នៅខេត្តព្រះសីហនុគេចាក់ដីលុបសមុទ្រ ចំណែកនៅ ស្រុកកំពង់ត្រឡាច ខេត្តកំពង់ឆ្នាំងវិញ គេបូមយកខ្សាច់ធ្វើអាជីវកម្មក្រោមលេស ស្នើសុំស្ដារបាតអាងនិងជួសជុលទំនប់និងធ្វើទ្វារទឹកនៃសហគមន៍.
10-August-2023 / ព័ត៌មានជាតិ
(កំពង់ឆ្នាំង)÷ពលរដ្ឋសំណូមពរស្នើសំុអាជ្ញាធរខេត្តពិសេសឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងគួរតែពិនិត្យឡើងវិញជុំវិញ ករណីមានឈ្មួញឆ្លៀតឱការកស៊ីធ្វើអាជីវកម្មបូមខ្សាច់ដោយយកលេសជ្រកក្រោមច្បាប់ស្ដារបាតអាងនិងជួសជុលទំនប់។ ប៉ន្តែករណីនេះខាងជំនាញជលផលបានអោយដឹងថាតំបន់នោះជាតំបន់ដែលគ្រប់គ្រងដោយជំនាញជលផលមែនប៉ុន្តែគេមិនបានទាក់ទងឬរាយការណ៍មកអោយខាងជំនាញដឹងនោះទេ។
តើមន្ទីរកសិកម្ម មន្ទីរធនធាន មន្ទីរ៉ែ មន្ទីបរិស្ថាននិងមន្ទីរសុរិយោដីបានចុះសិក្សាច្បាស់ស្នើសំុនេះដែរឬទេនៅជុំវិញការស្នើសុំរបស់ប្រធានសហគមន៍ទំនប់កុមារ ស្នើសុំស្ដារបាតអាង.ជួសជុលទំនប់និង ធ្វើទ្វាទឹក របស់សហគមន៍ទំនប់កុមារ ស្ថិតនៅក្នុងភូមិអ្នកតាហាង ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំងនេះ។
ចំពោះនៅក្នុងលិខិតស្នើសុំរបស់សហគមន៍ទំនប់កុមារបានធ្វើលិខិតស្នើសុំត្រឹមតែ តាមរយៈលោកមេភូមិអ្នកតាហាង លោកមេឃុំកំពង់ត្រឡាច លោកអភិបាលស្រុកកំពង់ត្រឡាច លោកប្រធានមន្ទីររ៉ែថាមពលប៉ុណ្ណោះដើម្បី ដាក់ជូនចំពោះឯកឧត្តមអភិបាលខេត្តកំពង់ឆ្នាំង ពិនិត្យសម្រេចលើការស្នើសុំការអនុញ្ញាតស្តាបាតអាងជុសជុលទំនប់និងធ្វើទ្វារទឹកជាមួយនិងសប្បុរសជន(ក្រុមហ៊ុន)ដើម្បីទប់ទឹកសម្រាប់ស្រោចស្រពលើផ្ទៃដីស្រែប្រាំងជាងមួយពាន់ហិតារបស់ប្រជាពលរដ្ឋ។ ចំណែមន្ទីរជំនាញផ្សេងៗមិនឃើញមានហត្ថលេខានៅក្នុងច្បាប់នោះទេ?
ជាក់ស្ដែងនៅថ្ងៃទី ០៣ ខែវិច្ឆិកាឆ្នាំ ២០១៨ នេះបន្ទាប់ពីសមត្ថកិច្ចនៃស្នងការដ្ឋាននគរបាលខេត្តកំពង់ឆ្នាំងដឹកនាំដោយលោក (ជិន សុផាត )នាយការិយាល័យសេដ្ឋកិច្ច បានចុះទៅពិនិត្យជាក់ស្តែងឃេីញថាលោកប្រធានសហគមន៍និងសប្បុរសជនដែលទទួលសិទ្ធិក្នុងអនុវត្តការងារមួយនេះមិនបានធ្វេីតាមខ្លឹមសារនៃច្បាប់ស្នើសុំនោះទេ។
-បែជាដាក់គ្រឿងចក្រនិងម៉ាស៊ីនបូមខ្សាច់ខ្នាតធំដើម្បីធ្វើអាជីវកម្មបូមខ្សាច់យកទៅលក់ទៅវិញ។ មិនតែប៉ុណ្ណោះពេលដែលសមត្ថកិច្ចធ្វើដំណើរទៅពិនត្យការដ្ឋាន ជិតដល់គោលដៅខាងសប្បុរសជន(ក្រុមហ៊ុន)ដែលកំពុងធ្វើសកម្មភាពនៅចំណុចនោះបានយកគ្រឿងចក្រ(អេស្កាវ៉ាទ័រ)មកបាំងពាំងផ្លូវបំណងមិនចង់ឲ្យចូលទៅជិតកន្លែងដែលពួកគេកំពុងធ្វើសកម្មភាពបូមខ្សាច់នោះ។
-ប៉ុន្តែមួយសន្ទុះក្រោយមកគ្រឿងចក្រមួយគ្រឿងនោះក៏បានដកថយបើកចេញទៅវិញហើយបានឲ្យសមត្ថកិច្ចបន្តដំណើរទៅពិនិត្យមើលជាក់ស្តែង។
