វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3095 នាក់
ម្សិលមិញ 5378 នាក់
សរុប 14082388 នាក់
មីយ៉ាន់ម៉ា៖មានមនុស្ស៤នាក់ទៀតត្រូវបានសម្លាប់ក្នុងកំឡុងពេលធ្វើបាតុកម្មមួយនៅក្នុងប្រទេសខណៈដែលបានកត់ត្រាថាមានការផ្ទុះគ្រាប់បែកជាង១០ដងក្នុងរយៈពេល២ថ្ងៃចុងក្រោយនេះនៅតាមអគាររដ្ឋាភិបាល។
Reutersបានរាយការណ៍ថាក្រុមបាតុករមីយ៉ាន់ម៉ារាប់ពាន់នាក់នៅថ្ងៃទី២ ឧសភាបានធ្វើដំណើរតាមដងផ្លូវដើម្បីប្រឆាំងនឹងរដ្ឋប្រហារយោធានៅថ្ងៃទី១ខែកុម្ភៈក្នុងចលនាសហគមន៍មីយ៉ាន់ម៉ានៅជុំវិញពិភពលោកហៅថា“បដិវត្តនិទាឃរដូវមីយ៉ាន់ម៉ាសកល”។ការបាញ់ប្រហារបានកើតឡើងយ៉ាងហោចណាស់៣ទីតាំងហើយបានសម្លាប់មនុស្ស៤នាក់។តាមសារព័ត៌មានReutersឲ្យដឹងថាការរៀបចំចលនានេះបាននិយាយថា”ចូរយើងរំលឹកកនៅលើពិភពលោកដោយសំឡេងនៃសាមគ្គីភាពរវាងសហគមន៍មីយ៉ាន់ម៉ា” ។
ក្រុមបាតុករបានធ្វើដំណើរតាមដងផ្លូវដើម្បីដើរក្បួនឆ្លងកាត់តំបន់នានាក្នុងទីក្រុងYangon, Mandalay, MeiktilaនិងDawei។យោងតាមសារព័ត៌មានMyanmarNowបានអោយដឹងថាមនុស្ស២នាក់ត្រូវបានបាញ់សម្លាប់នៅកណ្តាលទីក្រុងWetlet ។ គេហទំព័រព័ត៌មាន Shwe Phee Myay បាននិយាយថាក្នុងពេលដំណាលគ្នានោះអ្នកតវ៉ាម្នាក់បានស្លាប់នៅក្នុងតំបន់នៅភាគឥសាន។ មនុស្សម្នាក់ត្រូវបានសម្លាប់នៅភាគខាងជើងទីក្រុង Hpakant ពេលចូលរួមក្នុងការតវ៉ាមួយ។
ក្រៅពីចលនាបាតុកម្មពួកយោធាមីយ៉ាន់ម៉ានៅតែប្រឈមមុខនឹងការប៉ះទង្គិចគ្នាជាមួយក្រុមប្រដាប់អាវុធជនជាតិភាគតិចដែលឥឡូវនេះបានកាន់កាប់តំបន់ខ្លះនៃប្រទេសមីយ៉ាន់ម៉ា។ការវាយប្រហារដោយប្រដាប់អាវុធក្នុងរយៈពេលប៉ុន្មានថ្ងៃកន្លងមកនេះបានបង្ខំឲ្យប្រជាជនស៊ីវិលរាប់ពាន់នាក់ត្រូវជម្លៀសចេញហើយថែមទាំងភៀសខ្លួនទៅកាន់ប្រទេសថៃដើម្បីស្វែងរកសិទ្ធិជ្រកកោន។គ្រាប់បែកផ្ទុះក្នុងជួរមួយនៅប្រទេសមីយ៉ាន់ម៉ាប្រព័ន្ធផ្សព្វផ្សាយរដ្ឋមីយ៉ាន់ម៉ាកាលពីថ្ងៃទី១ឧសភាបាននិយាយថាប្រទេសនេះមានការផ្ទុះយ៉ាងហោចណាស់១១ដងក្នុងរយៈពេល៣៦ម៉ោងកន្លងមកភាគច្រើននៅទីក្រុងYangon។
ការផ្ទុះនេះបានបណ្តាលឱ្យខូចខាតទ្រព្យសម្បត្តិ។ប៉ុន្តែពុំមានរបាយការណ៍ស្តីពីការស្លាប់និងរបួសទេ។ មិនមានភាគីណាមួយចេញមុខទទួលយកការទទួលខុសត្រូវឡើយ។ទូរទស្សន៍រដ្ឋក្នុងប្រទេសមីយ៉ាន់ម៉ាផ្សាយថា“អ្នកធ្វើកុបកម្មមួយចំនួនដែលមិនចង់អោយរដ្ឋមានស្ថេរភាពបានគប់គ្រាប់បែកច្នៃលើអាគាររដ្ឋាភិបាលនិងផ្លូវធំៗ”។គេហទំព័រព័ត៌មានKhitThitបាននិយាយថាការផ្ទុះមួយបានកើតឡើងនៅខាងក្រៅស្ថានីយ៍ប៉ូលីសក្នុងទីក្រុងYangonកាលពីព្រឹកថ្ងៃទី២ឧសភា។រថយន្តខ្លះបានឆេះ។ប៉ុន្តែមិនមានព័ត៌មានអំពីអ្នកស្លាប់និងរបួសទេ។ក្រោយមកKhitThitបានរាយការណ៍ថាការផ្ទុះជាច្រើនបានបន្តកើតឡើងនៅក្នុងទីក្រុងនេះ។
យោងតាមReutersយ៉ាងហោចណាស់មានក្រុមអ្នកតវ៉ា៧៥៩នាក់ត្រូវបានសម្លាប់ក្នុងរយៈពេល៣ខែចុងក្រោយចាប់តាំងពីរដ្ឋប្រហារយោធាបានកើតឡើង។ជាមួយគ្នានេះដែរយោធាមីយ៉ាន់ម៉ាកាលពីពាក់កណ្តាលខែមេសាដោយនិយាយថាក្រុមបាតុករ២៤៨នាក់ត្រូវបានសម្លាប់ដោយចោទប្រកាន់ថាបានបង្កអំពើហិង្សាជាមុន។សមាជិកជាច្រើននៃកម្លាំងសន្តិសុខមីយ៉ាន់ម៉ាក៏បានស្លាប់ផងដែរ។នៅពេលចាត់វិធានការដោះស្រាយជាមួយការតវ៉ា។រោគរាតត្បាតCovidនិងអស្ថិរភាពក្នុងប្រទេសមីយ៉ាន់ម៉ាបានជំរុញសេដ្ឋកិច្ចរបស់ប្រទេសនេះឲ្យស្ថិតក្នុងស្ថានភាពធ្លាក់ចុះយ៉ាងខ្លាំង។ប្រសិនបើស្ថានភាពមិនប្រសើរអង្គការសហប្រជាជាតិបានព្រមានថាប្រជាជនមីយ៉ាន់ម៉ា២៥លាននាក់(៤៨%នៃប្រជាជន)អាចនឹងធ្លាក់ចូលក្នុងភាពក្រីក្រនៅឆ្នាំ២០២២៕យោងតាមReuters, AFP