» ថៃ​ចាប់​ពលករ​ខ្មែរ​និង​បរទេស​ចេញពី​ក្រុង​ប៉ោយប៉ែត​តើ​ពួកនេះ​ជា​មូលហេតុ​ឆ្លង​ជំងឺ​កូ​វិដ​-19​នៅ​ក្រុង​ប៉ោយប៉ែត​ឬ ? » ក្រម​ហ៊ុន​ប៊ី​យ៉ូ​អែ​តិច​នឹង​សង់រោង​ចក្រ​ផលិត​វ៉ាក់សាំង​Covid-19​នៅ​អាស៊ីអាគ្នេយ៍​ » ភ្លើង​ឆេះ​ផ្ទះ​ស្លាប់​ប្រពន្ធ​កូន​ទាំង​ពូជ​រស់​តែ​ប្តី​ម្នាក់ឯង​មិន​យល់​? » នៅ​ស្រុក​បន្ទាយស្រី​ភិ​រិ​យា​ម្នាក់ មិនឱ្យ​ប្តី​ដែល​មកពី​ឆ្ងាយ​ចូល​ផ្ទះ ដើម្បី​ទប់ស្កាត់​ការរីក​រាលដាល​ជំងឺ​កូ​វីដ​-១៩? » រាជធានី​ផ​ញ​នំ​ពេញ​ថ្ងៃទី​១៣​ឧសភា​តំបន់​ក​ហម​និង​រួម​តូច​ឬ​ក្លាយជា​ពណ៍​លឿង​តែ​ការចាក់​វ៉ាកសាំង​ត្រូវ​បន្ត​ » អាវុធ​រាប់ពាន់​ដើម​ប្រភពដើម​របស់​ចិន​និងរុស្ស៊ីត្រូវ​អាមេរិក​រឹបអូស​នៅ​សមុទ្រ​អារ៉ាប់​ » ស្ត្រី​ក្មេង​សម្រាលកូន​គ​ម្មាន​ពេទ្យ​ក្នុង​តំបន់​បិទ​ខ្ទប់​សាលា​រាជធានី​សង្គ្រោះ​និង​ផ្តល់​អំណោយយ​តេ​ជោ​១០​លាន​រៀល » កំពុង​អ៊ុតអាប៉ោង ប្ដី​តាម​ទាន់​វាយ​ឡើង​ជាំ​ពេញ​ខ្លួន តើ​ជា​កំហុស​អ្នកណា​? » គុក​ខេត្ត​ព្រះ​ហ​សីហនុ​មាន​អ្នក​ផ្ទុកមេរោគ​កូ​វីត​៣០​នាក់​ » ដេញ​ចេញពី​ការងារ​ដកតួនាទីព្រោះ​ប្រាប់​មិត្ត​ភ​ក្រ័​តាម​តេ​ឡេ​ក្រាម​! » ក្រសួងសុខាភិបាល ណែនាំ​ឲ្យ​មន្ទីរពេទ្យ​រដ្ឋ​ទាំងអស់ ត្រូវ​ទទួល​ពិនិត្យ​អ្នកជំងឺ​ទូទៅ ធ្វើតេស្ដ​រហ័សរ​កកូ​វីដ​តែ​មិន​បញ្ជាក់ថា​អ្នកណា​ចេញ​លុយ នោះឡើយ​? » ក្រសួង​ការងារ​ប្រកាស​ឲ្យ​កម្មក​រោងចក្រ​ចូលធ្វើការ​ដោយ​គ្មាន​ល​ក្ខ័​ខណ្ឌ​វ៉ាក់សាំង​និង​ត្រូវ​បើក​ប្រាក់ខែ​ពាក់កណ្តាល​ខែមេសា​ » កូ​វីត​ក្នុង​ខេត្ត​ព្រះសីហនុ​មាន​សញ្ញា​ចុះថយ​ដោយសា​ការ​កាត់ផ្តាច់​ » ព្រោះតែ​ចេញ​ជិះឡាន​ទៅ​ស្រុក​មនុស្ស​ជាង​១០០​នាក់​ត្រូវ​ចាប់ខ្លួន​បញ្ជូនទៅ​ធ្វើ​ច​ត្តា​ឡិ​ស​ក័​ » គេ​និយាយថា​នាយក​ដែនជម្រកសត្វព្រៃ​ស្រែ​ពក ជា​បុរស ត្រូវប៉ាន់​គ្រប់ពេល​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 3173 នាក់

