វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5810 នាក់
ម្សិលមិញ 5304 នាក់
សរុប 14145336 នាក់
កម្ពុជា៖ក្រុមបាល់ទាត់ជម្រើសជាតិកម្ពុជាបានធ្លាក់ចេញបាត់ហើយនៅត្រឹមវគ្គជម្រុះបឋម ជើងឯកពិភពលោកសម្រាប់ឆ្នាំ២០២៦ បន្ទាប់ពីចាញ់ប៉ាគីស្ថាន ០-១ ក្នុងការប្រកួតចម្រុះជើងទី២ នៅកីឡដ្ឋាន Jinnah ក្នុងទីក្រុង អីស្លាម៉ាបាដកាលពីថ្ងៃទី១៧តុលាក វេលាម៉ោង៤ រសៀលក្នុងទឹកដីប៉ាគីស្ថាន។
ប្រការគួកត់សម្គាល់ការប្រកួតជើងទី២កម្ពុជានៅតែជួបបញ្ហាកង្វះកីឡាករនៅតំបន់ប្រយុទ្ធដោយសារកីឡាករដើមកំណើតកាមេរូន ទើបចូលសញ្ជាតិកម្ពុជា Privat Mbarga និងកីឡាករ ចាន់ វឌ្ឍនាកា នៅតែមិនបន្តចូលរួមជាមួយក្រុមជម្រើសជាតិ។ សម្រាប់ការប្រកួតជើងទី១កាលពីថ្ងៃទី១២តុលានៅក្នុងស្រុកខ្មែរជាមួយក្រុមកីឡាប៉ាគិស្ថានក៏ កម្ពុជាធ្វើមិនបានល្អទេ ដោយពិបាករកឱកាសក្នុងការស៊ុតសំដៅទីលើក្រុមប៉ាគីស្ថាន។ តាមការកត់សម្គាល់ការប្រកួត៩០នាទីពេញកម្ពុជាស៊ុតបាន៩លើក ប៉ុន្តែចំគោលដៅតែ២លើកប៉ុណ្ណោះ។ ចំពោះខ្សែប្រយុទ្ធ២រូបកីឡាករ ឃាន់ សុប៉ិន និង រ៉ុង ប៊ុនហៀង ដែលគ្រូបង្វឹកលោក Félix Dalmás ជ្រើសរើសមកគឺសុទ្ឌតែជាកីឡាករដែលមាននាទីលេងតិចក្នុងលីគកំពូលកម្ពុជា។ នេះក៏ជាហេតុមួយដែលធ្វើឲ្យកម្ពុជាជួបបញ្ហាក្នុងតំបន់ប្រយុទ្ធ។
លោក Félix ក៏ធ្លាប់លើកឡើងពីបញ្ហាកង្វះខ្សែប្រយុទ្ធក្នុងប្រអប់ ដោយសារក្លិបនៅលីគកំពូលកម្ពុជាភាគច្រើនគឺប្រើប្រាស់ធនធានកីឡាករបរទេសក្នុងតំបន់ប្រយុទ្ធ។ ក្នុងជំនួបកាលពីរសៀលថ្ងៃទី១២តុលាសមាជិកភ្នំពេញក្រោន៤រូបគឺកីឡាករ Yudai Ogawa, អ៊ន ចាន់ប៉ូលីន, យ៉ើ មូស្លីម និងកីឡារ ជួន ចាន់ចាវ នឹងក្លាយជាតួអង្គដ៏សំខាន់ក្នុងតំបន់បម្រើកណ្ដាលនិងតំបន់ការពារ។ ការប្រកួតជើងទី១ សមាជិកភ្នំពេញ៤រូបនេះពិតជាធ្វើបានល្អមែនទែន ជាពិសេសកីឡាករ Yudai Ogawa លេង៩០នាទីហើយបំពេញតួនាទីរបស់ខ្លួនក្នុងតំបន់បម្រើកណ្តាលបានយ៉ាងល្អ។ រូបគេក៏ជាប់ឈ្មោះជាកីឡាករដែលលេងល្អបំផុតក្នុងការប្រកួតនោះផងដែរ។
