វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4275 នាក់
ម្សិលមិញ 10264 នាក់
សរុប 14143457 នាក់
ភ្នំពេញ៖ មជ្ឈមណ្ឌលសកម្មភាពកំចាត់មីនកម្ពុជា (CMAC)បានឱ្យដឹងថា៖ មេពូជសុនខ នៃអង្គភាពសុនខស៊ីម៉ាក់ នៅដើមសប្តាហ៍ខែកុម្ភៈនេះ បានផ្តល់កំណើតដល់ទៅ ៤សំបុក ដែលមានកូនសុនខ សរុបចំនួន ៣៤ក្បាល។
ពួកគេទាំង ៣៤ក្បាល មានសុខភាពល្អទាំងអស់ និងកំពុងទទួលការថែទាំ ថ្នាក់ ថ្នម ពីសំណាក់អ្នកជំនាញ ថែទាំ និង ហ្វឹកហាត់សុនខ។លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៊ីម៉ាក់) បានបញ្ជាក់នៅលើបណ្ដាញសង្គមហ្វេសប៊ុកផ្ទាល់ខ្លួននៅថ្ងៃអង្គារទី១៥ ខែកុម្ភៈ ឆ្នាំ២០២២នេះថា៖ កូនសុនខចំនួន ៣៤ ក្បាល ដែលមានសុខភាពល្អ នឹងអាចហ្វឹកហ្វឺន ឱ្យក្លាយជាអ្នកចម្បាំង ដើម្បីសុខសុវត្ថិភាព សង្គមមនុស្ស។ ហើយសុនខទាំងនេះ ជាកូនពូជអ្នកចម្បាំង ជាមួយគ្រាប់មីន និងសំណល់យុទ្ធភណ្ឌសង្គ្រាម។
មជ្ឈមណ្ឌលសកម្មភាពកំចាត់មីនកម្ពុជា បានឲ្យដឹងទៀតថា៖ « កូនសុនខជំនាន់ថ្មីនេះ នឹងក្លាយជាអ្នកបន្តវេន នៃពូជអ្នកចម្បាំង ដើម្បីសេចក្តីសុខ សុវត្ថិភាព ជូនប្រជាពលរដ្ឋកម្ពុជា ដែលកំពុងរស់នៅ ក្នុងតំបន់គំរាមកំហែង ដោយសារសំណល់ យុទ្ធភណ្ឌសង្គ្រាម»។គួរជម្រាបថា ការដោះមីន ដោយសុនខ មានប្រសិទ្ធភាពខ្ពស់ ជាងឧបករណ៍រាវរក ដោយសារឧបករណ៍រាវរក បានជួបនូវបញ្ហា នៅពេលប៉ះអំបែងដែកផ្សេងៗ តែបើសុនខ នៅពេលវាជួបគ្រាប់មីន បានវាកាយរក ព្រោះវាហិតតែជាតិរំសេវប៉ុណ្ណោះ។ ក្នុងសុនខ មួយក្បាល វាអាចរាវរកមីនបាន ក្នុងផ្ទៃដីពី ២០០០-៣០០០ ម៉ែត្រការ៉េ៕