ម្សិលមិញ 3990 នាក់

សរុប 6950530 នាក់

ទូត​ចិន​នៅ​មី​យ៉ាន់​ម៉ា​ជម្រុញ​ឱ្យ​ដោះស្រាយ​ការខ្វែងគំនិត​គ្នា​ខាង​នយោបាយ​


​ភ្នំពេញ ៖ នៅក្នុង​បទសម្ភាសន៍​តាម​អ៊ីមែល​ជាមួយ​សារព័ត៌មាន​កាលពី​ថ្ងៃទី​១៦​ខែកុម្ភៈ​ស្ថានទូត​ចិន​ប្រចាំ​នៅ​មី​យ៉ាន់​ម៉ា បាន​ជំរុញ​ឱ្យ​គ្រប់ភាគី​នយោបាយ​ទាំងអស់​នៅក្នុង​ប្រទេស​ចូលរួម​ការសន្ទនា​គ្នា​ដើម្បី​ដោះស្រាយ​ការខ្វែងគំនិត​គ្នា ។​នេះ​បើ​យោងតាម​សារព័ត៌មាន Myanmar Times​ដកស្រង​ពី​បណ្តាញ​សារ​ពត៍​មាន​។​a miyanmar china1 

– តើ​ចិន​មាន​ទស្សនៈ​យ៉ាងណា​ចំពោះ​ស្ថានភាព​បច្ចុប្បន្ន​នៅ​មី​យ៉ាន់​ម៉ា​?​ក្នុងនាម​ជា​ប្រទេសជិតខាង​ដ៏​ល្អ​របស់​មី​យ៉ាន់​ម៉ា ប្រទេស​ចិន​បាន​យកចិត្តទុកដាក់​យ៉ាងខ្លាំង​ចំពោះ​អ្វីដែល​កំពុង​កើតឡើង​នៅក្នុង​ប្រទេស​មី​យ៉ាន់​ម៉ា​នាពេល​ថ្មីៗ​នេះ​។ យើង​បាន​កត់សម្គាល់ឃើញ​ជម្លោះ​ក្នុងស្រុក​របស់​មី​យ៉ាន់​ម៉ា​ទាក់ទង​នឹង​ការបោះឆ្នោត​មួយរយៈ​មកនេះ ប៉ុន្តែ​យើង​មិនត្រូវ​បាន​គេ​ជូនដំណឹង​ជាមុន​អំពី​ការផ្លាស់ប្តូរ​នយោបាយ​នៅក្នុង​ប្រទេស​មី​យ៉ាន់​ម៉ា​ទេ​។​
​ទាំង​គណបក្ស​សម្ព័ន្ធជាតិ​ដើម្បី​លទ្ធិប្រជាធិបតេយ្យ​និង​កងទ័ព​មី​យ៉ាន់​ម៉ា​រក្សា​ទំនាក់ទំនង​មិត្តភាព​ជាមួយ​ចិន​។ ការវិវឌ្ឍ​បច្ចុប្បន្ន​នៅក្នុង​ប្រទេស​មី​យ៉ាន់​ម៉ា​មិនមែនជា​អ្វីដែល​ចិន​ចង់ឃើញ​នោះទេ​។ យើង​សង្ឃឹមថា​គ្រប់ភាគី​ទាំ​អស់​នៅ​មី​យ៉ាន់​ម៉ា​អាច​ដោះស្រាយ​ការខ្វែងគំនិត​គ្នា​បាន​ត្រឹមត្រូវ​តាម​ក្របខ័ណ្ឌ​នៃ​រដ្ឋធម្មនុញ្ញ​និង​ច្បាប់​ព្រមទាំង​រក្សា​ស្ថិរភាព​នយោបាយ​និង​សង្គម​។​

