វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2249 នាក់
ម្សិលមិញ 5544 នាក់
សរុប 13943346 នាក់
ភ្នំពេញ៖ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី១៤មិថុនានេះបានទទួលជួបក្រៅផ្លូវការជាមួយ នាយកក្រុមហ៊ុន យ៉ាម៉ាតូ ហ្គ្រិន ( Yamato Green) នៅទៅស្តីការក្រសួង ពាក់ព័ន្ធនឹងគម្រផងផែនការដាំដំណាំកញ្ឆាសុខភាព នៅស្រុកខ្មែរបន្ថែមវិស័យផលិតកម្មកសិកម្មផ្សេងទៀតជាច្រើន។សូមបញ្ជាក់ថាស្រុកខ្មែរដំកញ្ឆាជាអំពោះខុសច្បាប់។
នៅលើបណ្តាញសង្គមលោក វេង សាខុន បានឲ្យដឹងថា ខាងក្រុម ហ៊ុនបានលើកយកមកពិភាក្សាថារុក្ខជាតិកញ្ឆា ជាប្រភេទរុក្ខជាតិឱសថសម្រាប់ បម្រើឲ្យវិស័យសុខាភិបាល ដោយដំណាំនេះ គេយកគ្រាប់វា មិនមែនស្លឹក ធ្វើជាឱសថ។លោកបានបន្តថា មានក្រុមហ៊ុនជាច្រើនចាប់អារម្មណ៍ធ្វើការវិនិយោគនៅកម្ពុជា ដោយនាំយកពូជពីសហរដ្ឋអាមេរិក នឹងនាំផលិតផលសម្រេចទៅប្រទេសអាមេរិក និងជប៉ុន។ ក្រុមហ៊ុនបានបញ្ជាក់បន្ថែមថា បច្ចុប្បន្នមានប្រទេសថៃ និងកូរ៉េ បានទទួលការអនុញ្ជាតឲ្យធ្វើការដាំដុះ និងកែច្នៃ ហើយត្រូវបាននាំចេញទៅ សហរដ្ឋ អាមេរិក និងជប៉ុនក្នុងលក្ខខណ្ឌចុះកិច្ចសន្យាតាមបែបបច្ចេកទេស និងវិទ្យាសាស្ត្រ។
លោក រដ្ឋមន្ត្រី បានទទួលយកផែនការវិនិយោគដាំដំណាកញ្ឆាមកពិចារណាជាបឋម និងបានស្នើ ឲ្យក្រុមហ៊ុនសហការជាមួយក្រសួងពាក់ព័ន្ធ រួមជាមួយក្រសួងកសិកម្មផងដែរ ក្នុងការដាំដុះក្នុងទំហំដីកំណត់ត្រឹមត្រូវ ច្បាស់ លាស់មួយក្នុងស្ថានីយ ឬមណ្ឌល ស្រាវជ្រាវកសិកម្ម ដើម្បីជាភស្តុតាងខាងផ្នែកវិទ្យាសាស្ត្រ មុនដាក់សំណើជូន រាជរដ្ឋាភិបាលពិនិត្យសម្រេច។
ក្រៅពីនេះដោយយល់ឃើញថាដើម្បីពង្រីកទំហំការងារ និងពង្រីកកិច្ចសហការលើការងារផលិតកម្មបន្លែ និងផ្លែឈើ ក្រុមហ៊ុន Yamato Green បានឲ្យដឹងថាក្រុមហ៊ុនមានបំណងចងសម្ព័ន្ធភាព និងចុះហត្ថលេខា MOU ជាមួយសម្ព័ន្ធកសិកម្មកម្ពុជា ក្នុងពេលឆាប់ៗខាងមុខ។ ពិធីនេះ ក្រុមហ៊ុនបានគោរពអញ្ជើញឯកឧត្តមរដ្ឋមន្ត្រីជាអធិបតី។
សំណើនេះ ឯកឧត្តមរដ្ឋមន្ត្រីបានស្វាគមន៍ និងទទួលយកយ៉ាងរីករាយ ហើយលោកបានជម្រាបជូនក្រុមហ៊ុនថា ក្នុងពេលអនាគតដ៏ខ្លីខាងមុខសម្ព័ន្ធកសិកម្មកម្ពុជាគ្រោងនឹងបើកស្នាក់ការកណ្តាលជាផ្លូវការ។ ព្រមជាមួយគ្នានេះ សម្ព័ន្ធកសិ-ឧស្សាហកម្មកម្ពុជា ដែលមានលោកឧកញ៉ា លី យ៉ុងផាត់ជាប្រធាន បាននិងកំពុងរៀបចំសេចក្តីព្រាង ដើម្បីបង្កើតនិងអាចដំណើរការជាផ្លូវការក្នុងពេលឆាប់ៗខាងមុខ ដោយមានការគាំទ្រដ៏ខ្ពង់ខ្ពស់ពីសម្តេចតេជោ ហ៊ុន សែន នាយករដ្ឋមន្ត្រី។