វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 38 នាក់
ម្សិលមិញ 6501 នាក់
សរុប 13948593 នាក់
ភ្នំពេញ៖នាព្រឹកថ្ងៃទី ៤ ខែធ្នូ ឆ្នាំ២០២១ បុគ្គលជោគជ័យលើអនឡាញ (គ្រូជោគជ័យ) ប៊ុន ផាក ឬមានឈ្មោះពិត ប៊ុន រស្មី ដែលគេស្គាល់ថា ជា CEO ក្រុមហ៊ុន Camazoon ត្រូវបានសមត្ថកិច្ចកម្លាំងនគរបាលព្រហ្មទណ្ឌការិយាល័យកម្រិតស្រាលនៃស្នងការនគរបាលរាជធានីភ្នំពេញ ចាប់ឃាត់បញ្ចូនខ្លួនលោកចូលសាលាដំបូងរាជធានីភ្នំពេញ។
ការឃាត់ខ្លួនលោកគ្រូជោគជ័យនេះ គឺពាក់ព័ន្ធការក្លែងបន្លំជាមេធាវីតាមពាក្យប្តឹងរបស់ឈ្មោះជា ចាន់តុលាភេទប្រុសអាយុ២៩ឆ្នាំ។ ឈ្មោះប៊ុន រស្មី ហៅ ប៊ុនផាក (Bun Pak) អាយុ ២៨ឆ្នាំ មហាជនភាគច្រើនស្គាល់ថា ជាអ្នកបង្ហាត់បង្ហាញលើជំនួញជោគជ័យ និងជាអគ្គនាយកក្រុមហ៊ុន Camazoon បំរើសេវាកម្មទិញទំនិញពីក្រៅស្រុកមកខ្មែរ ។ពាក្យបណ្ដឹងបានបញ្ជាក់ថា ឈ្មោះ ប៊ុន រស្មី បានធ្វើសកម្មភាពតាំងខ្លួនជាមេធាវី រារាំង និងញុះញង់ឱ្យឈ្មោះ ស៊ាន ធាវី និងបុគ្គលិករបស់ហាងឈ្មោះ V SHOP CAMBODIA យកសំលៀកបំពាក់ក្នុងហាង ទូដែក វេរប្រាក់ ចេញពីគណនីធនាគារ និងផ្ទេរកម្មសិទ្ធិផ្ទះរបស់ ខ្លួននិងឈ្មោះ ស៊ាន ធារី ប្រព្រឹត្តនៅរាជធានីភ្នំពេញ អំឡុងខែវិច្ឆិកា ឆ្នាំ២០២១ ។
តាមពាក្យបណ្ដឹងថា កាលពីអំឡុងខែវិច្ឆិកា ឆ្នាំ២០២១ ឈ្មោះ ប៊ុន រស្មី ហៅ ប៊ុន ផាក (Bun Park) បានលួចមានទំនាក់ទំនងជាមួយ ឈ្មោះ ស៊ាន ធារី ដែលត្រូវជាប្រពន្ធរបស់ខ្ញុំបាទ(អនីតិសង្វាស) ដោយបង្គាប់ឱ្យឈ្មោះ ស៊ាន ធារី យកទូដែក ចេញពីផ្ទះរបស់ខ្ញុំបាទ ផ្ទេរប្រាក់ចេញពីគណនីធនាគាររបស់ឈ្មោះ ស៊ាន ធារី ដែលប្រាក់នេះគឺជាប្រាក់ដែលបាន មកពីការរកស៊ីជាមួយគ្នា និងឱ្យឈ្មោះ ស៊ាន ធាវី ផ្ទេរកម្មសិទ្ធិផ្ទះដែលឈ្មោះ ជា ចាន់តុលា និងឈ្មោះ ស៊ាន ធាវី បានទិញរួមគ្នា និងបានផ្ញើរសារបង្គាប់ឲ្យឈ្មោះ ស៊ាន ធាវី ដកឈ្មោះ ជា ចាន់តុលា ចេញពីគ្រុបការងារ និងបណ្ដេញខ្ញុំបាទចេញលែងឲ្យ ធ្វើការងារបន្តទៀត ហើយថែមទាំងប្រាប់ឲ្យ ស៊ាន ធារី ផ្លាស់ប្តូរសោរទ្វារផ្ទះលែ្វងមិនឲ្យខ្ញុំបាទចូលស្នាក់នៅបានដោយ ពុំបានផ្ដល់ដំណឹងឲ្យឈ្មោះ ជា ចាន់តុលា បានដឹងឡើយ ។
លោកលីចាន់តុលាប្រធានគណមេធាវីក៏បានចេញលិខិតបញ្ជាក់ថាឈ្មោះប៊ុន ផាក ឬមានឈ្មោះពិត ប៊ុន រស្មីមិនមានឈ្មោះជាមេធាវីដែរ។សម្រាប់ករណីគ្រូជោគជ័យនេះមានការខ្សឹបខ្សៀវថាគ្រូនេះមានខ្សែធោមៗណាស់មិនងាយធើអីបានទេ?។ជាក់ស្តែងតាមមន្ត្រីសាលាដំបូងរាជធានីភ្នំពេញ បានប្រាប់កាសែតថា ជនសង្ស័យរូបនេះនៅរសៀលថ្ងៃទី៤ធ្នូ២០២១ ត្រូវបានដោះលែងឲ្យនៅក្រៅឃុំជាបណ្តោះអាសន្ន តែយ៉ាងណា រូបលោក ស្ថិតក្រោមការត្រួតពិនិត្យរបស់តុលាការ!។