វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 744 នាក់
ម្សិលមិញ 5378 នាក់
សរុប 14080037 នាក់
ប៉ៃលិន៖ កាលពីថ្ងៃទី១៧ ខែមេសា ឆ្នាំ២០២០ វេលាម៉ោង ១៤និង០០នាទីមានកិច្ច ប្រជុំពិភាក្សារវាងលោក ផាន់ ចាន់ធុលអភិបាលខេត្តប៉ៃលិន និងឯកឧត្តម វិធូឡាត់ ស៊ីណាម អភិបាលខេត្តច័ន្ទបូរី ស្តីអំពីការងារសុំបើកច្រក ឲ្យមានដំណើរការទំនិញចេញ-ចូល នៅសាលាស្រុកពោងណាមរ៉ន ខេត្តច័ន្ទបូរី ប្រទេសថៃ។
កិច្ចប្រជុំនេះមានការចូលរួមពីលោកវរសេនីយ៍ទោ ផាត់ វីរៈ នាយប៉ុស្តិ៍នគរបាលច្រកទ្វារព្រំដែនអន្តរជាតិព្រំប្រធានសាខាគយ និងរដ្ឋករខេត្តប៉ៃលិន, ប្រធានទីស្នាក់ការច្រកទ្វារព្រំដែនអន្តរជាតិព្រំ ប្រធានមន្ទីរពាណិជ្ជកម្ម ផងដែរ។
ប្រភពពីអគ្គនគរបាលអន្តោរប្រវេសន្ត៍លោកអភិបាលខេត្តប៉ៃលិន បានលើកសូមណូមពរ ដល់ភាគីថៃឲ្យដំណើរការបើកច្រកទ្វារ ដើម្បីនាំកសិផល និងទំនិញចេញ-ចូល ។ឯកឧត្តមអភិបាលខេត្តច័ន្ទបូរី បានឆ្លើយតបនូវសំណូមពរ របស់ភាគីកម្ពុជា ដោយផ្អែកលើគោលការណ៍ក្រសួងមហាផ្ទៃ នៃព្រះរាជាណាចក្រថៃនៅបន្តអនុវត្តក្នុងខេត្តមួយ ត្រូវឲ្យដំណើរការមធ្យោបាយ ទំនិញចេញ-ចូលតែមួយច្រក។
លោកអភិបាលខេត្តច័ន្ទបូរីបានបញ្ជាក់ថា ប្រសិនបើស្ថានភាពជម្ងឺកូវីដ១៩ មានការធូរស្រាល និងមានការជូនដំណឹងនៅថ្ងៃទី៣០ ខែមេសា ឆ្នាំ២០២០ អំពីការដំណើរការបើកច្រកទ្វារអន្តរជាតិ បាន ផាកាត និងច្រកទ្វារព្រំដែនអន្តរជាតិព្រំឡើងវិញ ចំពោះតែមធ្យោបាយដឹកទំនិញកសិផលផ្សេងៗ។
ដោយឡែកនៅខេត្តបាត់ដំបងវិញអាជ្ញាធរខេត្តស្រះកែវ(ថៃ) បានស្នើសុំអាជ្ញាធរខេត្តបាត់ដំបង(កម្ពុជា) ដើម្បីសម្របសម្រួល បើកប្រើប្រាស់ច្រកអន្តរជាតិខៅឌីន ឬច្រកភ្នំដីគីឡូ១៣ ស្រុកសំពៅលូន ។គោលបំណងចម្បងរបស់ខាងភាគីខថៃ ដើម្បីតែការនាំចេញនូវសត្វជ្រូក តាមច្រកទ្វារព្រំដែនអន្តរជាតិ “បានខៅឌីន” ស្រុកខ្លងហាត (ថៃ) និង”ច្រកភ្នំដី-គីឡូ១៣” ស្រុកសំពៅលូន (កម្ពុជា)តែប៉ុណ្ណោះ។
កន្លងមកអភិបាលខេត្តស្រះកែវ និងជាប្រធានគណៈបញ្ជាការស្ថានការណ៍ ក្នុងគ្រាអាសន្ននៃខេត្តស្រះកែវ និងតាមការឯកភាព របស់ គណៈកម្មការរោគឆ្លងខេត្តស្រះកែវ បានលុបចោលនូវបទបញ្ជារបស់ខ្លួន និងបានកំណត់ឲ្យប្រើប្រាស់នូវឃ្លាខាងក្រោម ដោយកំណត់ឲ្យ ស្រុកខ្លងហាត ខេត្តស្រះកែវ ដែលមានច្រកទ្វារអន្តរជាតិខៅឌីន ត្រូវបានលើកលែងឲ្យឆ្លងកាត់ ចាប់ពីថ្ងៃចន្ទដល់ថ្ងៃសុក្រ ពីម៉ោង៦ព្រឹកដល់ម៉ោង១២ថ្ងៃត្រង់ ដោយកំណត់និងអនុញ្ញាត ទី១-រថយន្តដឹកញ្ជូនសត្វជ្រូកនិងមនុស្សតែ១នាក់ ប្រចាំរថយន្តដឹកសត្វជ្រូក ដោយត្រូវអនុវត្តតាមវិធានការ ការពាររោគឆ្លងរបស់ក្រសួងសុខាភិបាល និងច្បាប់ពាក់ព័ន្ធក្នុងការដឹកជញ្ជូន។