– ក្នុងនាម​ជា​ប្រទេសជិតខាង​របស់​មី​យ៉ាន់​ម៉ា តើ​ប្រទេស​ចិន​អាច​ដើរតួនាទី​អ្វី​ក្នុងការ​ដោះស្រាយ​បញ្ហា​បច្ចុប្បន្ន​?
​ចិន​សង្ឃឹម​ដោយស្មោះ​ថា​មី​យ៉ាន់​ម៉ា​នឹងមាន​ស្ថិរភាព​សង្គម​និង​ការអភិវឌ្ឍ​ជាតិ​។​យើង​ជឿជាក់ថា​បច្ចុប្បន្ននេះ​អ្វីដែល​សំខាន់បំផុត​សម្រាប់​មី​យ៉ាន់​ម៉ា​និង​ប្រជាជន​របស់ខ្លួន​គឺ​ធ្វើការ​រួមគ្នា​ដើម្បី​រក​ដំណោះស្រាយ​ប្រកបដោយ​ប្រសិទ្ធភាព​ចំពោះ​វិបត្តិ​នយោបាយ​ក្នុងស្រុក​។​វា​មាន​សារៈសំខាន់​ណាស់​ក្នុងការ​ផ្សារភ្ជាប់​ការខ្វែងគំនិត​គ្នា​តាមរយៈ​ការប្រាស្រ័យ​ទាក់ទង​និង​ការសន្ទនា​គ្នា​ដើម្បី​នាំ​ប្រទេស​ដើរ​លើផ្លូវ​ត្រូវ​វិញ​។​ប្រការនេះ​តម្រូវឱ្យ​យោធា​មី​យ៉ាន់​ម៉ា​គណបក្សនយោបាយ​និង​គ្រប់ផ្នែក​ទាំង​អស់នៃ​សង្គម​ត្រូវ​ចងចាំ​នូវ​ផលប្រយោជន៍​ជា​មូលដ្ឋាន​រយៈពេល​វែងរ​បស់​មី​យ៉ាន់​ម៉ា​ស្វែងរក​ដំណោះស្រាយ​នយោបាយ​តាមរយៈ​ការសន្ទនា​នយោបាយ​ដោយ​គតិបណ្ឌិត​នយោបាយ​និង​រក្សា​ស្ថិរភាព​នយោបាយ​និង​សង្គម​។​ប្រទេស​ចិន​នឹង​បន្ត​ដើរតួនាទី​ក្នុងន័យ​ស្ថាបនា​រហូតដល់​ទីបញ្ចប់​។​

