ឈ្មួញឈើធំៗឈ្មោះ ជិន គឹមអូន ឈ្មោះ សាក់ សិច ឈ្មោះ គឹម ឡាយ ក្នុងទឹកដីខេត្តព្រះវិហារនៅតែមានឥទ្ធិពលខ្លាំង!
15-March-2026 / ព័ត៌មានជាតិ
ខេត្តព្រះវិហារ :ប្រជាពលរដ្ឋប្រាប់ឲ្យដឹងថា៖កាលពី ថ្ងៃទី ៤មិថុនា ឆ្នាំ២០២២ មានឡានយីឌុប ភ្លៅ៥ ពាក់ស្លាកលេខ: ក្រចេះ3A.0340 បានដឹកឈើពេញចេញពីខេត្តព្រះវិហារចូលដេប៉ូនៅភូមិតាឡែកជិតស្នាក់ការបរិស្ថានខេត្តកំពង់ធំ។ ក្រៅពី ក៏មានរបាយការណ៍ស៊ើបអង្កេតនានារបស់ ប្រជាសហគមន៍អ្នកការពារព្រៃឈើឲ្យដឹងថាព្រៃឈើក្នុងតំបន់ព្រៃឡង់ និងព្រៃព្រះរការក្នុងខេត្តព្រះវិហារនៅតែរងការបំផ្លិចបំផ្លាញជារៀងរាល់ថ្ងៃ? ។ ប្រភពនិយាយទៀតថាឈ្មួញឈើឈ្មោះ សាក់ សិច , និងឈ្មោះ គឹម ឡាយ , ជិន គឹមអូន ៘ នៅក្នុងទឹកដីខេត្តព្រះវិហារនៅតែមានឥទ្ធិពលខ្លាំងជាងបទបញ្ជាឲ្យបង្ក្រាបបទល្មសើព្រៃឈើរបស់សម្ដេចតេជោ ហ៊ុន សែននាយករដ្ឋមន្ត្រី។
សេចក្តីរាយការណ៍លើកឡើងថាឈើប្រណីតៗនិងឈើប្រភទេលេខ២ ត្រូវបានឈ្មោះ គឹម ឡាយ ដឹកនាំមេការសំខាន់ៗមួយក្រុមរួមមាន ១.ឈ្មោះមីន ២.ឈ្មោះណឹត ៣.ឈ្មោះវុធ ៤.ចែណាង ៥.យាយខេង ៦.ឈ្មោះថី ៧.តា រីន ចូលកាប់ក្នុងព្រៃព្រះរការដោយខុសច្បាប់ ដឹកចេញតាមរទេះគោ រទេះក្របី មកដាក់នៅចំណុចម្លូព្រៃ ឬពោធិ៍ប្រមេរ ។ល។មេឈ្មួញកណ្ដាលម្នាក់ទៀតឈ្មោះ សាក់ សិច ដឹកនាំមេការសំខាន់ៗមួយក្រុមទៀតរួមមាន ១.ឈ្មោះឆើត ២. ឈ្មោះប្រុស ៣.ឈ្មោះបុប្ផា ៤.ឈ្មោះទូជាដើម ចូលកាប់ឈើក្នុងស្រុកជ័យសែនតំបន់ព្រៃឡង់ ហើយដឹកចេញមកចំណុចស្រែវាលមកស្តុបទុកនៅក្រាំងដូងក្នុងស្រុកត្បែងមានជ័យខេត្តព្រះវិហារ រួចដឹកបន្តមកចែកចាយនៅដេប៉ូ អ្នកស្រី ជិន អូន ក្នុងភូមិតាឡែកជិតស្នាក់ការបរិស្ថានក្នុងទឹកដីខេត្តកំពង់ធំ ។ឈើទាំងពីរក្រុមខាងលើនេះ ត្រូវបានឈ្មួញដឹកជញ្ជូនស្ទើរតែរៀងរាល់ថ្ងៃ និងតាមគ្រប់មធ្យោបាយទៅលក់ឲ្យដេប៉ូផ្សេងៗនិងខេត្តនានា។ កន្លងមក គេឃើញមានសមត្ថកិច្ចចាប់បានឈើដែលដឹកបន្លំតាមរថយន្តទំនើបៗ ឬរថយន្តក្រុងជាដើម។ ប៉ុន្តែ ឈើដែលសមត្ថកិច្ចចាប់បានជាប្រភេទឈើ ដែលដឹកតាមមធ្យោបាយតូចៗតែប៉ុណ្ណោះ។
រីឯការចាប់នេះទៀត គឺចាប់បានតែឈើប៉ុណ្ណោះ រីឯឈ្មួញរកស៊ីឈើធំៗដូចជាអ្នកស្រី ជិន អូន (ជិន គឹមអូន) លោក សាក់ សិច និង លោក គឹម ឡាយ មិនដែលចាប់បានទេបើទោះជាដឹងថាជាមុខសញ្ញាបំផ្លាញព្រៃឈើយ៉ាងណាក៏ដោយ។ គេមិនដឹងថា តើហេតុអ្វីបានជាឈ្មួញអាចចូលទៅកាប់ឈើបាន? តើហេតុអ្វីបានជាឈើអាចចេញពីព្រៃរួច? និងតើហេតុអ្វីបានជាឈើអាចចរាចរណ៍ដល់ព្រំដែននិងឆ្លងដែនបានយ៉ាងងាយបែបនេះ? ។ បើនិយាយថា សមត្ថកិច្ចមិនអាចចូលដល់ព្រៃជ្រៅដើម្បីពិនិត្យមើលការកាប់ព្រៃឈើរបស់ឈ្មួញបានទេនោះ វារឹតតែជារឿងមិនអាចជឿបានទៅទៀត។ ផ្ទុយទៅវិញប្រជាសហគមន៍ក៏អាចចូលដល់ទីតាំងប្រព្រឹត្តបទល្មសើព្រៃឈើបានដែរ ។ ប៉ុន្តែ អ្វីដែលគួរឲ្យកត់សម្គាល់នោះគឺ អាជ្ញាធរបែរជាមិនសហការណ៍ និងជួនកាលថែមទាំងបានរារាំងសកម្មភាពរបស់ប្រជាសហគមន៍ និងក្រុមអ្នកសារព័ត៌មានទៅវិញ។ ចឹងមូលហេតុសំខាន់បំផុតដែលឈ្មួញអាចប្រព្រឹត្តបទល្មើសព្រៃឈើបានគឺការគុបគិតគ្នាជាខ្សែបណ្តាញរវាងឈ្មួញរកស៊ីឈើជាមួយអាជ្ញាធរមានសមត្ថកិច្ច មួយចំនួនតែម្តង។ ក្រោមមូលហេតុថាឈ្មួញអ្នករកស៊ីឈើច្រើនតែជាអ្នកមានឥទ្ធិពល ឬ មានខ្នងបង្អែករឹងមាំ?។មិនអាចសុំការបកស្រាយពីសមត្តកិច្ចពាក់ពន្ធ័បានទេសង្ឃឹមថានឹងមានការពន្យល់៕
