គយច្រកទ្វារអន្តរជាតិម៉ឺនជ័យនៅតែមានការ បើកដៃឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់?

ទិវាគ្រូបង្រៀន៥តុលារដ្ឋាភិបាលដាក់ចេញការពង្រឹងការងារខាងគ្រូក្រៅរដ្ឋាភិបាលសុំឲ្យគិតពីជីវភាពគ្រូនិងប្តឹងអន្តរជាតិរៀងទឹកដី!

បង្ក្រាបទីតាំង Online Scam នៅក្រុងប៉ោយប៉ែត ឃាត់ខ្លួនជនសង្ស័យជិត ៦០០នាក់ នៅព្រះសីហនុឃាំត់ខ្លួន៤៤នាក់

បន្ទាប់ពីចាប់ខ្លួនមន្ត្រីនគរបាលអន្តោប្រវេសន៍ព្រលានយន្តហោះនិងមេឃុំព្រែកខ្សាច់ACU រកឃើញមេខ្លោងឆបោកជនជាតិចិនម្នាក់ផ្ទេរលុយ ២៥០លានដុល្លារទៅគណនីគ្រីបតូក្រៅប្រទេស!

សហរដ្ឋអាមេរិកប្តេជ្ញាចិត្តក្នុងការរារាំង និងបង្ក្រាបបណ្តាញឧក្រិដ្ឋកម្មឆ្លងដែន និងប្រយុទ្ធប្រឆាំងនឹងការជួញដូរផលិតផលថ្នាំជក់ខុសច្បាប់!

អាមេរិករឹតបន្តឹងទិដ្ឋាការបុគ្គល៣២នាក់ពាក់ព័ន្ធដែលពាកពន្ធ័នឹង Prince Group របស់ Chen Zhiតែមិនប្រកាសឈ្មោះ

ធនាគារ ឈីហ្វដែលទើបសម្ពោធជាផ្លូវការទីស្នាក់ការកណ្ដាលថ្មី កាលពីឆ្នាំ២០២៥ត្រូវបានធនាគាជាតិដាក់ឲ្យស្ថិតនៅក្រោមការត្រួតពិនិត្យ៣ខែ!

ជាច្រើនទៀត

ចំនួនអ្នកទស្សនា

ថ្ងៃនេះ 12344 នាក់

ម្សិលមិញ 9639 នាក់

សរុប 20702515 នាក់

មេធាវីនិងសកម្មជនសិទ្ធមនុស្សចោទនីតិវិធីបំបែកសំណុំរឿងរបស់លាការលើអ្នកជាប់ចោទរឿងតំបន់ត្រីកោណថាបំណងអូសបន្លាយពេល

21-September-2026 / ព័ត៌មានជាតិ

ភ្នំពេញ៖តុលាការបំបែកសំណុំរឿងអ្នកជាប់ឃុំ៣៧នាក់ ពាក់ព័ន្ធការបញ្ចេញមតិរឿរឿជា ៥សំណុំរឿងផ្សេងគ្នាថាត្រូវបានក្រុមសិទ្ធមនុស្សនិងមឹធាវីចាតុកថា ជារឿងមិនត្រឹមត្រូវ នឹងធ្វើឱ្យប៉ះពាល់សិទ្ធិជនជាប់ចោទ។ ព្រោះរដ្ឋាភិបាលបានសម្រេចលុបចោលគម្រោង CCLVបាត់ហើយ!។ a court clv

សាលាដំបូងរាជធានីភ្នំពេញនៅថ្ងៃទី២៤ ខែធ្នូ បានបើកសវនាការលើសំណុំរឿងសកម្មជនសង្គម នយោបាយ និងប្រជាពលរដ្ឋចំនួន៣៧នាក់ ពីបទ«ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម» ពាក់ព័ន្ធការបញ្ចេញមតិរឿងកិច្ចសហប្រតិបត្តិការតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម (CLV-DTA) កន្លងទៅ។ ជនជាប់ចោទទាំងនោះ រួមមានសកម្មជនកិច្ចព្រមព្រៀងសន្តិភាពក្រុងប៉ារីស លោក ស្រ៊ុន ស្រ៊ន កញ្ញា ភឹង សោភា លោក សាន សិទ្ធិ និងមន្ត្រីជាន់ខ្ពស់គណបក្សកម្លាំងជាតិលោក ជិន ប៊ុណ្ណារ័ត្ន ជាដើម។