បន្ទាប់ពីសមត្ថកិច្ចពិនិត្យមើលជាក់ស្ដែងរួចហើយគាត់ក៏បានស្នើសុំមេីលច្បាប់អនុញ្ញាតប៉ុន្តែមេកានោះថាចាំមេរបស់គេយកមកអោយ.លុះប្រហែលជាជិតពីម៉ោងក្រោយមកទេីបឃេីញតំណាងក្រុមហ៊ុនយកមកច្បាប់អោយសមត្ថកិច្ចពិនិត្យ។
-ក្រោយពីពិនិត្យច្បាប់រួចសមត្ថកិច្ចបានបញ្ជាក់ប្រាប់ ថាពិតជាមានច្បាប់នៃការស្នើសុំស្ដារបាតអាង.ជួសជុលទំនប់និងធ្វើទ្វារទឹកនៃសហគមន៍ទំនប់កុមារពិតប្រាកដមែន.ដែលចុះហត្ថលេខាដោយឯកឧត្តមអភិបាលខេត្តកំពង់ឆ្នាំង។
-ក៏ប៉ុន្តែសកម្មភាពជាក់ស្ដែងគឺមិនមានការស្តារបាតអាង.ជួសជុលទំនប់និងធ្វើទ្វារទឹកនោះទេ បែរជាដាក់ម៉ាស៊ីនខ្នាតធំធ្វើអាជីវកម្មបូមខ្សាច់ទៅវិញ។
-សមត្ថកិច្ចបានបន្ថែមទៀតថាពាក់ព័ន្ធទៅនឹងការស្នើសុំមួយនេះមុននិសំរេចគួរតែ.មន្ទីរ៉ែ.មន្ទីរបរិស្ថាន.មន្ទីរធនធានទឹក.មន្ទីកសិកម្ម(ជលផល)ចុះមកពិនិត្យជាក់ស្តែងច្បាស់លាស់ជាមុនសិនហេីយធ្វេីកំណត់បង្ហាញជូនអភិបាលខេត្ត។ ហើយបើមានការបូមខ្សាច់ទ្រង់ទ្រាយធំបែបនេះគួរតែមានច្បាប់ពីក្រសួង ទេីបធ្វេីបាន។ តើអាជីវកម្មបូមខ្សាច់ទ្រង់ទ្រាយធំមួយនេះស្របតាមច្បាប់អនុញ្ញាតិដែរឬទេ?។
ជុំវិញសាច់រឿងខាងលើនេះមកដល់និងម៉ោង 9 ព្រឹកថ្ងៃទី 4 ខែវិច្ឆិកាឆ្នាំ 2018នៅមិនទាន់ឃើញមានចំណាត់ការពីអាជ្ញាធរនៅឡើយទេ ។ តើត្រូវអោយក្រុមហ៊ុនសប្បុរសជនបន្តធ្វើសកម្មភាពបូមខ្សាច់ជាបន្តឬមួយក៏ត្រូវផ្អាក...?
ម្យ៉ាងទៀតបើមើលទៅលើភាពជាក់ស្ដែងនៃច្បាប់អនុញ្ញាតនៃការស្នើសុំស្ដារបាតអាងជួសជុលទំនប់និងធ្វើទ្វារទឹកនៃសហគមន៍ទំនប់កុមារមួយនេះមានលិខិតសុីញ៉េប្រគល់សិទ្ធដល់ទៅពីរជាន់គ្នាទៀតផង។-ចំណុចនេះសូមឯកឧត្តម ឈួរច័ន្ទឌឿន អភិបាលខេត្តកំពង់ឆ្នាំង ជួយពិនិត្យមើលឡើងវិញផងនិងសំណូមពរដល់រដ្ឋមន្ត្រីក្រសួងរ៉ែជួយពិនិត្យមើលករណីបូបខ្សាច់ទ្រង់ទ្រាយធំមួយនេះផង៕
នៅព្រឹកថ្ងៃទី០៦/ខែវិច្ឆិកា/ឆ្នាំ២០១៨ នេះ សារពតិមានបានទទួលពាក្យបណ្តឹង មួយ ដែលម្ចាស់បណ្តឹងបានប្តឹង ចូលព្រះរាជអាជ្ញាថ្ងៃទី០៥ ខែ១១ ឆ្នាំ២០១៨ របស់ឈ្មោះ ទេព ប៊ុនឈឿន អាយុ៥០ឆ្នាំ មានទីលំនៅភូមិកំពង់ត្រឡាចលើ ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង និងឈ្មោះ ញ៉ិល ឡុងបុត អាយុ៣០ឆ្នាំ រស់នៅភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ បានប្តឹងមនុស្សចំនួន០៧នាក់ ក្នុងនោះមានប្រធានសហគមន៍ ទំនប់កុមារ ផងដែរ។
-ម្ចាស់ដើមបណ្តឹងបានប្តឹងចោទប្រធានសហគមន៍ទំនប់កុមារពីបទ«រំលោភលើសេចក្តីទុកចិត្ត ប្រព្រឹត្តនៅចុះណុចទំនប់កុមារ ស្ថិតក្នុងភូមិអ្នកតាហាង ឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង កាលពីថ្ងៃទី១៨ ខែឧសភា ឆ្នាំ២០១៨។
