បែករឿងឃុបឃិតគ្នាពីថ្នាក់ឃុំរហូតដល់ថ្នាក់ខេត្តកឹបលុយគម្រោងមូលនិធិ ឃុំ ឆ្នុកទ្រូ!
21-September-2026 / ព័ត៌មានជាតិ
ខេត្តកំពង់ឆ្នាំង៖ គម្រោង១នៃ មូលនិធិ ឃុំ ឆ្នុកទ្រូ សម្រាប់ ការ ជួសជុល និង សាងសង់ ផ្លូវ ដែល បាន ដាក់ ឲ្យ ដេញ ថ្លៃ កាល ពី ព្រឹកថ្ងៃទី២៥ ខែមករា ឆ្នាំ ២០១៩ នៅ សាលា ឃុំ ឆ្នុកទ្រូ ស្រុក បរិបូរណ៌ ខេត្ត កំពង់ឆ្នាំង ត្រូវ បាន គេរាយការណ៍ ថា មាន ការ ឃុបឃិត គ្នា រវាង គណៈ កម្មការ ម្ចាស់ លទ្ធកម្ម និង ក្រុម ហ៊ុនអ្នក ទទួល កឹបយក កញ្ចប់ ថវិកាជាតិ របស់ គម្រោង រាប់រយលាន ។
ប្រភពពីក្រុមហ៊ុនចូលរួមដេញថ្លៃបាន ឲ្យ ដឹងថា គម្រោង ដែល បានដាក់ ឲ្យ ដេញ ថ្លៃ កាលពី ព្រឹកថ្ងៃ ទី ២៥ ខែ មករាកន្លងមក នេះ គឺ មាន ចំនួន ១ឃុំ ក្នុង នោះ មាន ឃុំ ឆ្នុកទ្រូ ១គម្រោង មាន ការ សាងសង់ ផ្លូវ ចាក់ដីសរ ១ខ្សែ ប្រវែង ២.៣៤៨ម. តម្លៃ ប៉ាន់ស្មាន ១៨៧.៩៣៤.៩៦៥ មួយរយប៉ែតសិបប្រាំពីរលាន.ប្រាំបួនរយសាមសិបបួនម៉ឺន.ប្រាំបួនរយហុកសិបប្រាំរយរៀល) ត្រូវបាន ក្រុមហ៊ុន យ៉េនវៃ របស់ លោក ថូ សាម៉េន ចរចា ឃុបឃិត គ្នាក្នុងលុយទឹកតែជាច្រើនពាន់ដុល្លារអាមេរិក ។
ចឹងការ ដាក់ ដេញ ថ្លៃ គម្រោង របៀប ចងមុង ខាងលើ នេះ គឺ ម្ចាស់ គម្រោង ត្រូវ ចំណាយ លុយ ជាច្រើនលានរៀល ក្នុង តម្លៃ គម្រោង ទាំង មូល មាន ន័យ ថា ក្នុង ១គម្រោង ខាងលើ នេះ មាន ទឹក ប្រាក់ សរុប ជាង ១៨៧.៩៣៤.៩៦៥លាន រៀល។ អ៊ីចឹង ត្រូវ ដក ថ្លៃ ទឹក តែបាន ជាច្រើនលាន រៀល ហើយ ប្រាក់ ទាំង នោះ ត្រូវ ធ្វើ ការ បែងចែក លើ ក្រុមហ៊ុនដេញថ្លៃ និងបច្ចេកទេស ការ បែងចែក ទៅ ឲ្យ ក្រុម ហ៊ុន ដទៃ ដែល មាន វត្តមាន នៅ ទី នោះ តែ មិន បាន ដាក់ សំណើ ដេញ ថ្លៃ ទេ គឺ ពួកគាត់ គ្រាន់ តែ មក អង្គុយ ចាំ យក លុយ ទឹកតែ ។
ព្រោះ មុន ពេល ធ្វើ ការ ប្រកាស ដាក់ ដេញ ថ្លៃ គឺ ពួកគាត់ បាន ឃុបឃិត គ្នា នៅ លើ សាលា ឃុំ និងខាងក្រោមសាលាឃុំរួច ជាស្រេច ហើយ បើសិនជា មាន ក្រុមហ៊ុន ណា មួយ ដែរ នៅតែចចេស មិន ព្រម ចុះ សម្រុង គឺ មាន បង ធំ ម្នាក់ ឈ្មោះ លីសុភាព នឹង ចាប់ទាញយកបីតចេញពីក្នុងធុងចេញក្រៅ មិនចាំបាច់គណៈកម្មការសម្រេចទេ។
