វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9590 នាក់
ម្សិលមិញ 8227 នាក់
សរុប 14136471 នាក់
ភ្នំពេញ៖ សម្ដេចតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា បានអំពាវនាវឲ្យប្រជាជនទាំងអស់ទូទាំងប្រទេសកម្ពុជាត្រូវតែបានចាក់វ៉ាក់សាំងដូសទី ៣ ជាចាំបាច់ ដើម្បីកម្ពុជាអាចបន្ថូរបន្ថយវិធានការសុខាភិបាល។តាមរយៈសារជាសំឡេង នៅរសៀលថ្ងៃទី ២៤ ខែមេសាឆ្នាំ ២០២២នេះសម្ដេចតេជោ ហ៊ុន សែន បានថ្លែងថា «ចាប់តាំងពីចូលឆ្នាំខ្មែរ រហូតមកដល់ក្រោយចូលឆ្នាំ រហូតដល់ថ្ងៃនេះ គ្មានសញ្ញាណាមួយដែលមានការឆ្លងរាលដាលកូវីដ១៩នោះទេ»។ សម្តេចតេជោ បន្តថា «យើងកំពុងតែពិនិត្យអំពីដាក់បន្ថែមនៅខេត្ត ឬដែនដីនៃខេត្តខ្លះទៀតដើម្បីកាត់បន្ថយការប្រើប្រាស់ម៉ាស់ ដើម្បីកុំឲ្យការចំណាយរបស់ប្រជាពលរដ្ឋយើងច្រើនទៅលើការទិញម៉ាសសម្រាប់ពាក់»។
សម្ដេច ក៏បានបន្តថា «យើងក៏មានភាពស៊ាំសហគមន៍តាមរយៈការចាក់វ៉ាក់សាំងបានពីរដូស រួចរាល់ ប៉ុន្តែអ្វីដែលជាតម្រូវការឈានទៅសម្រេចនៃភាពស៊ាំសហគមន៍ និងដើម្បីកាត់បន្ថយនៃការបន្ធូរបន្ថយនូវវិធានការសុខាភិបាល។ សម្ដេចតេជោ ហ៊ុន សែន បានប្រកាសថា ប្រជាជនកម្ពុជាត្រូវតែមានភាពស៊ាំយ៉ាងហោចក៏បានចាក់វ៉ាក់សាំង៣ដូស។
សម្ដេចតេជោ ហ៊ុន សែន ក៏បានបញ្ជាក់ថា «នៅចំនួន ៦លាននាក់ទៀតដែលមិនទាន់បានចាក់ដូសជំរុញ ដូច្នេះខ្ញុំក៏បានណែនាំឲ្យលោកជំទាវ ឱ វណ្ណឌីនផ្ដល់ការយកចិត្តទុកដាក់ចាក់ជូនប្រជាពលរដ្ឋនៅតំបន់ទីប្រជុំជន ដូចជានៅតាមរោងចក្រ កម្មករកម្មការិនីសំណង់ អ្នករកស៊ីក្រៅប្រព័ន្ធ ដូចជាអ្នករកស៊ីតាមផ្សារជាដើម ដោយខិតខំប្រមូលផ្ដុំកម្លាំងដើម្បីចាក់ជូនកម្មករកម្មការិនីនៅតាមរោងចក្រ តាមក្រុមហ៊ុនសំណង់ ក៏ដូចជាអាជីវករនៅតាមទីផ្សារនានាដែលងាយឆ្លង»។ សម្ដេចតេជោ ហ៊ុន សែន បញ្ជាក់ថា «ការធ្វើដូច្នេះដើម្បីបង្កើនភាពស៊ាំសហគមន៍ឲ្យបានច្រើន»។សម្ដេចតេជោ ហ៊ុន សែន បានបញ្ជាក់ថា «ប្រសិនបើប្រជាពលរដ្ឋបានទទួលបានរហូតដល់ដូសទី ៤កាន់តែល្អប្រសើរ»៕