មិនទាន់ដឹងពីតម្លៃគោលនយោបាយរាជរដ្ឋាភិបាលសម្រាប់យុទ្ធជនពលីក្នុងសមរភូមិនិងសកម្មភាពកាកបាទក្រហម

សន្លឹកបៀបញ្ចប់ជម្លោះកម្ពុជា-ថៃ របស់លោកប្រធានាធិបតី ដូណាល់ ត្រាំ គឺកិច្ចព្រមព្រៀងពាណិជ្ជកម្មរវាងអាមេរិកកម្ពុជ៉ាថៃ

នាយករដ្ឋមន្ត្រីកម្ពុជាប្រកាសកុំឲ្យថៃហួសបន្ទាត់ក្រហម!?

អធិការរងនគរបាលខណ្ឌព្រែកព្នៅម្នាក់នឹងត្រូវបណ្តេញ ចេញពីក្របខ័ណ្ឌពាក់ព័ន្ធការលក់ដីឡូត៍ខ្យល់?!

បន្ទាប់ពីទូតចិនសាទរចំពោះកម្ពុជាក្នុងការបង្ក្រាបល្បែងអនឡាញប៉ូលិសចិនមកសុំធានាយកប្រជាជនគេទៅវិញកាន់ឆាប់កាន់តែល្អ!

ឯកអគ្គរដ្ឋួទូតចិន សប្បាយចិត្តឃើញកម្ពុជាបង្ក្រាបល្បែងអនឡាញនិងសន្យាការផ្តល់ការគាំទ្រ និងកិច្ចសហប្រតិបត្តិការ

ស្ថានីយ៍ជញ្ជីងថ្លឹងរថយន្តផ្លូវជាតិលេខ១ ស្ថិតនៅចំណុច ឃុំកំពង់ភ្នំ ស្រុក លេីកដែកខេត្ត កណ្តាល កន្លែងធ្វើអាជីវកម្ម?

ជាច្រើនទៀត

ចំនួនអ្នកទស្សនា

ថ្ងៃនេះ 624 នាក់

ម្សិលមិញ 4004 នាក់

សរុប 17259965 នាក់

ក្រុមហ៊ុនម៉ាកល្បីៗ១៨ម៉ាកថ្មីទៀតចេញមកគាំទ្ររបាយការអង់ការសង់ត្រាលដោយចាត់ទុកថាជាការបញ្ចេញមតិ

17-July-2025 / ព័ត៌មានជាតិ

ភ្នំពេញ៖តាមរយៈសេចក្តីថ្លែងការណ៍ចេញផ្សាយនៅថ្ងៃទី១០ កញ្ញាក្រុមហ៊ុនកម្ម៉ង់ទំនិញ ម៉ាកល្បីៗដែលមានប្រភពមកពីវិស័យសម្លៀកបំពាក់ ស្បែកជើង និងទំនិញធ្វើដំណើររបស់កម្ពុជាចំនួន ១៨ម៉ាកបានអំពាវនាវឱ្យរដ្ឋាភិបាលកម្ពុជាលុបចោលការធ្វើសវនកម្មលើអង្គការសង់ត្រាល់។ ម៉ាកល្បីៗទាំងនោះរួមមាន Adidas Puma Levi Strauss&Co Under Armour និង New Balance។ល។ a central 1

ក្រុមហ៊ុនម៉ាកល្បីៗទាំងជិត ២០ម៉ាកនេះយល់ឃើញថា ដំណើរការស៊ើបអង្កេតលើអង្គការសង់ត្រាល់របស់ក្រសួងមហាផ្ទៃកម្ពុជាមានភាពយឺតយ៉ាវគួរឱ្យព្រួយបារម្ភជាពន់ពេក។ គួរបញ្ជាក់ថា បន្ថែមពីការចោទប្រកាន់អង្គការសង់ត្រាល់ សហជីពដែលមានទំនោររករដ្ឋាភិបាលក៏បានប្តឹងលោកឃុន ថារ៉ូ អ្នកគ្រប់គ្រងកម្មវិធីការងារនៃអង្គការសង់ត្រាល់ពីបទ«បរិហារកេរ្តិ៍ជាសាធារណៈ និងបទញុះញង់ឱ្យមានការរើសអើង»។ ក្នុងសេចក្តីថ្លែងការណ៍ដដែល ម៉ាកល្បីៗមកពីវិស័យសម្លៀកបំពាក់ ស្បែកជើង និងទំនិញធ្វើដំណើររបស់កម្ពុជាបានអំពាវនាវឱ្យកម្ពុជាពិចារណាលុបចោលសវនកម្មលើសង់ត្រាល់ជាបន្ទាន់ និងត្រូវតែដកចេញចំណាត់ការទាំងឡាយណាដែលប៉ះពាល់ដល់លំហសង្គមស៊ីវិល និងសិទ្ធិសេរីភាពក្នុងការបញ្ចេញមតិ។

