អភិបាលរងស្រុកជុំគិរី ទៅរៀបការប្រពន្ធថ្មី ខណៈមិនទាន់លែងលះដាច់

ច្រកទ្វារព្រំដែន ប៉ែកខាងកើត ( កម្ពុជា-វៀតណាម ) ប្រជា ពលរដ្ឋខ្មែរសប្បាយនឹងការលេងល្បែងសុីសងជល់មាន់យ៉ាងគគ្រឹកគគ្រេងក្នុងកាសុីណូ Casino Hotel Hero 777 ឯ ច្រកទ្វារព្រំដែនប៉ែកខាងលិច ( កម្ពុជា- ថៃ )ប្រជាពលរដ្ឋ ភ័យព្រួយនឹងការផ្ទុះអាវុធបាញ់ប្រយុទ្ធគ្នារវាងកងទ័ពថៃ និង កងទ័ពខ្មែរ

ក្រុមហ៊ុនវិនិយោគមួយបានអាជ្ញាបណ្ណគ្រោងបូមខ្សាច់ព្រែកកោះប៉ោតែអាជ្ញាធររសើបកោះប្រជុំជាមួយពលរដ្ឋសិន

បទបញ្ជារបស់នាយករដ្ឋមន្ត្រី ស្តីពីការប្រឆាំងនឹងល្បែងសុីសងគ្រប់ប្រភេទ មិនត្រូវបានអាជ្ញាធរ និងសមត្ថកិច្ចខេត្តព្រៃវែង យកមកអនុវត្តតាមទេ ?

មន្ត្រីនគរបាល២នាក់ ម្នាក់ជាអធិការរងនគរបាលស្រុកបវេល ត្រូវតុលាការឃុំខ្លួន ពាក់ព័ន្ធដោះលែងជនជាតិថៃជាថ្នូរលុយរាប់ម៉ឺនដុល្លារ

ខុសពីក្រុមសកម្មជនការពារព្រៃឈើក្រសួងព័ត៌មានមិនទទួលស្គាល់សកម្មភាពឈ្មោះ អ៊ុក ម៉ៅ ដែលចេញមុខការពារបរិស្ថាន!

ដីព្រៃជាច្រើនហិកតាត្រូវបានក្រុមមន្ត្រីបរិស្ថានដែនជម្រកសត្វព្រៃស្រែវាលនិងបក្ខពួកឃុបឃិតជាមួយឈ្មួយទន្ទ្រានធ្វើជាកម្មសិទ្ធ?

ជាច្រើនទៀត

ចំនួនអ្នកទស្សនា

ថ្ងៃនេះ 511 នាក់

ម្សិលមិញ 6243 នាក់

សរុប 16966732 នាក់

សម្ដេច ស ខេង៖ អាជ្ញាធរត្រូវទទួលយកព័ត៌មានរិះគន់ និងសរសើរឲ្យតែវាពិត ដើម្បីដោះស្រាយ

21-May-2025 / ផ្សេងៗ

ខេត្តប៉ៃលិន៖នាព្រឹកថ្ងៃទី២១ ខែធ្នូ ឆ្នាំ២០២០សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានណែនាំទៅដល់អាជ្ញាធរពាក់ព័ន្ធទូទាំងប្រទេសថា ត្រូវតែទទួលយកព័ត៌មានតិទៀន និងព័ត៌មានសរសើរ ដើម្បីជាមូលដ្ឋានគ្រឹះក្នុងការដោះស្រាយជូនប្រជាពលរដ្ឋឱ្យមានប្រសិទ្ធភាព និងតម្លាភាព ជាពិសេស អាជ្ញាធរគ្រប់ជាន់ថ្នាក់ ត្រូវបកស្រាយបំភ្លឺជូនប្រជាពលរដ្ឋឱ្យបានទាន់ពេលវេលាចំពោះការផ្សព្វផ្សាយព័ត៌មានមិនពិត។នេះបើយោងតាមការផ្សាយរបស់នាយកដ្ឋានព័ត៌មានវិទ្យា នៃក្រសួងមហាផ្ទៃ។ a kheng palin

