វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1733 នាក់
ម្សិលមិញ 6359 នាក់
សរុប 14088366 នាក់
បន្ទាយមានជ័យ៖ សមត្ថកិច្ចនគរបាលនៃគណៈកម្មការប្រឆាំងផលិតផល ក្លែងក្លាយ (គ.ប.ផ.ក)ដែលចុះពីភ្នំពេញទៅបាន បិទឃ្លុំបេនិងដកហូតវត្ថុតាងទំនិញជាច្រើននៅទីតាំងស្តុក និងចែកចាយគ្រឿងសំអាងចំនួន ពីរកន្លែង របស់ក្រុមហ៊ុនហ្វីលីមីរខេមបូឌា ខូអិលធីឌី(P PHILIMORE CAMBODIA CO LTD) នៅភូមិក្បាលស្ពាន១ សង្កាត់-ក្រុងប៉ោយបែត ខេត្តបន្ទាយមានជ័យ ។
ការបិទហាងបន្ទាប់ពីកម្លាំងជំនាញ ចុះពិនិត្យកាលពីថ្ងៃទី៣ ខែមេសាថ្មីៗ រកឃើញកំហុសចំនួន ៨ចំណុច រួមមានអត់ច្បាប់អាជីវកម្ម ក្លែងបន្លំពាណិជ្ជសញ្ញា ម៉ាកពាណិជ្ជនាមរបស់សហគ្រាសផ្សេងទៀត។ លោកឧត្ដមសេនីយ៍ត្រី កាន វឌ្ឍនា ប្រធានលេខាធិការដ្ឋាន នៃគណ:កម្មការប្រឆាំងផលិតផល ក្លែងក្លាយ (គ.ប.ផ.ក) បានថ្លែងឱ្យកាសែតដឹងនៅល្ងាចថ្ងៃចន្ទទី០៤ ខែមេសា ២០២២ថា៖ ក្នុងកិច្ចប្រតិបត្តិការខាងលើនេះ ដោយមានការសម្របសម្រួលនីតិវិធីពីលោក ស៊ិន ពិសុទ្ធ ព្រះរាជអាជ្ញារងអមសាលាដំបូងខេត្តបន្ទាយមានជ័យ និងសហការជាមួយកម្លាំនគរបាលការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត រួមនិងមន្ត្រីអាជ្ញាធរ ភូមិ សង្កាត់ផងដែរ។
មូលហេតុលោកឧត្ដមសេនីយ៍កាន វឌ្ឍនា បានឱ្យដឹងថា៖ បន្ទាប់ពីទទួលបានបណ្ដឹងពីសហគ្រាសមួយ ដែលចោទថា មានករណីក្លែងបន្លំពាណិជ្ជសញ្ញា ម៉ាកពាណិជ្ជនាម លើទីតាំងខាងលើរបស់ ឈ្មោះ ឆម ដាឡែន ភេទស្រី ជនជាតិខ្មែរ មានទីលំនៅ បច្ចុប្បន្ន នៅផ្សារណាត់ដើមពុទ្រា សង្កាត់-ក្រុងប៉ោយប៉ែត ខេត្តបន្ទាយមានជ័យ ក្រុមសមត្តកិច្ច បានចុះស៊ើបអង្កេត ដល់ទីតាំង តែម្ដង។ ប៉ុន្តែម្ចាស់ទីតាំង មិនចូលរួមសហការហើយបានចាក់បិទសោរ រួចគេចខ្លួនបាត់ទៅ។ ភ្លាមៗកម្លាំងជំនាញបានព្យាយាមទាក់ទងទៅម្ចាស់ទីតាំងជាច្រើនលើក ប៉ុន្តែមិនមានការឆ្លើយតបនោះទេ ទេីប លោក ស៊ិន ពិសុទ្ធ ព្រះរាជអាជ្ញារងអមសាលាដំបូងខេត្ត បានសម្រេចបញ្ជាឱ្យកាត់សោរទំលុះ ដើម្បីបើកត្រួតពិនិត្យទំនិញជាក់ស្ដែងតែម្តង។
ក្រោយធ្វើការត្រួតពិនិត្យជាក់ស្ដែង កម្លាំងជំនាញ រកឃើញទីតាំងស្តុកទុក និងចែកចាយគ្រឿងសំអាង ពីរកន្លែងនេះបានស្តុកទុកផលិផលរួមមាន៖ ចំនួន ១១៧ មុខ ស្មើនឹង ១៤២កេស និងសម្ភារ: ផលិតគ្រឿងសំអាង និងទំនិញមួយចំនួនទៀត។ មន្ត្រីជំនាញ បានគូសបញ្ជាក់ទៀតថា៖ ទីតាំងស្តុកទុក និងចែកចាយគ្រឿងសំអាង ពីរកន្លែងនេះ គឺមិនមានស្លាកសញ្ញា យីហោ ផលិតផល មិនបានចុះបញ្ជី (លេខប្រវេទន៍) ក្លែងបន្លំពាណិជ្ជសញ្ញា ម៉ាកពាណិជ្ជកម្ម របស់សហគ្រាស មួយផ្សេងទៀត មិនមានច្បាប់អាជីវកម្ម គ្មានច្បាប់ស្តុកទុក គ្មានប័ណ្ណពន្ធប៉ាតង់ ការរក្សាទុកផលិតផល ម្ហូបអហារ ពុំមានស្តង់ដាត្រឹមត្រូវ៕