វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1641 នាក់
ម្សិលមិញ 5020 នាក់
សរុប 14117088 នាក់
ភ្នំពេញ៖បុរសម្នាក់បានសម្រចចិត្តធ្វើអត្តឃាតដោយលោតសម្លាប់ខ្លួនពីរលើក កាលពីវេលាម៉ោង ៣ និង៣០នាទី ទៀបភ្លឺឈានថ្ងៃទី៣ ខែកុម្ភ: ឆ្នាំ២០២០ ត្រង់ចំណុចទីតាំងសិប្បកម្មនំប៉័ង ទី ចាន់ថា ភូមិដើមអំពិល១ សង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ។
បុរសដែលអស់សង្ឃឹមក្នុងជីវិតមានឈ្មោះ ពេជ្រ គឹមហុង ភេទប្រុស អាយុ៣២ឆ្នាំ មុខរបរបុគ្គលិកលក់នំប៉័ងខាងលើ ស្នាក់នៅទីតាំងកន្លែងកើតហេតុ និងមានស្រុកកំណើតនៅភូមិអង្គ ស្រុកបរិបូណ៌ ខេត្តកំពង់ឆ្នាំង។បើតាមប្រភពពីអ្នដែលស្និតជាមួយជនរងគ្រោះបានបង្ហើបថា ជនរងគ្រោះសង្ស័យមានវិបត្តិផ្លូវចិត្ត ដោយសារជនរងគ្រោះ ជិតដល់ថ្ងៃឡើងតុលាការ ដើម្បីផ្តិតមេដៃ លែងលះជាមួយប្រពន្ធ។
កន្លែងមកជនរងគ្រោះ ធ្លាប់បានប៉ុនប៉ងលោតសម្លាប់ខ្លួនម្ដងរួចមកហើយ តែមិនសម្រេច ត្រូវគេជួយឃាត់ទាន់។ តែលើកនេះ ជនរងគ្រោះ បានធ្វើអត្តឃាតលោតពីលើទីតាំងសិប្បកម្មធ្វើនំបុ័ងម្ដងទៀត។មិត្តភក្រ័បានឃើញ នាំជួយបញ្ជូនទៅមន្ទីរពេទ្យបង្អែកមានជ័យដើម្បីសង្គ្រោះដែរ តែដោយសារស្ថានភាពធ្ងន់ធ្ងរពេក លោកគ្រូពេទ្យ បញ្ជូនបន្តទៅមន្ទីរពេទ្យរុស្ស៊ី ក៏ស្លាប់តាមផ្លូវទៅ។
សមត្ថកិច្ចដែលបាន ចុះដល់ទីតាំងខាងលើ ដើម្បីត្រួតពិនិត្យ សន្និដ្ឋានថា ជនរងគ្រោះ ពិតជាស្លាប់ដោយសារធ្លាក់ពីលើផ្ទះជាន់ទី២ប្រាកដមែន រួចក៏ប្រគល់សពឲ្យក្រុមគ្រួសារ យកទៅធ្វើបុណ្យតាមប្រពៃណី៕