តាមម៉ាកល្បីៗទាំងជិត ២០ម៉ាក កម្ពុជាគួរពិចារណាលើសេចក្តីអំពាវនេះព្រោះលំហសង្គមស៊ីវិល និងសិទ្ធិសេរីភាពក្នុងការបញ្ចេញមតិជាផ្នែកមួយសំខាន់ដែលនាំឱ្យកម្ពុជាក្លាយជាដៃគូផ្គត់ផ្គង់ផលិតផលក្នុងវិស័យឧស្សាហកម្មសម្លៀកបំពាក់ និងស្បែកជើង។ ជុំវិញសេចក្តីថ្លែងការណ៍របស់ម៉ាកល្បីៗមកពីវិស័យសម្លៀកបំពាក់ ស្បែកជើង និងទំនិញធ្វើដំណើររបស់កម្ពុជាពេលនេះ អ្នកនាំពាក្យក្រសួងការងារលោកកត្តា អ៊ន និងអ្នកនាំពាក្យក្រសួងមហាផ្ទៃលោក ទូច សុខៈនៅមិនទាន់បានឆ្លើយតបយ៉ាងណានៅឡោះយទេគិតត្រឹមរសៀលថ្ងៃទី១០ កញ្ញានេះ។

សូមរម្លឹកថា ជុំវិញចំណាត់ការតាមផ្លូវច្បាប់លើអង្គការសង់ត្រាល់នេះ សម្ព័ន្ធសហជីពអន្តរជាតិ Clean Clothes Campaign កាលពីខែមិថុនាកន្លងទៅបានថ្កោលទោសយ៉ាងដាច់អហង្ការដោយចាត់ទុកជាការចោទប្រកាន់លាបពណ៌ក្នុងគោលដៅកម្ទេចសហជីពឯករាជ្យនៅកម្ពុជា។ ដោយឡែក កាលពីខែកក្កដា សមាជិកនៃសមាគមក្រុមហ៊ុនផលិតសម្លៀកបំពាក់ និងស្បែកជើងអាមេរិក (AAFA) និងសមាគមការងារយុត្តិធម៌ (FLA) បានចាត់ទុកការធ្វើសវនកម្មលើអង្គការសង់ត្រាល់ជាការបំភិតបំភ័យ និងបៀតបៀនលើសង្គមស៊ីវិលនៅកម្ពុជា។ ការរិះគន់កាលណោះត្រូវបានលោក ទូច សុខៈចាត់ទុកជាការលូកដៃចូលកិច្ចការផ្ទៃក្នុងរបស់កម្ពុជា។ ក្នុងន័យនេះ លោកទូច សុខៈបានស្នើឱ្យអង្គការបរទេសទាំងនោះពិនិត្យច្បាប់ជាធរមានជាមុនសិន មុនដាក់សម្ពាធលើកម្ពុជា និងបញ្ជាក់ថា ការធ្វើសវនកម្មលើអង្គការសង់ត្រាល់ពីសំណាក់អាជ្ញាធរសវនកម្មជាតិ គឺស្របតាមច្បាប់ស្ដីពីអង្គការសង្គមស៊ីវិល និងច្បាប់ស្ដីពីសវនកម្មជាតិរបស់ជាតិ។

ទាក់ទងការធ្វើសវនកម្មលោកឃុន ថារ៉ូ អ្នកគ្រប់គ្រងកម្មវិធីការងារនៃអង្គការសង់ត្រាល់បានឱ្យកាសែតដឹងកាលពីថ្ងៃទី ១៧ ខែកក្កដាថា មន្ត្រីសវកម្មជាតិពិតជាបានទៅចុះធ្វើសវកម្មនៅអង្គការសង់ត្រាល់ដូចដែលបានគ្រោងទុក។ ការចុះធ្វើសវនកម្មនេះគឺផ្តោតទៅលើដំណើរការ និតិវិធី និងកាលបរិច្ឆេទការធ្វើសវកម្មលើអង្គការសង់ត្រាល់។ តែបើតាមលោក ឃុន ថារ៉ូ ការធ្វើសវនកម្មជាតិលើអង្គការសង់ត្រាល់រយៈពេល ៣ម៉ោងកាលពីថ្ងៃទី១៥ កក្កដានៅមិនទាន់មានលទ្ធផលអ្វីនៅឡើយទេ ព្រោះជាទូទៅ គេចំណាយពេល៣ឆ្នាំសម្រាប់ការធ្វើសវនកម្មជាតិទៅលើស្ថាប័នមួយ។

