វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4896 នាក់
ម្សិលមិញ 10264 នាក់
សរុប 14144078 នាក់
ខេត្តកំពង់ធំ៖សកម្មភាពធ្វើអាជីកម្ម រ៉ែមាសខុសច្បាប់ ស្ថិតនៅត្រង់ចំណុច ក្បាលអូរត្រាច ឬ គេហៅថា តំបន់ស្នងអន ឃុំសុចិត្រ ស្រុកសណ្តាន់ ខេត្តកំពង់ធំ។ សេចក្តីរាយការណ៍ឲ្យដឹងថាពួកឈ្មួញបង្ហូរទឹករ៉ែ ដែលមានជាតិគីមីពុលចូលក្នុងស្ទឹង មិនបានខ្វល់ខ្វាយ ឬគិតគូដល់សុខភាព ទុក្ខលំបាករបស់ប្រជាពលរដ្ឋនោះទេ ។
ជាតិគីមីពុលនេះ បានហូរធ្លាក់ចូលទៅ ក្នុងស្ទឹងជីនិត ហើយបន្តហូរកាត់ទៅទំនប់៦មករា និង៧មករា ស្ថិតស្រុកសន្ទុក ខេត្តកំពង់ធំ។ក្រុមហ៊ុន រុករករ៉ែមាសដែលមិនទាន់មានច្បាប់ផ្លូវការនេះត្រូវបានគេប្រាប់ថា របស់លោក ឌី ជាជនជាតិចិន។ពួកគេ បានធ្វើអាងចាក់ទឹកថ្នាំគីមី ដើម្បីបង្កាត់គីមីយកមាស រាប់សិបអាង ដោយមិនខ្លាចរអា ឬញញើតច្បាប់បន្តិចនោះឡើយ ព្រោះអាងមានខ្នងធំៗ។
មហាជនសូមសំណូមពរទៅដល់ លោកប្រធានមន្ទីរបរិស្ថាន និងប្រធានមន្ទីររ៉ែ ថាមពល ខេត្តកំពង់ធំ មេត្តាចាត់មន្ត្រីជំនាញឱ្យចុះទៅពិនិត្យមើលនិងបកស្រាយពន្យល់ដល់ប្រជាពលរដ្ឋឲ្យបានដឹងផងទានកុំសម្ងំទទួលទានទឹកតែស្ងាត់ៗចឹង ។