វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3356 នាក់
ម្សិលមិញ 6001 នាក់
សរុប 13876186 នាក់
ខេត្តតាកែវ៖ អាជ្ញាធរស្រុកកោះអណ្ដែត បុរីជលសារនិងអង្គរបុរីត្រូវគេរាយការណ៍ថាបានជួលដីស្រែប្រាំងរាប់សិបតាឲ្យជនជាតិវៀតណាមចូលមកធ្វើស្រែប្រាំងដែលប្រការនេះការបំពាននិងគឺបំពានសេចក្តីណែនាំរបស់សម្ដេចក្រឡាហោមសខេង។
\ប្រភពពីសមត្តកិច្ច មន្ត្រីនគបាលអន្តោប្រវេសន៍ខេត្តទទួលស្គាលថា មានជនជាតិវៀតណាម ចូលមកធ្វើស្រែនារដូវប្រាំងលើទឹកដីក្នុងស្រុកបូរីជលសារ និងស្រុកកោះអណ្តែត ពិតប្រាកដមែន ដោយពួកគេទាំងនោះខ្លះបោះតង់សង់ជារោងស្នាក់នៅធ្វើស្រែ ខ្លះទៀតមិនបានធ្វើរោងស្នាក់នៅធ្វើនៅក្បែរដីស្រែដែលកំពុងបង្កបង្កើនផលនោះទេ គឺមកព្រឹក រួចត្រឡប់ទៅវិញល្ងាច។ សម្រាប់ស្រុកកោះអណ្តែតវិញ មានជនជាតិវៀតណាមធ្វើស្រែហើយពួកគេមានលិខិតអនុញ្ញាតិស្នាក់នៅក្នុងប្រទេសកម្ពុជាស្របច្បាប់ និងខ្លះក៏ចូលមកធ្វើរោង ដើម្បីស្នាក់នៅផងដែរ។
លោក ផាន ផល អធិការនគរបាលស្រុកបូរីជលសារ បានឲ្យកាសែតដឹងថា រឿងនេះលោកមិនដឹងច្បាស់នោះទេ ហើយលោកក៏មិនជាប់ពាក់ព័ន្ធក្នុងរឿងជួលដីឲ្យវៀតណាមធ្វើស្រែប្រាំងនោះដែរ គឺមានឈ្មោះទាហានព្រំដែនម្នាក់ជាអ្នកធ្វើ។ករណីមានជនជាតិវៀតណាមមកជួលដីធ្វើស្រែក្នុងស្រុកបូរីជលសារនេះ លោក ទុយ សុភ័ក្រ អភិបាលស្រុកបូរីជលសារ មិនអាចទាក់ទងសុំការបំភ្លឺបានទេ ។
រឿងរ៉ាវនៃការជួលដីស្រែទៅឲ្យជនជាតិវៀតណាមនៅជិតព្រំដែនក្នុងខេត្តតាកែវបានកើតឡើងជាញឹកញាប់ទោះបីជាក្រសួងមហាផ្ទៃបានណែនាំម្ដងហើយម្ដងទៀតយ៉ាងណាក៏ដោយ។គេរង់ចាំមើលថាតើថ្នាក់ដឹកនាំខេត្តតាកែវនឹងបណ្ដាស្រុកទាំងឡាយអ្នកបានជួលដីឲ្យជនជាតិវៀតណាមចូលមកធ្វើស្រែនោះបានអ្វីឆ្លើយតបជាមួយថ្នាក់ដឹកនាំក្រសួងមហាផ្ទៃ?។
សូមបញ្ជាក់ថាបើតាសារាចរណែនាំរបស់សម្ដេចក្រឡាហោមសខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបញ្ជាក់ច្បាស់ថាមិនអនុញ្ញាតឲ្យមានការជួលដីស្រែឲ្យទៅជនជាតិវៀតណាមធ្វើស្រែប្រាំងនោះជាដាច់ខាត។ប៉ុន្តែបណ្តាស្រុកខ្លះជាប់ព្រំដែនវៀតណាមនៃខេត្តតាកែវនៅតែបំពានសេចក្តីណែនាំរបស់សម្ដេចក្រឡាហោមទៅវិញ?។