វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1162 នាក់
ម្សិលមិញ 10264 នាក់
សរុប 14140344 នាក់
ប្រទេសអាហ្កានីស្ថាន៖បន្ទាប់ពីពួកតាលីបង់ឡើងកាន់អំណាចក្រៅពីការកាត់បន្ថយបិទសិទ្ធសេរីភាពប្រជាពលរដ្ឋពិសេសស្ត្រីភេទប្រជាពលរដ្ឋដែលប្រកបអាជីពជាអ្នកសារពត៍មានក្នុងរបបអាហ្កានីស្ថានចាស់គាំទ្រដោយអាមេរិកបានបាត់បង់ការងារស្ទើតែទាំងស្រុង។
មានស្ថាប័នសារព័ត៌មានចំនួន២៣១ស្ថាប័ននៅក្នុងប្រទេសអាហ្វហ្គានីស្ថានត្រូវបានបិទទ្វារ ធ្វើឱ្យអ្នកសារព័ត៌មានសរុបជាង៦.៤០០នាក់ ក្នុងនោះមានស្ត្រីដល់ទៅ៨៤% បាត់បង់ការងារធ្វើចាប់តាំងពីក្រុមតាលីបង់ឡើងកាន់អំណាចនៅខែសីហាឆ្នាំ ២០២១មក។តាមសមាគមអ្នកសារព័ត៌មានអាហ្វហ្គានីស្ថាន បានឱ្យដឹងថា មានបណ្តាញព័ត៌មាន៤៣%នៅក្នុងប្រទេសអាហ្វហ្គានីស្ថានបានផ្អាកដំណើរការ ធ្វើឱ្យអ្នកសារព័ត៌មានប្រមាណ៦០% បាត់បង់ការងារធ្វើ។
គិតត្រឹមចុងខែវិច្ឆិកា មានប្រព័ន្ធផ្សព្វផ្សាយតែ ៣១២បុណ្ណោះនៅដំណើរការ ដោយនៅពេលមុនក្រុមតាលីបង់ឡើងគ្រប់គ្រងមានរហូតដល់ទៅ៥៤៣ស្ថាប័ន។ បច្ចុប្បន្នប្រព័ន្ធផ្សព្វផ្សាយនៅក្នុងប្រទេសអាហ្វហ្គានីស្ថាន មានអ្នកសារព័ត៌មានចំនួន ៤.៣៦០នាក់កំពុងបន្តអាជីពជាអ្នកសារព័ត៌មានរបស់ខ្លួន។ ចំណែកនៅមុនពេលតាលីបង់គ្រប់គ្រង មានអ្នកសារព័ត៌មានសរុប១០,៧៩០នាក់។ ចំពោះស្ត្រីវិញមានដល់ទៅ៨៤%នៅក្នុងវិស័យព័ត៌មានត្រូវបាត់បង់ការងារធ្វើ ។ បរិយាកាសសារព័ត៌មាននៅក្នុងប្រទេសអាហ្វហ្គានីស្ថានជួបផលលំបាកយ៉ាងខ្លាំង ដោយត្រូវតែអនុវត្តទៅតាមច្បាប់១១ខ ដែលក្រុមតាលីបង់បានដាក់ចេញ៕