ក្នុងពិធីប្រកាសចូលកាន់មុខតំណែង អភិបាល នៃគណៈអភិបាលខេត្តប៉ៃលិន នៅសាលាខេត្តប៉ៃលិន សម្ដេចក្រឡាហោម ស ខេង ក៏បានណែនាំដល់អាជ្ញាធរគ្រប់ជាន់ថ្នាក់ ត្រូវយកចិត្តទុកដាក់អប់រំ និងបកស្រាយបំភ្លឺជូនប្រជាពលរដ្ឋឱ្យបានទាន់ពេលវេលាចំពោះការបំផុសបំផុល ផ្សព្វផ្សាយព័ត៌មានមិនពិត និងសកម្មភាពផ្សេងៗ ដែលមានចរិតអុជអាល បង្កឲ្យមានហិង្សាក្នុងសង្គម។

សម្ដេចក្រឡាហោម «យើងដឹងទាំងអស់គ្នាហើយថា មជ្ឈដ្ឋានប្រឆាំង តែងតែយកបញ្ហានេះដើម្បីលើកឡើង ផ្សព្វផ្សាយអំពីការរារាំងសិទ្ធិសេរីភាពក្នុងការបញ្ចេញមតិ។ ការពិតទៅដូចដែលយើងបានដឹងទាំងអស់គ្នាហើយ ផ្អែកតាមរដ្ឋធម្មនុញ្ញជាច្បាប់គោល ហើយច្បាប់ផ្សេងទៀត ដូចជា ច្បាប់សារព័ត៌មានជាដើម គឺមិនមានគោលបំណងដើម្បីនឹងបិទសេរីភាពបញ្ចេញមតិអ្វីទេ បញ្ហាធំបំផុតគឺយើងចង់បានមតិពិត។ មតិពិត មានន័យថា ជាមតិលើកសរសើរផង និងមតិរិះគន់ផង ប៉ុន្ដែយើងមិនចង់បានមតិ ដែលក្លែងក្លាយនោះទេ។ មតិមិនពិត ក្លែងក្លាយ មានន័យថា ការប្រឌិត ញុះញង់ ថាឲ្យតែបានទៅ គ្មានការទទួលខុសត្រូវ»។

សម្ដេចក្រឡាហោម បន្ដថា នៅលើសកលលោកប្រហែលជាមិនត្រូវការព័ត៌មានមិនពិតឡើយ ព្រោះថា យកទៅប្រើប្រាស់មិនកើតឡើយ ចង់បានតែព័ត៌មានពិត ដើម្បីងាយស្រួលធ្វើការងារអ្វីមួយជូនប្រជាពលរដ្ឋ។សម្ដេចថា អាជ្ញាធរគ្រប់ថ្នាក់ ត្រូវយកចិត្តទុកដាក់គ្រប់គ្រងដោះស្រាយជម្លោះ និងការទាមទារតវ៉ានានាប្រកបដោយសន្តិវិធី ផ្អែកលើគោលការណ៍ច្បាប់ និងត្រូវជៀសវាងដាច់ខាតនូវអំពើហិង្សាតាមគ្រប់រូបភាពផងដែរ។

សម្ដេចក្រឡាហោម ស ខេង បញ្ជាក់ថា «សូមកុំភ្លេចថា ព័ត៌មានពិត ទាល់តែគេសរសើរយើង បានយើងថា អាណុងជាព័ត៌មានពិត។ ដល់គេតិទៀនយើង តែជាព័ត៌មានពិត បែរជាយើងថា ជាព័ត៌មានមិនពិតនោះទេ។ ការពិតយើងចង់បាន អាសរសើរក៏យើងចង់បាន អាមិនសរសើរក៏យើងចង់បាន ប៉ុន្តែឲ្យវាពិត។ កាលណា យើងចូលចិត្តតែស្តាប់ការសរសើរ មិនចូលចិត្តស្តាប់ការរិះគន់ ប្រែមកថា មិនពិត មានន័យថាម៉េច? ព្រោះមនុស្សម្នាក់ៗ គ្មាននរណាម្នាក់ ធ្វើល្អឥតខ្ចោះទេ ធ្វើត្រូវទាំងអស់ទេ»។