វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5835 នាក់
ម្សិលមិញ 6436 នាក់
សរុប 13873099 នាក់
ម៉ាឡេស៊ី៖ លោក សម រង្ស៊ី មេដឹកនាំអតីតគណបក្សសង្គ្រោះជាតិបានមកដល់បក្រទេសម៉ាឡេស៊ីជាកន្លែងដែលសលោកស្រីមូសុខហួរកំពុងស្នាក់នៅហើយនាថ្ងៃទី៩វិច្ឆកាតាមយន្តហោកចេញពីទីក្រុងប៉ារីស ។នេះបើយោងតាមសាក្សីភ្នាក់ងាសារពត៍មាន រ៉យទ័រ បានឲ្យដឹងតាមប្រពន្ធ័បណ្តាញសង្គម ។
អ្នកកាសែតបានសួរសំណួរទៅគាត់ តើលោកគិតថាលោកនឹងត្រូវបានស្វាគមន៍យ៉ាងដូចម្តេចនៅទីក្រុងគូឡាឡាំពួ នោះលោកសមរង្ស៊ីបានប្រាប់រ៉យទ័រតាមជើងហោះហើរថា៖ “No idea! Something between the red carpet and the handcuffs.” “គ្មាន យោបល់! អ្វីមួយនៅចន្លោះព្រំក្រហមនិងខ្នោះដៃ” ។
មន្ត្រីជាន់ខ្ពស់រាជរដ្ឋាភិបាលកម្ពុជា ក៏បានបញ្ជាក់ប្រាប់បណ្តាញព័ត៌មាន ឱ្យដឹងថា លោក សម រង្ស៉ី និងមេដឹកនាំឧទ្ទាមសំខាន់ៗ មិនអាចស្តារបរាជ័យរបស់ខ្លួន ដែលសន្យាថាមកដល់ប្រទេសកម្ពុជា នៅថ្ងៃទី០៩ ខែវិច្ឆិកា ឆ្នាំ២០១៩បានឡើយ ទោះបីជាលោកបានទៅដល់ម៉ាឡេស៊ី នៅថ្ងៃសៅរ៍នេះ ដោយប្រើប្រាស់លិខិតឆ្លងដែនបរទេស និងទិដ្ឋាការទេសចរក៏ដោយ។«ទោះបី សម រង្ស៉ី និងមេដឹកនាំសំខាន់ៗ បានមកដល់ប្រទេសក្នុងតំបន់តាមលិខិតឆ្លងដែនបរទេស និងទិដ្ឋាការទេសចរណ៍ក៏ដោយ ក៏មិនអាចស្តារបរាជ័យបានដែរ ព្រោះខ្វះអ្នកគាំទ្រទាំងក្នុង និងក្រៅប្រទេស»។
ប្រភពនិយាយថាលោក សម រង្ស៉ី បាន ដល់ព្រលានយន្តហោះនាទីក្រុងកូឡាឡាំពួរ ប្រទេសម៉ាឡេស៊ី នៅម៉ោង៣៖៥០នាទីរសៀល ថ្ងៃទី០៩ ខែវិច្ឆិកា ឆ្នាំ២០១៩នេះ។ លោកត្រូវបានសមត្ថកិច្ចអន្តោប្រវេសន៍ម៉ាឡេស៊ីឃាត់ខ្លួន និងបានដាក់បំរាម ឱ្យលោកនៅម៉ាឡេស៊ីសម្រាប់តែធ្វើដំណើរទេសចរប៉ុណ្ណោះ និងបានហាមមិនឱ្យធ្វើសកម្មភាពនយោបាយនៅប្រទេសម៉ាឡេស៊ីជាដាច់ខាត។
សម្រាប់វិធានការណ៍ទប់ស្កាត់ការវិលចូលស្រុកខ្មែរវិញនោះនៅប្រទេសថៃឯណេះវិញ អាជ្ញាធរថៃទទួលសំណើរពីអាជ្ញាធរកម្ពុជា បានធ្វើការរឹតបន្តឹងសន្តិសុខ និងឆែកឆេរនៅតាមសណ្ឋាគារដើម្បីស្វែងរកចាប់ខ្លួន មេដឹកនាំ សកម្មជន និងអ្នកគាំទ្រអតីតគណបក្សសង្គ្រោះជាតិ។នេះបើតាមការចុះផ្សាយដោយកាសែតបាងកកប៉ុស្តិ៍ដដែលលោកវរសេនីយ៍ឯក រ៉ុងសាក់ ប៊ូដែង ( Ruangsak Buadaeng) អធិការនគរបាលស្រុកខ្លងលូកប្រទេសថៃបាននិយាយនៅថ្ងៃសុក្រថា អាជ្ញាធរថៃកំពុងឆែកឆេរនៅតាមសណ្ឋាគារ និងតាមប៉ុស្តិ៍ត្រួតពិនិត្យនៅតាមដងផ្លូវនៅតែមាននៅគ្រប់ស្រុកទាំងអស់ក្នុងខេត្តស្រះកែវ ដើម្បីតាមដានចលនារបស់អ្នកគាំទ្រលោក សម រង្ស៊ីឆ្ពោះទៅព្រំដែនកម្ពុជា-ថៃ។