-​សង្គម​មី​យ៉ាន់​ម៉ា​បានចាប់ផ្តើម​យុទ្ធនា​ការមិន​គោរព​ច្បាប់​រដ្ឋ​ហើយ​មានការ​ប្រមូលផ្តុំ​មនុស្ស​យ៉ាងច្រើន​នៅមុខ​ស្ថានទូត​ចិន​ប្រចាំ​នៅ​មី​យ៉ាន់​ម៉ា​អស់​រយៈពេល​ជាច្រើន​ថ្ងៃ​។ តើ​ស្ថានទូត​មាន​អ្វី​ជាការ​អត្ថាធិប្បាយ​?
​យើង​យល់​ពី​សេចក្តីប្រាថ្នា​របស់​ប្រជាជន​ហើយ​យើង​ក៏បាន​លើកឡើង​ពី​ការទាមទារ​ទាំងអស់នេះ​ដែរ នៅពេល​យើង​ជំរុញ​ការសន្ទនា​រវាង​ភាគី​ផ្សេងគ្នា​នៅ​មី​យ៉ាន់​ម៉ា​។​​នាពេល​បច្ចុប្បន្ននេះ​មី​យ៉ាន់​ម៉ា​ប្រឈមមុខ​នឹង​ស្ថានភាព​ក្នុងស្រុក​ធ្ងន់ធ្ងរ​ដែល​ក្នុងនោះ​ការប្រឈមមុខគ្នា​អាច​នឹងត្រូវ​ព​ង្រឹ​ក​បន្ថែមទៀត​។​យើង​សង្ឃឹមថា​គ្រប់ភាគី​ទាំងអស់​អាច​រក្សា​ភាព​ស្ងប់ស្ងៀម​និង​ទប់ស្កាត់​និង​ចៀសវាង​ពី​ការធ្វើ​រឿង​ដែល​អាច​បង្កើន​ជម្លោះ​និង​បង្កើន​ភាព​តានតឹង​។​ក្រោម​ស្ថានភាព​បច្ចុប្បន្ន​អំពើហិង្សា​គួរតែ​ត្រូវ​ចៀសវាង​ហើយ​សិទ្ធិ​ជា​មូលដ្ឋាន​របស់​ប្រជាជន​ចាំបាច់​ត្រូវការពារ​ឱ្យបាន​។​

– តើ​អ្នកមាន​ទស្សនៈ​យ៉ាងណា​ចំពោះ​ទំនាក់ទំនង​បច្ចុប្បន្ន​រវាង​មី​យ៉ាន់​ម៉ា​និង​ចិន​?
​ទោះបី​ការផ្លាស់ប្តូរ​ស្ថានការណ៍​នយោបាយ​នៅ​មី​យ៉ាន់​ម៉ា​គឺជា​កិច្ចការ​ផ្ទៃក្នុង​របស់ខ្លួន​ក៏ដោយ​ក៏ប៉ុន្តែ​គ្មានអ្វី​ត្រូវ​ងឿងឆ្ងល់​ទេ​ដែលថា​វា​នឹង​ជះឥទ្ធិពល​ដល់​ទំនាក់ទំនង​របស់​មី​យ៉ាន់​ម៉ា​ជាមួយ​ប្រទេសជិតខាង​។​យើង​តែងតែ​គិតគូរ​ពី​ផលប្រយោជន៍​របស់​ប្រជាជន​ទាំងពីរ​។​ឧទាហរណ៍​ជាក់ស្តែង​អាជ្ញាធរ​ចិន​និង​អាជ្ញាធរ​តាម​តំបន់​បាន​ជម្នះ​ការលំបាក​ហើយ​ខិតខំ​ប្រឹងប្រែង​ដើម្បី​ធ្វើឱ្យ​ពាណិជ្ជកម្ម​តាម​ព្រំដែន​មាន​ស្ថិរភាព​។​​ឧទាហរណ៍​មួយទៀត​ចិន​និង​មី​យ៉ាន់​ម៉ា​បាន​អនុវត្ត​វិធានការ​ប្រឆាំងនឹង​ជំងឺ​រាតត្បាត​ប្រកបដោយ​ប្រសិទ្ធភាព​ហើយ​ភាគី​ទាំងសងខាង​កំពុង​ពិភាក្សាគ្នា​អំពី​លទ្ធកម្ម​វ៉ាក់សាំង ដែលមាន​សារៈសំខាន់​សម្រាប់​ប្រជាជន​មី​យ៉ាន់​ម៉ា​។​​មានការ​កត់សម្គាល់​ដ៏​រំភើប​មួយចំនួន​អំពី​ចិន​និង​គម្រោង​កិច្ចសហប្រតិបត្តិការ​រ​វាង​ចិន​និង​មី​យ៉ាន់​ម៉ា​ដែល​បាន​ផ្សព្វផ្សាយ​លើ​បណ្តាញ​សង្គម​មី​យ៉ាន់​ម៉ា​នាពេល​ថ្មីៗ​នេះ​និង​សូម្បី​ព័ត៌មាន​ក្លែងក្លាយ​មួយចំនួន​ក៏មានដែរ​។​យើង​បានធ្វើ​ការបញ្ជាក់​ឱ្យបាន​ទាន់ពេលវេលា​ក្នុង​គោលបំណង​ដើម្បី​ជូនដំណឹង​ដល់​សាធារណជន​ទូទៅ​អំពី​ស្ថានភាព​ជាក់ស្តែង​និង​ដើម្បី​រក្សា​ចំណងមិត្តភាព​រវាង​ប្រទេស​ទាំងពីរ​។​​យើង​ប្រឆាំងនឹង​រាល់​ការប៉ុនប៉ង​ប្រើប្រាស់​កិច្ចការ​ក្នុងស្រុក​របស់​មី​យ៉ាន់​ម៉ា​ដើម្បី​ធ្វើឱ្យ​អន្តរាយ​ដល់​កិច្ចសហប្រតិបត្តិការ​មិត្តភាព​រវាង​ចិន​និង​មី​យ៉ាន់​ម៉ា ព្រោះ​ចេតនា​នេះ​នឹង​ធ្វើឱ្យប៉ះពាល់​ដល់​ផលប្រយោជន៍​ផ្ទាល់​របស់​មី​យ៉ាន់​ម៉ា​។​

