិនបើរដ្ឋមិនយកចិត្តទុកដាក់ទៅលើប្រជាពលរដ្ឋទេមកដល់ពេលនេះតម្លៃអគ្គិសនីនឹងមានការឡើងថ្លៃមួយជាពីរហើយ។ នេះគឺជាការលើកឡើងរបស់លោកនាយករដ្ឋមន្ត្រីហ៊ុន សែន ។បើតាមលោកនាយករដ្ឋមន្ត្រីហ៊ុន សែន ប្រទេសមួយចំនួនបានដំឡើងថ្លៃអគ្គិសនីម្តង ឬពីរដងរួចស្រេចទៅហើយ ប៉ុន្តែកម្ពុជាមិនទាន់បានដំឡើងថ្លៃភ្លើងទេហើយការដំឡើងថ្លៃអគ្គិសនីនឹងធ្វើឲ្យរោងចក្រមួយចំនួនមានការខាតបង់ ដូច្នេះរដ្ឋត្រូវចេញខាត។សម្តេចនាយករដ្ឋមន្ត្រីបានលើកឡើងទៀតថា ដោយសារឆ្នាំនេះ វារីអគ្គិសនីកម្ពុជាមានទឹកភ្លៀងច្រើន និងថាមពលបានមកពីពន្លឺព្រះអាទិត្យ ធ្វើឲ្យកម្ពុជាកាន់បន្ថយការខាតបង់មួយចំនួន។ប៉ុន្តែបើវារីអគ្គិសនីដើរមិនគ្រប់ ហើយត្រូវផលិតថាមពលពីធ្យូងថ្ម និងប្រេងឥន្ធនៈនោះតម្លៃអគ្គិសនីនឹងឡើងកប់ពពក។
សម្តេច ហ៊ុន សែន បានបញ្ជាក់ថាក្នុងឆ្នាំនេះ តាមការប៉ាន់ស្មានកម្ពុជាអាចនឹងខាតបង់ប្រមាណ ១០០លានដុល្លារ ដែលផ្តើមចេញពីសង្គ្រាមរុស្ស៊ីអ៊ុយក្រែននិងដោយសារទណ្ឌកម្ម។យោងតាមរបាយការណ៍របស់អគ្គិសនីកម្ពុជា កាលពីចុងខែធ្នូ ឆ្នាំ២០២០ ប្រភពអគ្គិសនីក្នុងស្រុកបានពីការដុតធ្យូងថ្ម និងប្រេង មាន ៤,៦៦១GWh (ជីហ្កាវ៉ាត់ម៉ោង) ឬប្រមាណ៥៥ភាគរយនៃថាមពគ្គិសនីសរុបក្នុងស្រុក ខណៈថាមពលអគ្គិសនី ដែលបានមកពីវារីអគ្គិសនី ពន្លឺព្រះអាទិត្យ និងជីវម៉ាស់ មានប្រមាណ ៣,៨៥១GWh ឬប្រមាណ ៤៥ភាគរយ។
សូមជម្រាបជូនថាអត្រាតម្លៃអគ្គិសនីក្នុងឆ្នាំ២០២១ កន្លងទៅ សម្រាប់លំនៅដ្ឋាន គឺមានតម្លៃពី ៣៨០រៀល ដល់៧៣០រៀល ទៅតាមបរិមាណថាមពលអគ្គិសនី ដែលបានប្រើប្រាស់។យោងតាមតារាងនៃការប្រើប្រាស់អគ្គិសនីរបស់អគ្គិសនីកម្ពុជា បានបានកំណត់ថា បរិមាណនៃការប្រើប្រាស់ក្នុងមួយខែចាប់ ១០ គីឡូវ៉ាត់ចុះក្រោមតម្លៃ ៣៨០ រៀលក្នុងគីឡូវ៉ាត់ម៉ោង, ពី ១១ គីឡូដល់ ៥០ គីឡូ តម្លៃ ៤៨០ រៀល, ពី ៥១ គីឡូ ដល់ ២០០ គីឡូ តម្លៃ ៦១០ រៀល និងអ្នកប្រើប្រាស់ចាប់ពី ២០១ គីឡូឡើងទៅតម្លៃ ៧៣០ រៀល ដែលតារាងនេះ គឺរដ្ឋមានកម្មវិធីផ្តល់អត្រាអនុគ្រោះក្រោមថ្លៃដើម មានន័យថារដ្ឋបំពេញខាតឱ្យអ្នកប្រើប្រាស់ថាមពលអគ្គិសនីរួចហើយ។របាយការណ៍បានបង្ហាញថា ក្នុងឆ្នាំ២០២១កន្លងទៅ កម្ពុជាទទួលបានទុនវិនិយោគសរុបលើវិស័យ អគ្គិសនី ប្រមាណ ១ ៦០០ លានដុល្លារអាម៉េរិក ក្នុងនោះការវិនិយោគដោយអគ្គិសនីកម្ពុជា មានទឹក ប្រាក់ ៦០០លានដុល្លារអាម៉េរិក និងការវិនិយោគដោយវិស័យឯកជនមានទឹកប្រាក់ចំនួន ១០០០ លានដុល្លារអាម៉េរិក៕
