វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9802 នាក់
ម្សិលមិញ 8227 នាក់
សរុប 14136683 នាក់
ខេត្តមណ្ឌលគិរី ៖ សមត្ថកិច្ចផ្នែកជំនាញរដ្ឋបាលព្រៃឈើបានឃាត់ខ្លួនបុគ្គលិកម៉ូតូផាកពីរនាក់កាលពីថ្ងៃទី១៩ខែកុម្ភៈឆ្នាំ២០២៣ក្រោយបង្ក្រាបឈើទ្រង់ទ្រាយធំមួយដែលលួចលាក់ដោយខុសច្បាប់ក្នុងទីតាំងទីលានប្រណាំងរថយន្ត(Off Road)នៅភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី។តែលោកទូចរស្មីដែលជាម្ចាស់ទីតាំងខាងលើកនេះមន្ត្រីជំនាញមិនទាន់ចាត់វិធានការនៅឡើយទេ?។
កាលពីថ្ងៃទី១៦-១៧ខែ កុម្ភៈ ឆ្នាំ២០២៣ កម្លាំងចម្រុះខេត្តដឹកនាំដោយលោកព្រះរាជអាជ្ញាររងអមសាលាដំបូងខេត្តមណ្ឌលគិរីចុះពិនិត្យ ស្រាវជ្រាវ រកឃើញបទល្មើសប្រមូលផល អនុផលព្រៃឈើ ជិត ក្រុមហ៊ុន១២ Motor Park និងក្នុង បរិវេណក្រុមហ៊ុន១២ Motor Park ។នៅក្នុងប្រតិបត្តិការបង្ក្រាបនោះមន្ត្រីជំនាញបានរឹបអូករថយន្តបង្កុងដែលជាមធ្យោបាយបង្កបទល្មើសចំនួនពីរគ្រឿងនិងម៉ូតូមួយគ្រឿង។ក្រៅពីនេះរកឃើញឈើអារចម្រុះនិងគល់ឈើ ចំនួនបីទីតាំង។ទីតាំងទី១.គល់ឈើជាច្រើនត្រូវបានគេកាត់យកដើមនៅក្នុងព្រៃនៅចំណុចនិយាមការលេខ ៧៤១៣៦៦- ១៣៩១៦០៦ នៅក្រៅបរិវេណក្រុមហ៊ុន១២ Motor Park ដោយឃើញមានស្មាមដានឡានប៉ាកុង ដឹកចូលគំនរទីតាំងស្តុកឈើចូលក្នុងរបងក្រុមហ៊ុន១២ motor park។
ទីតាំងទី២.មន្ត្រីជំនាញរកឃើញឈើអារប្រភេទលេខមួយចំនួន៣១២ សន្លឹក ស្មើនឹងជាង ១១ម៉ែត្រគូប(បានកែឆ្នៃជាតុ) ឈើអារប្រភេទលេខមួយចំនួន៤២សន្លឹក ស្មើនឹងជាង១ម៉ែត្រគូប(ឈើសន្និធិ) កៅអីតុក្កតាមុខកាត់០.៣០ម៉ែត្រ កំពស់០.៥០ម៉ែត្រ ចំនួន១៣០កំណាត់។ ឈើដែលបានរកឃើញទាំងអស់នេះ ក្រុមការងារពុំបានដកហូតនោះទេ។ទីតាំង៣.រកឃើញឈើអារប្រភេទលេខមួយចំនួន៧៣៦សន្លឹក ស្មើនឹងជាង៧ម៉ែត្រគូប(ឈើសន្និធិ) និងបានយកទៅកែច្នៃធ្វើជារបងរួចចំនួន៤០០សន្លឹក ស្មើនឹង ៣ម៉ែត្រគូប នៅចំណុចនិយាមការលេខ ៧៤១៩២៣,១៣៩២៤៣៤ ។ ឈើដែលបានរកឃើញ ទាំងអស់នេះ ក្រុមការងារពុំបានដកហូតនោះទេ។
ក្រៅពីកឃើញឈើទាំងអស់ខាងលើ សមត្ថកិច្ចបានឃាត់ខ្លួនមនុស្សប្រុសចំនួនពីរនាក់ នៅចំណុចពីរទីតាំងផ្សេងគ្នាដែលមាននិយាមការលេខ ទីមួយនៅ១៧៤១៩២៣,១៣៩២៤៣៤ ទីពីរនៅចំណុចនិយាមការលេខ៧៤១៩៩២,១៣៩២៥១៧ ។ដើម្បីកសាងសំនុំរឿងតាមនិតិវិធីនៃច្បាប់ព្រៃឈើ.។យោងតាមការបង្ក្រាបនេះបង្ហាញថាបទល្មើសព្រៃឈើនៅតែកើតមានដោយសារតែការបង្ក្រាបចាប់បានតែមនុស្សតូចតាចឯអ្នកដែលឃុបឃឹតប្រព្រឹត្តមិនត្រុវបានវែកមុខឡើយ៕