តុលាការបានសម្រេចប្តូរពីសវនាការជំនុំម្រះទៅជាសវនាការមុនអង្គសេចក្តីភ្លាមៗ ចំណែកសមត្ថកិច្ចមិនបានដឹកជនជាប់ឃុំឱ្យចូលរួមក្នុងសវនាការនោះទេ។ សវនាការដែលសួរដេញដោលពីនីតិធីលើបណ្តឹងរបស់តំណាងអយ្យការ ដែលស្នើសុំបំបែកសំណុំរឿង រយៈពេលមួយព្រឹកនេះ ក្រុមមេធាវីការពារក្តីឱ្យជនជាប់ចោទ បានវែកញែកផ្លូវច្បាប់ជាមួយតំណាងអយ្យការដែរ។ ប៉ុន្តែចៅក្រមបានសម្រេចបំបែកសំណុំរឿងមួយនេះ ជា៥សំណុំរឿងផ្សេងគ្នា តាមសំណើរបស់តំណាងអយ្យការ តែចៅក្រមទុកពេលឱ្យមេធាវីជនជាប់ចោទប្តឹងជំទាស់ ក្នុងករណីមិនយល់ស្របតាមការសម្រេចនេះ។

សហមេធាវីការពារក្ដីឱ្យសកម្មជន៦នាក់ក្នុងសំណុំរឿងព្រហ្មទណ្ឌដែលមានជនជាប់ចោទ៣៧នាក់ លោក សឺន ជុំជួន ប្រាប់កាសែតរ ថា លោកសោកស្ដាយដែលតុលាការលើកពេលសវនាការ លើអង្គសេចក្តី តែបែរជាលើកយកករណីរបស់កូនក្តីពួកលោក ដែលមានអង្គហេតុ និងបទចោទតែមួយ ទៅបំបែកជាច្រើនសំណុំរឿងទៅវិញ។លោក សឺន ជុំជួន៖ «អ្វីជាការកត់សម្គាល់របស់យើង គឺការស្នើសុំបំបែកសំណុំរឿងហ្នឹងហាក់ដូចជាភ្លាមៗពេក ដែលយើងកត់សម្គាល់ថា រឿងហ្នឹង វាគួរតែត្រូវបានបំបែកនៅក្នុងដំណាក់កាលចាប់ផ្តើមស៊ើបសួរ ឬដំណាក់កាលនៃការសន្និដ្ឋានជាស្ថាពរបញ្ជូនទៅជំនុំចម្រះហ្នឹងគួរតែមាននីតិវិធីហ្នឹងរួចហើយ មិនគួរមកលើកឡើងនៅពេលនីតិវិធីដែលជាសវនាការជំនុំជម្រះហ្នឹង ហើយ(តំណាងអយ្យការ)មកស្នើសុំបំបែកសំណុំរឿងអ៊ីចឹងទេ វាធ្វើឱ្យប៉ះពាល់ដល់សិទ្ធិកូនក្តី សិទ្ធិទទួលបានការជំនុំជម្រះដោយលឿនបំផុតជាដើម»។

បុគ្គលិកសមាគមអាដហុក (Adhoc) លោក យី សុខសាន្ត ដែលចូលឃ្លាំមើលសវនាការនេះកត់សម្គាល់ថា ការបំបែកសំណុំរឿងដែលមានជនជាប់ចោទ ៣៧នាក់នៅពេលនេះ ហាក់ធ្វើឡើងមិនត្រឹមត្រូវ និងអូសបន្លាយដំណើរការក្តីក្តាំកាន់តែយូហើយគ្មានជនជាប់ចោទមកស្តាប់ទៀត។ លោកចង់ឃើញរដ្ឋាភិបាលដោះលែងសកម្មជន និងពលរដ្ឋដែលរដ្ឋាភិបាលចោទប្រកាន់ថាប្រឆាំងនឹងគម្រោង CLV ឱ្យមានសេរីភាពឡើងវិញ ពីព្រោះរដ្ឋាភិបាលបានសម្រេចលុបកិច្ចសហប្រតិបត្តិការតំបន់ត្រីកោណអភិវឌ្ឍន៍ជាស្ថាពររួចហើយ។

សវនាការលើសំណុំរឿងនេះ ក៏មានការចូលរួមឃ្លាំមើលពីមន្ត្រីសិទ្ធិមនុស្សក្នុងស្រុក ក្រុមគ្រួសារ និងអ្នកគាំទ្ររបស់សកម្មជនកិច្ចព្រមព្រៀងក្រុងប៉ារីសប្រមាណ ៥០នាក់ដែរ។សំណុំរឿងដែលមានជនជាប់ចោទចំនួន ៣៧នាក់នេះ ក្នុងនោះក៏មានជនជាប់ចោទចំនួនពីរនាក់ គឺប្អូនប្រុសអតីតសកម្មជនបក្សសង្គ្រោះជាតិប្រចាំប្រទេសជប៉ុនលោក ហៃ វណ្ណា គឺលោក ហៃ វណ្ណនិត និងយុវជនម្នាក់ទៀតឈ្មោះ ហ៊ុយ សុភ័ក្ត្រ ត្រូវបានតុលាការដោះលែងឱ្យនៅក្រៅឃុំ ក្រោយពួកគេប្រកាសចុះចូលជាមួយបក្សកាន់អំណាច និងបង្ហោះសារសុំទោស។ a hai vanna a sron