– តើ​អ្នក​អាច​ដោះស្រាយ​ពាក្យ​ចចាមអារ៉ាម​នៅលើ​បណ្តាញ​សង្គម​ដែល​អះអាងថា ១. យន្តហោះ​ចិន​បាន​ដឹក​អ្នកបច្ចេកទេស​មក​មី​យ៉ាន់​ម៉ា​, ២. ចិន​កំពុង​ជួយ​កងទ័ព​មី​យ៉ាន់​ម៉ាក​សាង​ប្រព័ន្ធ Firewall (​គ្រប់គ្រង​អ៊ី​ន​ធឺ​ណេ​ត​) និង ៣. ទាហាន​ចិន​កំពុង​បង្ហាញ​វត្តមាន​តាម​ដងផ្លូវ​មី​យ៉ាន់​ម៉ា​?
​ទាំងនេះ​គឺជា​ការចោទប្រកាន់​មិន​សម​ហេតុ​សម​ផល​និង​គួរឱ្យ​អស់សំណើច​។​យន្តហោះ​ទាំងនេះ​គឺជា​ជើងហោះហើរ​ដឹកទំនិញ​ធម្មតា​រវាង​ចិន​និង​មី​យ៉ាន់​ម៉ា​ដែល​ជើងហោះហើរ​បាន​ធ្លាក់ចុះ​ពី​១៥១៨​ជើង​ក្នុង​មួយថ្ងៃ​មុនពេល​មាន​ជំងឺ​រាតត្បាត​មក​នៅសល់​ត្រឹម​ប្រហែល ៥ ជើង​ក្នុង​មួយថ្ងៃ​។ យន្តហោះ​ទាំងនោះ​ដឹក​គ្រឿង​សមុទ្រ​និង​ការនាំចេញ​ផ្សេងទៀត​ពី​មី​យ៉ាន់​ម៉ា​ទៅកាន់​ប្រទេស​ចិន​។​​ចិន​តែងតែ​ជាទី​ផ្សារ​នាំចេញ​ដ៏​សំខាន់​សម្រាប់​ផលិតផល​កសិកម្ម​និង​ជលផល​របស់​មី​យ៉ាន់​ម៉ា​។​មាន​ពាក្យ​ចចាមអារ៉ាម​ថា​ជើងហោះហើរ​ទាំងនោះ​ដឹក​បុគ្គលិក​បច្ចេកទេស​ហើយ​បង្ហាញ​តាមរយៈ​រូបភាព​កាត់ត​ដោយ​ចេតនា ដោយ​លុបចោល​ពាក្យ​ថា “​ជើងហោះហើរ​ដឹកទំនិញ​”​។ បន្ទាប់មក មានការ​ឃោសនា​បំផ្លើស​ថា ជើងហោះហើរ​ទាំងនោះ​បាន​ដឹក “​អាវុធ​” ។​

