វេទិការក្លឹបអ្នកកាសែតទាមទាឲ្យកាសែតពង្រឹងក្រមសីលធម៍ទប់ស្កាត់ពត៍មានក្លែងក្លាយតែអត់និយាយអីតិចពីច្បាប់ស្តីពីសិទ្ធទទួលពត៍មានដែលជាចំនុចគន្លឹះ!
08-July-2026 / ព័ត៌មានជាតិ
ភ្នំពេញ៖ នាព្រឹកថ្ងៃទី១៩ ខែ ធ្នូ ឆ្នាំ ២០២០នេះ នៅភោជនីយដ្ឋានមេគង្គវីយូ១ ជ្រោយចង្វា ក្លិបអ្នកកាសែតកម្ពុជា បានរៀបចំវេទិកានិពន្ធនាយកលើកទី១៧ក្រោមប្រធានបទ សារព័ត៌មានក្នុងបរិបទជំងឺរាតត្បាតសកល និងព័ត៌មានក្លែងក្លាយក្រោមអធិបតីភាពលោក ខៀវ កាញារីទ្ធិ រដ្ឋមន្ត្រីក្រសួងព័ត៌មាន និងមានការចូលនិពន្ធនាយកកាសែត វិទ្យុ ទូរទស្សន៍ គេហទំព័រមកពីអង្គភាពនានាប្រមាណជាង៥០នាក់។
សម្តេចតេជោនាយករដ្ឋមន្ត្រីបានផ្ញើសារលិខិត បានអបអរសាទរវេទិកានិពន្ធនាយកសារព័ត៌មានកម្ពុជាលើកទី១៧ និងបានផ្តាំផ្ញើឲ្យយកចិត្តទុកដាក់ក្នុងការទប់ស្កាត់ជំងឺកូវីដ-១៩ទាំងអស់គ្នា។ទន្ទឹមនេះបានអំពាវនាវឲ្យអ្នកសារព័ត៌មានទាំងអស់ ចូលរួមប្រយុទ្ធប្រឆាំងនឹងព័ត៌មានក្លែងក្លាយ ប្រកបដោយវិជ្ជាជីវ:ត្រឹមត្រូវ គោរពច្បាប់ ដោយផ្សព្វផ្សាយតែព័ត៌មានពិតនិងបកស្រាយឲ្យទាន់សភាពការណ៍និងគោរពគោលការណ៍” កុំបំពានសិទ្ធិអ្នកដទៃ កុំបំភ្លៃការពិត ។
លោក ហ៊ុយ វណ្ណៈរដ្ឋលេខាធីការក្រសួងមហាផ្ទៃនិងជា ប្រធានសហភាពសហព័ន្ធអ្នកសារព័ត៌មានកម្ពុជា បានដាកទឹសស្លោកឲ្យអ្នកសារពត័មានថា, សារព័ត៌មាន «៤កុំ»៖ «កុំជោ កុំជេរ កុំបំភ្លៃ កុំកាត់ក្តី» ផ្សាយតែការពិត!។លោក ខៀវ កាញារីទ្ធ រដ្ឋមន្ត្រីក្រសួង បានថ្លែងថា លោកនឹងខិតខំធ្វើឲ្យអ្នកសារព័ត៌មាន ស្ថិតនៅក្នុងចំណោម អ្នកដែលមានអាទិភាព ក្នុងការទទួលបានការចាក់វ៉ាក់ សាំងបង្ការជំងឺឆ្លងកូវីដ១៩, ប៉ុន្តែលោកថា ទទួលបានឬមិនបានយ៉ាងណានោះ លោកមិនហ៊ានសន្យានៅឡើយ នោះទេ ព្រោះវ៉ាក់សាំង ដែលទទួលបាននៅក្នុងដំណាក់កាលដំបូងនេះ មានចំនួន១លានដូសប៉ុណ្ណោះ ដែលអាចប្រើបានលើមនុស្សតែ៥០ម៉ឺននាក់ប៉ុណ្ណោះ។
លោករដ្ឋមន្ត្រីព័ត៌មាន ក៏បានណែនាំ ឲ្យអ្នកសារព័ត៌មានទាំងអស់ មានការប្រយ័ត្នប្រយែង នៅក្នុងការយកព័ត៌មាន ដោយត្រូវរក្សាអនាម័យ រក្សាគន្លាតសង្គម ហើយបើមានការបារម្ភ អាចធ្វើការពីផ្ទះ។ទាក់ទងនិងការយកពត៍មានលោករដ្ឋមន្ត្រីក៏បានណែនាំឲ្យអ្នកសារព័ត៌មាន ត្រូវខិតខំធ្វើការយកព័ត៌មាន សម្រួលព័ត៌មាន និងបញ្ចេញព័ត៌មានទៅវិញ ឲ្យបានកាន់តែល្អជាងមុន តាមរយៈការមានប្រភពច្បាស់លាស់ ការវិភាគច្បាស់លាស់ និងជូនដំណឹងទាន់ពេលវេលា។