ទោះយ៉ាងណា របាយការណ៍សវកម្មលើអង្គការសង់ត្រាល់នេះនឹងត្រូវយកទៅដាក់នៅសភា ព្រឹទ្ធសភា ទីស្តីការគណៈរដ្ឋមន្ត្រី និងស្ថាប័នពាក់ព័ន្ធដើម្បីពិនិត្យ និងបន្តតាមដានតាមនិតិវិធីច្បាប់។ នេះបើតាមការបន្ថែមរបស់លោក ឃុន ថារ៉ូ។ គួរដឹងថា ការធ្វើសវកម្មជាតិលើអង្គការសង់ត្រាល់ពេលនេះធ្វើឡើងតាមសំណើរបស់ក្រសួងមហាផ្ទៃ។ ទន្ទឹមគ្នានេះ ក្រសួងមហាផ្ទៃក៏បានស្នើឲ្យអង្គការសង់ត្រាល់ផ្តល់របាយការណ៍គណនីធនាគារម្ចាស់ជំនួយរបស់ខ្លួន ខណៈអង្គការសង់ត្រាល់បានអះអាងពីការបានបញ្ជូនរបាយការណ៍នោះរួចហើយកាលពីថ្ងៃទី១១ កក្កដាកន្លងទៅ។តាមអ្នកគ្រប់គ្រងកម្មវិធីការងារនៃអង្គការសង់ត្រាល់រូបនេះដដែល ការព្រមធ្វើតាមសំណើរបស់ក្រសួងមហាផ្ទៃដូចនេះជាសក្ខីកម្មបង្ហាញឱ្យឃើញថា អង្គការសង់ត្រាល់បានអនុវត្តការងារត្រឹមត្រូវ និងតម្លាភាពតាមនិតិវិធីច្បាប់កម្ពុជា។

«យើងជំរុញឱ្យរដ្ឋាភិបាលកម្ពុជាលុបចោលជាបន្ទាន់គម្រោងសវនកម្មលើអង្គការសង់ត្រាល់។ គោលបំណងតែមួយគត់នៃសវនកម្មនេះគឺដើម្បីសងសឹកសង់ត្រាល់»។ នេះជាការលើកឡើងក្នុងលិខិតមួយច្បាប់របស់សមាគមអន្ដរជាតិផ្នែកកាត់ដេរ និងស្បែកជើង និងសមាគមការងារយុត្តិធម៌អាមេរិក ផ្ញើទៅកាន់រដ្ឋមន្ដ្រីកម្ពុជា៣រូប រួមមាន លោក ស សុខា រដ្ឋមន្ដ្រីក្រសួងមហាផ្ទៃ លោក ហេង សួរ រដ្ឋមន្ដ្រីក្រសួងការងារ និងបណ្ដុះបណ្ដាលវិជ្ជាជីវៈ និងលោកស្រី ចម និម្មល រដ្ឋមន្ដ្រីក្រសួងពាណិជ្ជកម្ម។

ក្នុងលិខិតបញ្ជាក់យ៉ាងច្បាស់ថា សមាជិករបស់សមាគមកាត់ដេរ និងស្បែកជើងអាមេរិក AAFA និង សមាគមការងារយុត្តិធម៌FLA បានឱ្យតម្លៃលើទំនាក់ទំនង និងភាពរីកចម្រើនជាមួយប្រទេសកម្ពុជា។ លិខិតបន្ថែមថា កម្ពុជាបានក្លាយជាអ្នកផ្គត់ផ្គង់ទី៣ សម្រាប់ផលិតផលធ្វើដំណើរទៅកាន់ទីផ្សារអាមេរិក អឺរ៉ុប និងកាណាដា និងទី៤ សម្រាប់ផលិតផលស្បែកជើង រួមទាំងទី៦ សម្រាប់ផលិតផលសម្លៀកបំពាក់ ។
សមាគមអន្ដរជាតិទាំងពីរ បានគូសបញ្ជាក់ថា ភ្ជាប់នឹងទំនាក់ទំនងដ៏មានតម្លៃនេះ គឺរដ្ឋាភិបាលកម្ពុជាត្រូវគោរពសិទ្ធិចំពោះសង្គមស៊ីវិល សេរីភាពនៃការបញ្ចេញមតិ និងសេរីភាពនៃសមាគម។នៅក្នុងលក្ខខណ្ឌនេះ សមាគមអន្ដរជាតិទាំងពីរបានអំពាវនាវម្តងទៀតដល់រដ្ឋាភិបាលកម្ពុជា លុបចោលសវនកម្ម "សន្តិសុខជាតិ" ទៅលើ អង្គការសង់ត្រាល់ នាពេលខាងមុខ ហើយចៀសវាងការចាត់វិធានការណាដែលជាការបំភិតបំភ័យ និងការបៀតបៀនដល់អង្គការសង់ត្រាល់ ឬអង្គការក្រៅរដ្ឋាភិបាលផ្សេងៗទៀត។(ដកស្រង់ពីវិទ្យុបារាំង) a central union a centrala