វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 624 នាក់
ម្សិលមិញ 10264 នាក់
សរុប 14139806 នាក់
ភ្នំពេញ៖បុរសអាយុ៤៣ឆ្នាំ ក្មេងស្រីអាយុ១៦ឆ្នាំ និង ក្មេងប្រុស អាយុ១២ឆ្នាំរស់នៅ ផ្ទះលេខ២២៣J ផ្លូវលេខ៥៩៩ ក្រុមទី៦ ភូមិគង្គាផុស សង្កាត់ទួលសង្កែទី២ ខណ្ឌឫស្សីកែវ ត្រូវបានប្រកាស ថា បានឆ្លងជំងឺ កូវីដ-១៩ នាថ្ងៃទី១៦ ខែមីនា ឆ្នាំ២០២១ នេះ ។ក្រុមគ្រូពេទ្យ បានចុះទៅទទួលយកអ្នកវិជ្ជមានវីរុសកូវីដ-១៩ចំនួន ៣នាក់ នៅវេលាម៉ោង ១០:៤០នាទី ព្រឹកថ្ងៃទី១៦ ខែមីនា ឆ្នាំ២០២១ នៅឃ្លាំងលក់រថយន្ត RVLG ដែលពាក់ព័ន្ធនឹងករណីអ្នកជំងឺកូវីដ-១៩ ឈ្មោះ ចាន់ មករា ស្ថិតនៅចំណុចខាងលើ។
លោក ជា ពិសី អភិបាលខណ្ឌឫស្សីកែវឲ្យដឹងថា អ្នកជំងឺទាំង៣នាក់ នេះ ត្រូវបានបញ្ជូនទៅព្យាបាលនៅ សណ្ឋាគារ The Great Duke ជិតផ្សារដើមគរ។ ដោយឡែកទីតាំងខាងលើនេះ បាននិងកំពុងបិទជាបណ្ដោះអាសន្នកាលពីថ្ងៃម្សិលមិញ ក្រោយពីមានការយកសំណាក រួចមក។ នាថ្ងៃអង្គារ ទី១៦ ខែមីនា ឆ្នាំ២០២១នេះ ក្រសួងសុខាភិបាលនៃព្រះរាជាណាចក្រកម្ពុជាបានប្រកាសថាបានរកឃើញអ្នកឆ្លងជំងឺកូវីដ-១៩ថ្មី ចំនួន ១០៥នាក់បន្ថែមទៀត និងមានអ្នកជាសះស្បើយចំនួន៨៨នាក់។
តួលេខនេះបានធ្វើឲ្យចំនួនអ្នកបានដែលឆ្លងកូវីដ១៩ក្នុង «ព្រឹត្តិការណ៍សហគមន៍២០កុម្ភៈ» បានកើនដល់ ៩១៥នាក់ ក្នុងនោះ មានប្រុស៤៩១នាក់ និងស្រី៤២៤នាក់។គួរបញ្ជាក់ផងដែរថា រហូតមកដល់ពេលនេះ ក្រសួងសុខាភិបាល បានរកឃើញអ្នកឆ្លងវីរុសកូវីដ-១៩ សរុប ១៤៣០ករណី ក្នុងនោះអ្នកជំងឺ៨១៨នាក់ បានជាសះស្បើយ និងកំពុងសម្រាកព្យាបាលចំនួន ៦០៩នាក់៕