វេទិកានិពន្ធនាយកលើកទី១៧ ក៏បានចេញសេចក្តីថ្លែងការណ៍រួមមួយ ដោយលើកឡើងថា ទោះជាស្ថិតក្នុងស្ថានភាពលំបាកយ៉ាងណាក៏ដោយ ក៏អ្នកសារព័ត៌មាន ត្រូវប្រកាន់ខ្ជាប់ក្រមសីលធម៌វិជ្ជាជីវៈ ដោយមិនបន្ធូរដៃឡើយពីព្រោះវាជាតម្លៃ និងជាជំនឿរបស់មហាជន ដែលមិនអាចបោះបង់បានក្នុងគ្រប់កាលៈទេសៈ។
វេទិកានិពន្ធនាយកលើកទី១៧ យល់ឃើញថា ការចូលរួមបន្សាបព័ត៌មានក្លែងក្លាយ តាមរយៈការផ្តល់ព័ត៌មានពិតដល់ប្រជាពលរដ្ឋឲ្យបានលឿនរហ័ស គឺជាតួនាទីមិនអាចខ្វះបានរបស់សារព័ត៌មានអាជីពក្នុងគ្រប់កាលៈទេសៈ ជាពិសេសក្នុងកាលៈទេសៈដែលមានវិបត្តិជំងឺឆ្លងកាចសាហាវ ឬពេលមានហានីភ័យផ្សេងៗទៀតដែលងាយធ្វើឲ្យពលរដ្ឋទទួលរងគ្រោះ។
ទោះជាយ៉ាងណាអ្វីដែលជាការខកចិត្តសម្រាប់ប្រជាពលរដ្ឋពិសេសអ្នកសារពត៍មានដែលក្នុងវេទិការនេះឮតែការព្រមានចំពោះអ្នកសារពត៍ថាកុំនេះកុំនោះតែបែជាមិនឮមានមន្ត្រីណាអះអាថាច្បាប់ស្តីពីសិទ្ធទទួលពត៍មានដែលចំណុចគន្លឺះនិងជាធាតុផ្សំសំខាន់សម្រាប់កាត់បន្ថយការកើតពត័មានក្លែងក្លាយនិងជួយលើកកំពស់សេរីភាពតម្លាភាពក្នុងសង្គមមិនត្រូវបានឭគេរំលឹកឡើយបើទោះជាកាលពីក្នុងវេទិការសារពត៍មានជាមួយនាយករដ្ឋមន្ត្រីសម្តេចតេជោបានដាក់ឱសានុវាទឲ្យចេញច្បាប់នេះត្រឹមឆ្នាំ២០២០ក៏ដោយ។រឿងដែលហួសចិត្តគឺគេឃើញលោក ឆាយ សុផល អនុរដ្ឋលេខាធិការ ក្រសួងព័ត៌មាន និងជាគ្រូបង្រៀនលើវិជ្ជាជីវៈសារព័ត៌មាន បានត្រឹមទទួលស្គាល់ថា៖ អាជ្ញាធរខ្លះក៏មានកំហុសដែរ ដោយមិនឆ្លើយតប ឬឆ្លើយតបមិនទាន់ពេល! ជូនដល់អ្នកសារព័ត៌មាន(មិននិយាយពីច្បាប់)។
លោកបានរំលឹកថា, ក្រសួងព័ត៌មានកំពុងគិតគូរពីប័ណ្ណសមធម៌ និងប័ណ្ណ ប.ស.ស. សម្រាប់អ្នកសារព័ត៌មានវិជ្ជាជីវៈ [មិនមែនអ្នកផ្សាយតាមហ្វេសប៊ុក] និងពិចារណាលើច្បាប់ការងារដែលតម្រូវឲ្យម្ចាស់ស្ថាប័នទទួលខុសត្រូវដល់អ្នកសារព័ត៌មាន។ឯបញ្ហាច្បាប់ស្តីពីសិទ្ធទទួលពតិមានវិញលោកឆាយសុផលនិយាយបង្ហើថា៖ក្រសួងក៏កំពុងរៀបចំធ្វើវិសោធនកម្មច្បាប់ស្តីពីសិទ្ធិទទួលព័ត៌មាន!? ។ពិរោះដែរតើ!៕(សហការី)
