វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1932 នាក់
ម្សិលមិញ 10264 នាក់
សរុប 14141114 នាក់
រុស្ស៊ី៖ មន្ត្រីអ្នកនាំពាក្យរបស់លោក Alexei Navalny ជាមេបក្សប្រឆាំងដ៏ធំនៅក្នុងប្រទេសរុស្ស៊ីដែលកំពុងជាប់ឃុំឃាំង បានឱ្យដឹងថា លោកត្រូវបានរដ្ឋាភិបាលលោកប្រធានាធិបតីពូទីនលួចផ្ទេរចេញពីពន្ធនាគារដែលលោកកំពុងឃុំឃាំង ហើយបានបញ្ជូនទៅឃុំខ្លួននៅកន្លែងមួយផ្សេងទៀតដែលមិនត្រូវបានគេបញ្ជាក់ឱ្យដឹងច្បាស់លាស់។
លោក Kira Yarmysh មន្ត្រីអ្នកនាំពាក្យខាងលើ បានសរសេរបង្ហោះនៅលើបណ្តាញសង្គម Tweet របស់ខ្លួនថា លោក Navalny ត្រូវបានគេយកចេញពីពន្ធនាគារនៅឯទីក្រុង Pokrov មានចម្ងាយប្រហែល ១១៩ គីឡូម៉ែត្រភាគខាងកើតទីក្រុងមូស្គូ ហើយត្រូវបានបញ្ជូនទៅឃុំខ្លួននៅកន្លែងមួយផ្សេងទៀតដែលអាជ្ញាធររបស់លោកពូទីនមិនបានបញ្ជាក់ឱ្យដឹងនៅឡើយទេ។លោក Yarmysh បានបន្ថែមឱ្យដឹងទៀតថា លោកបានដឹងរឿងរ៉ាវទាំងនេះ គឺតាមរយៈមេធាវីរបស់លោក Navalny នៅពេលដែលលោកបានចុះទៅជួបរូបលោក Navalny នៅឯពន្ធនាគារខាងលើ។
លោក Alexei Navalny គឺជាអតីតមេបក្សប្រឆាំងដ៏ធំដែលមានកេរ្តិ៍ឈ្មោះល្បី ហើយក៏ធ្លាប់ទទួលបានការគាំទ្រពីសំណាក់ពលរដ្ឋរុស្ស៊ីជាច្រើនដែរត្រូវបានអាជ្ញាធរលោកពូទីនចាប់ខ្លួនបន្ទាប់ពីបានវិលត្រឡប់មកពីប្រទេសអាល្លឺម៉ង់ដើម្បីព្យាបាលពីការបំពុលថ្នាំពុលលើរូបលោក។ ប្រជាប្រិយភាពរបស់លោក Navalny នេះហើយបានធើ្វឱ្យរដ្ឋាភិបាលរបស់លោកពូទីនមានការមិនពេញចិត្ដនិងព្រួយបារម្ភយ៉ាងខ្លាំងក្នុងការប្រកួតប្រជែងជាមួយរូបលោកក្នុងការបោះឆ្នោតជាតិ ដោយបានធើ្វការចោទរូបលោកពាក់ព័ន្ធនឹងការញុះញង់ឱ្យមានបាតុកម្មប្រឆាំងរដ្ឋាភិបាលកាលពីឆ្នាំ ២០២១កន្លងទៅ ហើយត្រូវបានតុលាការរបស់ប្រទេសរុស្ស៊ីសម្រេចកាត់ទោសរូបលោកឱ្យជាប់ពន្ធនាគារចំនួន ៩ឆ្នាំ ៕