វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2421 នាក់
ម្សិលមិញ 10264 នាក់
សរុប 14141603 នាក់
សុខភាព ៖សេចក្តីរាយការណ៍មួយបានឲ្យដឹងថា ការញ៉ាំស៊ុតច្រើនជាងពីរគ្រាប់ ក្នុងមួយថ្ងៃ និងជារៀងរាល់ថ្ងៃទៀត អាចប្រឈមខ្ពស់នឹងការស្លាប់ ហើយវាក៏ធ្វើឲ្យកើតជា ជំងឺបេះដូងសរសៃឈាមថែមទៀត។នេះបើតាម ចុះផ្សាយក្នុងសារព័ត៌មាន Journal of the American Medical Association បានឲ្យដឹង។
ការសិក្សាគេបានតាមដានទៅលើសុខភាព របបអាហារ និងទម្លាប់របៀបរស់នៅរបស់ មនុស្សពេញវ័យប្រមាណជាង ៣០០០នាក់ ក្នុងសហរដ្ឋអាមេរិករយៈពេល ៣១ឆ្នាំ។ Katherine Tucker សាស្ត្រាចារ្យ នៅឯសាកវិទ្យាល័យ University of Massachusetts Lowell សហរដ្ឋអាមេរិកបានឲ្យដឹងថា ការសិក្សានេះបានរាយការណ៍ថា កូឡេស្តេរ៉ុលក្នុងស៊ុតមានទំនាក់ទំនង នឹងការប៉ះពាល់ដល់សុខភាព ដោយសារតែទទួលទានក្នុងបរិមាណខ្ពស់។
សម្រាប់នាយកដ្ឋានកសិកម្ម មេរិកវិញបានឲ្យដឹងថា គ្រាន់តែស៊ុតធំមួយគ្រាប់គឺ មានកូឡេស្តេរ៉ុលស្ទើរតែ ២០០មីលីក្រាមទៅហើយ ដែលយ៉ាងហោចណាស់ស្មើនឹងសាច់គោ Steak ២២៦ក្រាម។ការញ៉ាំកូឡេស្តេរ៉ុលច្រើនជាង ៣០០មីលីក្រាមជារៀងរាល់ថ្ងៃ ត្រូវបានគេរកឃើញថា មានជាប់ទាក់ទងនឹងការប្រឈមនឹងជំងឺបេះដូងសរសៃឈាម ១៧ភាគរយ និង ការស្លាប់ ១៨ភាគរយ។លោក Tucker បានបន្ថែមថា “ការញ៉ាំស៊ុតច្រើនគ្រាប់ក្នុងមួយសប្តាហ៍ អាចជារឿងមានហេតុផលល្អ របស់មនុស្សម្នាក់ៗដែរ ប៉ុន្តែវាគឺជាការណែនាំ មួយសម្រាប់មនុស្សគ្រប់រូប ដើម្បីចៀសវាងការញ៉ាំស៊ុត ៣គ្រាប់ឡើងទៅក្នុងមួយថ្ងៃ។ អ្វីដែលជីវជាតិនោះគឺញ៉ាំវាក្នុង កម្រិតមធ្យមគឺគ្រប់គ្រាន់ហើយ”៕ប្រភព៖ www.health.com.kh