វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2256 នាក់
ម្សិលមិញ 6501 នាក់
សរុប 13950811 នាក់
ខេត្តកំពត៖សត្វក្រួចក្លាស្សេ ជាង៣តោន នាំចូលពីប្រទេសវៀតណាមដោយខុសច្បាប់តាមសកម្មភាពឃុបឃឹតគ្នារបស់មន្ត្រីគយនិងប៉ូលិសច្រកព្រែកចាក ត្រូវបានសមត្ថកិច្ចខេត្តកណ្តាលបង្ក្រាប។
រថយន្តមួយគ្រឿង ចំណុះ១តោន ម៉ាក KIA FRONTIER ពណ៌ស ពាក់ស្លាកលេខភ្នំពេញ២BA-៤០៥៣ បានដឹកសត្វក្រួចក្លាស្សេចំនួន៦៤កេសស្មើនឹង៣២០០គីឡូក្រាម នាំចូលពីប្រទេសវៀតណាមមកកាន់កម្ពុជាដោយគ្មានលិខិតអនុញ្ញាតអ្វីទាំងអស់ តាមច្រកព្រែកចាក ស្រុកកំពង់ត្រាច ខេត្តកំពត ត្រូវបានសមត្ថកិច្ចខេត្តកណ្តាលបង្ក្រាបបាន កាលពីរសៀលថ្ងៃទី១២ ខែធ្នូ ឆ្នាំ២០២១ នៅចំណុចភូមិក្រាំងគាំ ឃុំត្រែង ស្រុកកណ្ដាល ស្ទឹងខេត្តកណ្តាល ។
ការបង្ក្រាបនេះ ធ្វើឡើងដោយមានការសម្របសម្រួលនីតិវិធីពី លោក លាវ ស្រេង ព្រះរាជអាជ្ញាអមសាលាដំបូងខេត្តកណ្តាល និង ក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វនិងផលិតកម្មសត្វ ។បច្ចុប្បន្នក្រុមការងារបាននាំយកវត្ថុតាងទាំងអស់នេះទៅរក្សាទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វនិងផលិតកម្មសត្វដើម្បីចាត់ការបន្តតាមនីតិវិធី ។
ប្រភពព័ត៌មានផ្សេង មួយទៀត បង្ហើបឲ្យដឹងថា ប្រសិនបើគ្មានការបើកភ្លើងខៀវពីមន្ត្រីច្រកព្រែកចាក ស្រុកកំពង់ត្រឡាច ខេត្តកំពត ទេ ឡានមួយគ្រឿងនេះក៏មិនអាចធ្វើចរាចរណ៍ដោយដឹកសត្វក្រួចក្លស្សេគ្មានច្បាប់ដោយរលូនបែបនេះដែរ ៕