វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2226 នាក់
ម្សិលមិញ 9706 នាក់
សរុប 14080469 នាក់
ព្រៃវែង៖ នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានសម្រេចដាក់វិន័យកងកម្លាំងនគរបាលជាតិ នៃស្នងការដ្ឋាននគរបាលខេត្តព្រៃវែង ចំនួន៧នាក់ ដែលបានប្រព្រឹត្តខុសពីវិន័យ និងវិជ្ជាជីវៈកងកម្លាំងនគរបាលជាតិ ដោយផ្អាកការងារជាបណ្តោះអាសន្ន។
យោងតាមសេចក្តីសម្រេចរបស់ក្រសួងមហាផ្ទៃ ចុះថ្ងៃទី២៧ ខែកក្កដា ឆ្នាំ២០២០នេះបានឲ្យដឹងថានាយនគរបាលខេត្តព្រៃវែង ទាំង ៧ នាក់ ដែល ឯកឧត្ដមនាយឧត្ដមសេនីយ៍សន្តិបណ្ឌិត នេត សាវឿន ផ្អាកការងារបណ្ដោះអាសន្នដោយសារពាក់ពន្ធ័វាយដំជម្រិតយកលុយ៤លានរៀលពីប្រជាពលរដ្ឋ ៖
១- លោកឧត្ដមសេនីយ៍ត្រី ថោង វណ្ណឌី ស្នងការរង នគរបាលខេត្តព្រៃវែង ទទួលបន្ទុកគ្រឿងញៀន ។ ២- លោកវរៈសេនីយ៍ឯក ពៅ ជីវ័ន ប្រធានការិយាល័យប្រឆាំងគ្រឿងញៀន នៃ ស្នងការដ្ឋាននគរបាលខេត្តព្រៃវែង ។
៣- លោកអនុសេនីយ៍ឯក ទូច ធារ៉ា អនុប្រធានការិយាល័យប្រឆាំងគ្រឿងញៀន នៃ ស្នងការដ្ឋាននគរបាលខេត្តព្រៃវែង ។ ៤- លោកអនុសេនីយ៍ឯក ស៉ី បូ ប្រធានផ្នែក ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តព្រៃវែង ។ ៥- លោកអនុសេនីយ៍ឯក ហេង ចាន់រតនា មន្ត្រី ការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តព្រៃវែង ។
៦- លោកអនុសេនីយ៍ឯក សៀក ចាន់ធឿន មន្ត្រី ការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តព្រៃវែង ។ ៧- លោកអនុសេនីយ៍ទោ យុន តារាភ័ស្ត មន្ត្រី ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តព្រៃវែង ។
សូមបញ្ជាក់ថាកាលពីថ្ងៃទី២០ ខែកក្កដា វេលាម៉ោង ២០ និង ៣០នាទី កម្លាំងជំនាញនៃស្នងការដ្ឋាននគរបាលខេត្តព្រៃវែងបានចុះធ្វើសកម្មភាពបង្ក្រាបបទល្មើសជួញដូរគ្រឿងញៀនមួយករណីយ៍ នៅចំណុចមុខក្លោងទ្វាវត្តរោងដំរី ស្ថិតនៅភូមិ៦ សង្កាត់កំពង់លាវ ក្រុង-ខេត្តព្រៃវែង បានឃាត់ខ្លួនមុខសញ្ញាសង្ស័យប្រើប្រាស់គ្រឿងញៀនចំនួន០២នាក់ដោយប្រើអំពើហិង្សាបង្កឲ្យមានរបួសស្នាម។ ហើយក្រោយមកបានប្រគល់ជនទាំង០២នាក់នោះឲ្យឱពុក-ម្តាយដើម្បីយកទៅគ្រប់គ្រង និងអប់រំបន្តជាថ្នូរនិងសេវា។
នៅរសៀលថ្ងៃទី២៦ ខែកក្តដា ឆ្នាំ២០២០ លោកឧត្តមសេនីយ៍ ព្រុំ សន្ធរ ស្នងការនៃស្នងការដ្ឋាននគរបាលខេត្តព្រៃវែង តំណាង ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានចុះផ្ទាល់ដើម្បីធ្វើការសុំអភ័យទោស និងនាំយកថវិកាទៅប្រគល់ជូនក្រុមគ្រួសារទាំង០៦ ស្ថិតនៅភូមិអណ្តូង ឃុំមេសរប្រចាន់ ស្រុកពារាំង ខេត្តព្រៃវែង ដែលពាក់ព័ន្ធនឹងករណីនគរបាលខេត្តព្រៃវែងបង្ក្រាបអ្នកប្រើប្រាស់គ្រឿងញៀន រួចដោះលែងត្រឡប់ទៅផ្ទះវិញជាថ្នូរនិងការទទួលប្រាក់។