ការប្រកួតនៅកម្ពុជាក្រៅពីការការពារបានល្អ ប៉ាគីស្ថាន ក៏ប្រើទម្រង់វាយបកដ៏គ្រោះថ្នាក់ផងដែរ ហើយការលេងក្នុងដីរបស់ខ្លួនរឹតតែធ្វើឲ្យក្រុមមួយនេះមានទំនុកចិត្តក្នុងការស្វែងរកជ័យជម្នះលើកម្ពុជា។ ក្នុងប្រវត្តិជួបគ្នា៤លើកគិតទាំងកាលពីថ្ងៃទី១២ ខែតុលា ប៉ាគីស្ថាន មិនធ្លាប់ឈ្នះកម្ពុជាឡើយ។លោក Felix Dalmas គ្រូបង្វឹកជម្រើសជាតិកម្ពុជាបានលើកឡើងបានថា ប៉ាគីស្ថាន មានកីឡាករច្រើនមកពីតំបន់អឺរ៉ុប ដូច្នេះហើយបានជាធ្វើឲ្យក្រុមរបស់លោកជួបការលំបាក។ យ៉ាងណា លោកមានទំនុកចិត្តលើកីឡាករកម្ពុជាដែលអាចធ្វើបាន។
សម្រាប់ការប្រកួតលើកទី២នៅប៉ាគិស្ថានគ្រូបង្វឹកប៉ាគិស្ថានលោក Stephen Constantine បាននិយាយថា ក្រុមរបស់លោកពិតជារីករាយដែលត្រូវលេងក្នុងផ្ទះរបស់ខ្លួនជាលើកដំបូង បន្ទាប់ពីខកខានអស់រយៈពេល៨ឆ្នាំ។ លោកបានប្តេជ្ញាបង្ហាញមុខមាត់ថ្មីដើម្បីកែប្រែប្រវត្តិសាស្ត្រដែលធ្លាប់មានជាមួយកម្ពុជា។សូមបញ្ជាក់ថាកាលពីការប្រកួតឆ្ពោះទៅរកFIFA World Cup ឆ្នាំ២០២២៖វគ្គជម្រុះជុំទី១មានតែ១២ក្រុមប៉ុណ្ណោះគឺក្រុមលេខពី៣៥-៤០ ត្រូវប្រកួតជាមួយក្រុមលេខ៤១-៤៦ ហើយកម្ពុជាប៉ះប៉ាគីស្ថាន។កាលនោះកម្ពុជាឈ្នះ ប៉ាគីស្ថាន ២-០ ជើងទី១។
ជើងទី២ឈ្នះ ប៉ាគីស្ថាន ១-២ ជើងទី២។សរុបគ្រាប់បាល់ កម្ពុជា ឈ្នះ ៤-១ ឡើងទៅវគ្គជម្រុះជុំទី២។សម្រាប់ការប្រកួតឆ្ពោះទៅFIFA World Cup ឆ្នាំ២០២៦៖វគ្គជម្រុះជុំទី១មាន២០ក្រុមដែលមានចំណាត់ថ្នាក់ FIFA Ranking ទាបបំផុតនៅអាស៊ីត្រូវបានចាប់ឆ្នោតឲ្យប្រកួតជម្រុះ ហើយកម្ពុជាប៉ះប៉ាគីស្ថាន។ប្រកួតលើកទី១នៅកម្ពុជា ប៉ាគីស្ថាន ០-០ ជើងទី១។លើកទី២ចាញ់ ប៉ាគីស្ថាន ០-១ ជើងទី២សរុបគ្រាប់បាល់ ប៉ាគីស្ថាន ឈ្នះ ០-១ ឡើងទៅវគ្គជម្រុះជុំទី២ ជើងឯកពិភពលោកឆ្នាំ២០២៦។នៅវគ្គជម្រុះជុំទី២ FIFA World Cup 2026 ស្ថិតនៅពូល Gរួមមាន៖អារ៉ាប៊ីសាអ៊ូឌីត។ហ្ស៊កដានី។តាជីគីស្ថាន។ប៉ាគីស្ថាន-១ ឡើងទៅវគ្គជម្រុះជុំទី២។