នៅក្នុងប្រទេសកម្ពុជាវិញ តាំងពីព្រឹកព្រលឹមនៅព្រលានយន្តហោះភ្នំពេញមានកងកម្លាំងប្រដាប់អាវុធប្រចាំការជុំវិញ។នៅព្រុំដែនប៉ោយប៉ែតប័ណ្ណប្រកាសមួយដែលចេញដោយប៉ូលិសខេត្តបន្ទាយមានជ័យបានស្នើសុំឱ្យប្រជាជនទាក់ទងទៅកាន់អាជ្ញាធរភ្លាមៗប្រសិនបើពួកគេបានឃើញ សកម្មជនអតីតគណបក្សសង្គ្រោះជាតិណាម្នាក់។
សម្រាប់សម្តេចក្រឡាហោមសខេងវិញបានបញ្ចេញសារបៀបការទូតការពារតាមហ្វេសប៊ុកថា៖«នៅពេលនេះមិនមានការប្រកាសណាមួយរបស់រាជរដ្ឋាភិបាលកម្ពុជា ក្នុងការហាមប្រាមទណ្ឌិត សម រង្ស៊ី និងក្រុមរបស់គាត់ មិនឲ្យចូលប្រទេស(ក្នុងនាមប្រជាជនធម្មតា)ឡើយ»។
សម្តេច សខេង ថា៖ការប្រកាសវិលត្រឡប់ចូលមកក្នុងប្រទេសវិញ លោក សម រង្ស៊ី បានបំផុសបំផុលដល់ប្រជាពលរដ្ឋ នឹងបង្កើតឡើងជាចលនាមហាជនដ៏ធំមួយដើម្បីនាំមកនូវការផ្លាស់ប្តូរ តាមរយៈការផ្តួលរំលំរាជរដ្ឋាភិបាល ការចាប់ខ្លួននាយករដ្ឋមន្ត្រី ព្រមទាំងបានប្រកាសញុះញងបំបែកបំបាក់កងទ័ពជាតិ ដោយបង្កើតមូលនិធិចិញ្ចឹមកងទ័ព ហើយហ៊ានរហូតដល់ប្រមាថព្រះចេស្តា ព្រះមហាក្សត្រ។សកម្មភាពទាំងនេះហើយ ដែលលោក សម រង្ស៊ី និងបក្ខពួកត្រូវបានតុលាការចោទប្រកាបពីបទល្មើសឧបឃាត និងរួមគំនិតក្បត់ ព្រមទាំងមានដីកាបង្គាប់ឲ្យចាប់ខ្លួន ។
សម្តេចសខេង ៖ «ការវិលត្រឡប់ចូលប្រទេសរបស់ទណ្ឌិត សម រង្ស៊ី និង បក្ខពួក ក្នុងនាមជាពលរដ្ឋខ្មែរគឺពុំមានអ្វីរារាំងឡើយ ។ ប៉ុន្តែរាជរដ្ឋាភិបាល កម្ពុជា ក៏បានប្រកាសផងដែរពីការរក្សាសិទ្ធិក្នុងការចាត់វិធានការច្បាប់ចំពោះសកម្មភាពទាំងឡាយដែលប៉ុនប៉ងបំផ្លិចបំផ្លាញសន្តិភាព ស្ថិរភាពសង្គម និងសន្តិសុខនៃរដ្ឋ»។
មន្ដ្រីជាន់ខ្ពស់អគ្គស្នងការនគរបាលជាតិ បានប្រាប់កាសែត នៅរសៀលថ្ងៃទី៩ ខែវិច្ឆិកា ឆ្នាំ២០១៩នេះថា គិតមកត្រឹមម៉ោង៧៖៣០នាទីយប់ថ្ងៃនេះ ស្ថានភាពសន្ដិសុខនៅប្រទេសកម្ពុជា ពោលទាំងនៅរាជធានីភ្នំពេញ និងតាមបណ្ដាខេត្តនានា ពិសេសនៅតាមខ្សែបន្ទាប់ព្រំដែន គឺមានស្ថានភាពល្អដូចធម្មតា ហើយប្រជាពលរដ្ឋសប្បាយរីករាយក្នុងការទទួលទានអំបុក។«ជារួមសភាពការណ៍រហូតមកដល់រសៀលម៉ោង៧៖៣០នាទីថ្ងៃទី០៩ ខែវិច្ឆិកា ឆ្នាំ២០១៩នេះនៅទូទាំងប្រទេសកម្ពុជា ទាំងក្រុងភ្នំពេញ និងតាមបណ្ដាលខេត្ត គឺស្ថានភាពមានភាពល្អប្រសើរដូចធម្មតា ហើយយើងឃើញប្រជាពលរដ្ឋនាំគ្នា សប្បាយរីករាយជាមួយនឹងការអកអំបុក ការពារជាតិ សាសនា និងព្រះមហាក្សត្រ»។
សូមជម្រាបថា កំលាំងសមត្ថកិច្ចត្រូវបានដាក់ពង្រាយយ៉ាងតឹងរឹងបំផុត នៅតាមរាជធានីភ្នំពេញ និងតាមបណ្ដាខេត្ត ពិសេសខេត្តជាប់ព្រំដែនប្រទេសថៃ ដើម្បីទប់ស្កាត់ការវិលត្រឡប់របស់មេក្លោងឧទ្ទាមក្រៅច្បាប់ សម រង្ស៉ី ដែលបានកំណត់ផែនការផ្ដួលរំលំរាជរដ្ឋាភិបាល និងរបបរាជានិយម។ ប៉ុន្ដែបំណងដ៏អាក្រក់នេះ មិនបានសម្រេចបំណងឡើយ៕