វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5640 នាក់
ម្សិលមិញ 5378 នាក់
សរុប 14084933 នាក់
អាមេរិក ៖ ប្រទេសចិន និងប្រទេសរុស្ស៊ីកាលពីថ្ងៃព្រហស្បតិ៍ បានប្រឆាំងទៅនឹងសំណើរដែលលើកឡើងដោយសហរដ្ឋអាម៉េរិកទៅអង្គការសហប្រជាជាតិ ដើម្បីរឹតបន្តឹងទណ្ឌកម្មលើប្រទេសកូរ៉េខាងជើងបន្ថែមទៀត ដោយសារតែការបន្តបាញ់មីស៊ីលយ៉ាងគឃ្លើនពីសំណាក់ប្រទេសមួយនេះ។
ការដាក់ទណ្ឌកម្ម បានកើតមានឡើងបន្ទាប់ពីមានការបាញ់សាកល្បងមីស៊ីលផ្លោងអន្តរទ្វីបរបស់កូរ៉េខាងជើង កាលពីថ្ងៃពុធកន្លងទៅ។ សហរដ្ឋអាម៉េរិកបានស្នើសេចក្តីសម្រេចជូនក្រុមប្រឹក្សាសន្តិសុខអង្គការសហប្រជាជាតិ ដើម្បីរកដំណោះស្រាយដែលរួមមាន ការកាត់បន្ថយនូវបរិមាណប្រេងដែលកូរ៉េខាងជើងអាចនាំចូលស្របច្បាប់ចាប់ពី ៤ លានបារ៉ែល មកនៅត្រឹមតែ ៣ លានបារ៉ែល ឬប្រមាណជា ៥២៥,០០០តោនមកនៅតែ ៣៩៣,៧៥០ តោន។
សំណើរមួយនេះទទួលបានការគាំទ្រពីសមាជិក ១៣ ប្រទេសផ្សេងទៀតរបស់ក្រុមប្រឹក្សាសន្តិសុខអង្គការសហប្រជាជាតិ បើទោះបីជាសម្ព័ន្ធមិត្តរបស់សហរដ្ឋអាម៉េរិកមួយចំនួនស្ថិតនៅក្នុងភាពមន្ទិលសង្ស័យដោយលើកឡើងថា តើក្រុងវ៉ាស៊ីនតោននៅតែបន្តការបោះឆ្នោតទៀតឬយ៉ាងណា បើទោះបីជាដឹងហើយថា ក្រុងប៉េកាំង និងក្រុងម៉ូស្គូ នៅតែប្រឆាំងមិនឈប់ឈរក៏ដោយចុះ។ឯកអគ្គរដ្ឋទូតចិនប្រចាំអង្គការសហប្រជាជាតិ លោក ហ្សាងជុន(Zhang Jun )បានលើកឡើងថា ទណ្ឌកម្មដែលសម្រេចចេញដោយសហរដ្ឋអាម៉េរិកនេះ នឹងជះផលវិបាកផ្នែកមនុស្សធម៌ដល់ប្រទេសកូរ៉េខាងជើង ដែលកំពុងតែរងផលប៉ះពាល់ពីការផ្ទុះឡើងនៃជម្ងឺកូវីដ១៩ នៅក្នុងសង្គមប្រទេសដែលឯកោរបំផុតមួយនេះ។
លោកហ្សាងជុនថា ការដាក់ទណ្ឌកម្មបន្ថែមនេះទៀតសោតគឺ "មិនត្រឹមតែជួយដោះស្រាយបញ្ហាមិនបានប៉ុណ្ណោះទេ ប៉ុន្តែនឹងនាំឱ្យមានផលប៉ះពាល់អវិជ្ជមានកាន់តែច្រើនឡើងថែមទៀត និងអាចមានការប្រឈមមុខដាក់គ្នាទៀតផង" ។ឯលោកវ៉ាស៊ីលីនីបិនហ្សៀ( Vassily Nebenzia) ឯកអគ្គរដ្ឋទូតរុស្ស៊ីឯណោះវិញ ក៏បានចោទប្រកាន់សហរដ្ឋអាមេរិកដែរថា បានតែនិយាយ និងមិនអើពើនឹងការអំពាវនាវរបស់កូរ៉េខាងជើងក្នុងការបញ្ឈប់ "សកម្មភាពប្រទូស្តរ៉ាយឡើយ"។ករណីយ៍កូរ៉េខាងជើងនេះរដ្ឋបាលរបស់លោកប្រធានាធិបតី Joe Biden បាននិយាយម្តងហើយម្តងទៀតថា ខ្លួនសុខចិត្តធ្វើការជជែកចរចាជាមួយនឹងកូរ៉េខាងជើងដោយគ្មានលក្ខខណ្ឌជាមុននោះបានទេ៕
ប្រភព៖ Reuters Connect