វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4181 នាក់
ម្សិលមិញ 5304 នាក់
សរុប 14143707 នាក់
ភ្នំពេញ៖ងើបពីដេកស្រវឹងខឹងប្រពន្ធមិនទៅយកទឹកឲ្យច្រះ ព្រលះប្រពន្ឋដែលមានជម្ងឺលើសឈាមផងមួយជើងចំចង្កេះ ប្រកាចស្លាប់ភ្លាមៗប៉េអឹមពោធិសែនជ័យវ៉ៃខ្នោះបានស្រណោះខ្លួន.។
ហេតុការណ៍ខាងលើនេះបានកើតឡើងតាំងពីវេលាម៉ោង២និង៣០នាទីរសៀលថ្ងៃទី២៦ ខែកក្កដាឆ្នាំ ២០២០ នៅក្នុងការដ្ឋានសំណង់មួយកន្លែង មានទីតាំងស្ថិតនៅក្នុងភូមិក្រាំងដូនទៃ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ រហូតដល់វេលាម៉ោងជិត៦ល្ងាចថ្ងៃដដែលទើបមានការភ្ញាក់ផ្អើលដល់កម្លាំងកងរាជអាវុធហត្ថខណ្ឌពោធិ៍សែនជ័យចុះទៅឃាត់ខ្លួនជនសង្ស័យជាប្ដីនាំទៅសាកសួរនិងចាត់ការតាមច្បាប់។ករណីនេះ បុរសជាប្តីបានឆ្លើយបដិសេធថា ខ្លួនមិនបានវាយទាត់ធាក់នោះទេ គឺស្ត្រីជាប្រពន្ធដួលបាត់បង់ជីវិតដោយខ្លួនឯង?។
ជនសង្ស័យជាប្តីឈ្មោះឆែម ងិហ៍ អាយុជាង៣០ឆ្នាំ មុខរបរកម្មកសំណង់ ចំណែកស្ត្រីជាប្រពន្ធឈ្មោះ សុខ ឃុន អាយុ៣៩ឆ្នាំ មុខរបរកម្មកសំណង់ ហើយអ្នកទាំងពីររស់នៅក្នុងភូមិកណ្តាល ឃុំផ្ទះរូង ស្រុកភ្នំក្រវាញ ខេត្តពោធិ៍សាត់ និងបានមកស្នាក់នៅធ្វើជាកម្មករសំណង់ក្នុងខ្ទមកើតហេតុខាងលើ។
មុនពេលកើតហេតុ ជនសង្ស័យជាប្ដីបានចេញទៅផឹកស៊ីជាមួយមិត្តភក្កិនៅខាងក្រៅ រហូតដល់ស្រវឹងធ្លាក់ភ្នែកទើបវិលត្រឡប់ទៅកាន់ខ្ទមស្នាក់នៅវិញ រួចបានចូលដេកទាំងថ្ងៃ លុះដល់វេលាម៉ោង២និង៣០នាទីរសៀលថ្ងៃកើតហេតុ ទើបភ្ញាក់ ហើយស្រេកទឹកមិនទៅដងផឹកដោយខ្លួនឯងនោះទេ បែរជាប្រើប្រពន្ធឲ្យទៅដងទឹកឲ្យផឹក ប៉ុន្តែប្រពន្ធមិនព្រមទៅ ជាហេតុធ្វើឲ្យជនសង្ស័យជាប្ដីផ្ទុះកំហឹងលោតធាក់១ជើងចំចង្កេះ បណ្ដាលឲ្យស្ត្រីរងគ្រោះជាប្រពន្ធដួលប្រកាច់សន្លប់បាត់មាត់ឈឹង។
ប្រភពពីអ្នកជិតខាង ក្រោយពេលឃើញប្រពន្ធសន្លប់ ជនសង្ស័យជាប្តីបានលើកប្រពន្ធដាក់លើភ្លៅ ហើយខំប្រឹងធ្វើចលនាបេះដូងសង្គ្រោះបឋម ប៉ុន្តែនាងមិនបានដឹងខ្លួនឡើយ ទើបស្រែកហៅអ្នកជិតខាងឲ្យជួយនាំយកប្រពន្ធទៅកាន់មន្ទីរពេទ្យដើម្បីជួយសង្គ្រោះបន្ទាន់។ លុះពេលទៅដល់មន្ទីរពេទ្យ គ្រូពេទ្យមិនអាចជួយសង្គ្រោះបានឡើយហើយស្ត្រីជាប្រពន្ធក៏បានបាត់បង់ជីវិតទៅហើយ.។ពេលកម្លាំងកងរាជអាវុធហត្ថខណ្ឌពោធិ៍សែនជ័យ បានចុះទៅធ្វើការឃាត់ខ្លួនបុរសជាប្ដីកូននិងសាច់ញាតិសុំអង្វរកុំឲ្យចាប់ដែរតែមិនអាចធ្វើបានព្រោះជាបទល្មើស.។