​ទាំងនេះ​មិនមែនជា​ការពិត​ទេ​និង​ជាការ​ព្យាបាទ​។ យើង​សង្ឃឹមថា​ពាក្យ​ចចាមអារ៉ាម​បែបនេះ​នឹងមិន​កើតឡើង​ម្តងទៀត​ទេ​។ បើ​នៅតែមាន​ពាក្យ​ចចាមអារ៉ាម​ដូច្នោះ​ទៀត​វា​នឹង​បាន​ត្រឹម​បញ្ជាក់ថា​មាន​ឧបាយកល​និង​ការជ្រៀតជ្រែក​ដោយ​កម្លាំង​ដែលមាន​ចេតនា​ពី​ខាងក្រៅ ដែល​ធ្វើការ​នៅ​ពីក្រោយ​ឆាក​។ ប្រជាជន​ចិន​ក៏មាន​ការព្រួយបារម្ភ​អំពី​ពាក្យ​ចចាមអារ៉ាម​ទាំងអស់​នេះដែរ​។ មនុស្ស​ជាច្រើន​កំពុង​ត្អូញត្អែរ​អំពី​ពាក្យ​មិន​ពិត​ទាំងនោះ​។​​យើង​សង្ឃឹម​ដោយស្មោះ​ថា​ប្រជាជន​មី​យ៉ាន់​ម៉ា​អាចបែងចែក​អ្វីដែល​ខុស​និង​អ្វីដែល​ត្រូវ​និង​ការពារ​ប្រឆាំងនឹង​ឧបាយកល​នយោបាយ​ដើម្បី​ចៀសវាង​ប៉ះពាល់​ដល់​មិត្តភាព​រវាង​ប្រជាជន​ទាំងពីរ​។​

​ថ្មីៗ​នេះ​ក្រុមប្រឹក្សាសន្តិសុខ​អង្គការសហប្រជាជាតិ​បាន​សម្តែង​ការព្រួយបារម្ភ​យ៉ាងខ្លាំង​អំពី​ការប្រកាស​ស្ថានភាព​អាសន្ន​និង​ការឃុំខ្លួន​ទីប្រឹក្សា​រដ្ឋ​លោកស្រី​អ៊ុង​សាន​ស៊ូ​ជី​និង​ប្រធានាធិបតី អ៊ូ វីន​មីន (U Win Myint) និង​អ្នក​ដទៃទៀត អំពាវនាវ​ឱ្យមាន​ការដោះលែង​ជាបន្ទាន់​នូវ​អ្នក​ទាំងអស់​ដែល​ត្រូវបាន​ឃុំខ្លួន និង លើកទឹកចិត្ត​ដល់​ការបន្ត​កិច្ចសន្ទនា​និង​ការផ្សះផ្សា​ស្របតាម​ឆន្ទៈ​និង​ផលប្រយោជន៍​របស់​ប្រជាជន​មី​យ៉ាន់​ម៉ា​។ ប្រទេស​ចិន​ដែលជា​សមាជិក​ក្រុមប្រឹក្សាសន្តិសុខ​បាន​ចូលរួម​ក្នុង​កិច្ចពិភាក្សា​នេះហើយ​យើង​ជឿជាក់ថា​គ្រប់ភាគី​នៅ​មី​យ៉ាន់​ម៉ា​បានដឹង​អំពី​បញ្ហា​នេះ​។​a miyan nou a miyanmar china a miyanmar coup2