វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2902 នាក់
ម្សិលមិញ 5378 នាក់
សរុប 14082195 នាក់
សៀមរាប៖ស្ត្រីម្នាក់ត្រូវអតីតប្តីបើកម៉ូតូកង់បី(PassAPP)ដេញបុកនិងចាក់មួយកាំបិត បណ្តាលឲ្យរងរបួស រួចរត់គេចខ្លួនបាត់កាលពីវេលាម៉ោង៩និង៣០នាទីយប់ថ្ងៃទី៦ខែមេសាឆ្នាំ២០២១ ស្ថិតនៅមុខកន្លែងលក់ផ្លែឈើ ផ្សារលើធំថ្មី ក្នុងភូមិដកពោធិ សង្កាត់ស្លក្រាម ក្រុង/ខេត្តសៀមរាប។
ប្រជាពលរដ្ឋជិតខាងបានឲ្យដឹងថា មុនកើតហេតុ គេឃើញបុរសម្នាក់បានអង្គុយ ក្នុង(PassAPP) ចតនៅមុខកន្លែងលក់ផ្លែឈើ ផ្សារលើធំថ្មី ។បន្ទាបមកមានស្ត្រីម្នាក់និងក្មេងស្រីម្នាក់ ជិះម៉ូតូ មកដល់កន្លែងលក់ផ្លែឈើ ហើយបុរសដែលអង្គុយលើ(PassAPP) នោះក៏បើកចេញមកដេញ បុកស្ត្រី ពេញផ្សារលើធំថ្មី រួចចត (PassAPP) ចោល។បន្ទាប់មកបុរសនោះទាញកាំបិតចិតបន្លែ ចាក់មកលើស្ត្រីនោះចំនួន២ កាំបិត ចំពោះ ខាងក្រោមដោះ ផ្នែកខាងស្តាំ បណ្តាលឲ្យរបួសធ្ងន់ ត្រូវបានប្អូនស្រី ដឹកយកទៅសង្គ្រោះនៅមន្ទីរពេទ្យឯក ជន ស៊ឹង រិទ្ធី រ៉េត។
សមត្ថកិច្ចបានឲ្យដឹងថា ករណីហឹង្សា នេះ បានកើតឡើងរវាង ប្តី ប្រពន្ធ ដោយប្តី បានយកកូនកាំបិត មកចាក់ប្រពន្ធ បណ្តាលឲ្យរបួសធ្ងន់ ហើយទុក(PassAPP) ពាក់ស្លាកលេខសៀមរាប ១.AF.៨៨០៣ នៅកន្លែងកើតហេតុ រួចយកម៉ូតូរបស់ប្រជាការពារភូមិ យកទៅទុកនៅផ្ទះរបស់ខ្លួនក្នុងភូមិខា្នរ សង្កាត់ជ្រាវ ហើយយករថយន្ត ឡុច ស៊ីស RX300 ពណ៌ស ពាក់ស្លាកលេខសៀមរាប ២.C៧១៧៣ បើកចេញដោយសុវត្ថិភាព។សមត្ថកិច្ចប្រាប់ថា ជនបង្កឈ្មោះ តាំង លាប ភេទប្រុសអាយុ៣៧ឆ្នាំមានស្រុកកំណើតនៅខេត្តកំពង់ចាម។បច្ចុប្បន្នរស់នៅភូមិខ្នារ សង្កាត់ជ្រាវ ក្រុង/ខេត្តសៀមរាប។
ចំណែក ស្ត្រី ជនរងគ្រោះ មានឈ្មោះ លាន ប៊ុន ណាត អាយុ៣៥ឆ្នាំរស់នៅភូមិ សង្កាត់ជាមួយគ្នា ហើយមានកូនចំនួន២ នាក់(ស្រីម្នាក់និងប្រុសម្នាក់ រីឯ កូន ទាំងនាក់រស់នៅជាស្ត្រីរងគ្រោះដែលបានលែងលះគ្នាជាង១ឆ្នាំហើយ។ជនបង្កជាអតីប្តីបានព្យាយាមសុំត្រូវរ៉ូវគ្នាជាមួយប្រពន្ធវិញ។តែភាគីខាងស្រីមិនព្រម ទើបកើតជារឿងទំនាស់រហូតបង្កហិង្សានេះឡើង។ បច្ចុប្បន្នកម្លាំងជំនាញកំពុងសហការគ្នា ស្វែងរកតាមចាប់ខ្លួនជនបង្កដើម្បីយកមកផ្តន្ទាទោស ទៅតាមផ្លូវច្បាប់៕