មន្ត្រីលទ្ធកម្មឃុំឆ្នុកទ្រូនិងសាលាខេត្តកំពង់ឆ្នាំង លោក ហង្សពិសីដែលជាអ្នកគ្រប់គ្រងគំរោងការដេញថ្លៃនេះ សារពត៍មានយើងមិនអាចសុំការពន្យល់បានទេ ពីភាពមិនប្រកតីរបស់មន្ត្រីលទ្ធកម្មឃុំឆ្នុកទ្រូនិងមន្ត្រីសាលាខេត្តកំពង់ឆ្នាំងលោកហង្សពិសីដែលតែងតែឃុបឃិតគ្នាជាមួយនិងក្រុមឈ្មួញដេញថ្លៃនេះ ។
ដើម្បីឲ្យការ សាងសង់ ផ្លូវ ឲ្យ មាន គុណភាព ត្រូវ តាម ស្តង់ដារ និង ការ ដាក់ ដេញ ថ្លៃ សេរី យុត្តិធម៌តម្លាភាព ប្រជាពលរដ្ឋ ក្នុង ឃុំឆ្នុកទ្រូ បាន សំណូមពរ ដល់ ឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំងគួរ ចាត់តាំង មន្ត្រី ជំនាញ ចុះ ត្រួតពិនិត្យ ពេល ប្រកាស ដេញ ថ្លៃ និង ពេល ចាប់ផ្ដើម សាងសង់ ផ្លូវនោះ ផង។ជាពិសេសអង្គភាពប្រឆាំងអំពើពុករលួយសុំមកស្រាវជ្រាវផងទានដើម្បីថវិកាជាតិដែលបានមកពីការបង់ពន្ធរបស់ប្រជាពលរដ្ឋ។
សូមបញ្ជាក់ផងដែរ.គណៈកម្មការលទ្ធកម្មពិនិត្យសុពលភាពលើក្រុមហ៊ុនដេញថ្លៃ៤ចំណុច៖
១.លិខិតធានាប្រាក់កក់ក្នុងការដេញថ្លៃ។២.អ្នកដេញថ្លៃដែលមានសិទ្ធក្នុងការចូលរួមដេញថ្លៃដែរឬទេ?គឺក្រុមហ៊ុនដែលបានចុះបញ្ជីនៅរដ្ឋបាលខេត្តឬទេ?
៣.បណ្ណ័ប៉ាតង់ឆ្នាំ២០១៩។៤.ពិនិត្យទៅលើសំណើរដេញថ្លៃមានចុះហត្ថលេខាត្រឹមត្រូវដែលឬទេ?
ក្រុមហ៊ុនយ៉េនវ៉ៃដែលមានលោកថូសាម៉េនជាប្រធានក្រុមហ៊ុនដេញថ្លៃបានក្នុងទឹកប្រាក់ចំនួន១៨០,៩៩៦,០០០៛(មួយរយប៉ែតសឹបលានរៀលជាង)។
ក្នុងចំណោម៤ចំណុចខាងលើបើខ្វះចំណុចណាមួយក្រុមហ៊ុននោះគ្មានសុពលភាពទេ(ហៅកាត់ថាមិនបានការ)។
ក្រុមហ៊ុនបានចុះបើកការដ្ឋានសាងសង់ផ្លូវក្នុងខែកុម្ភៈឆ្នាំ២០១៩ត្រូវបានក្រុមប្រឹក្សាឃុំឆ្នុកទ្រូប្រជុំវាយតម្លៃ៥០%នៅក្នុងខែមិនាឆ្នាំ២០១៩។តែបែរជាក្រុមហ៊ុនគ្មានបណ្ណ័ប៉ាតង់សំរាប់បើកប្រាក់ទៅវិញ!?។ដូចនេះក្រុមហ៊ុនយ៉េនវ៉ៃគឺគ្មានសុពលភាពចាប់ពីថ្ងៃសំណើរដេញថ្លៃមកម្ល៉េះ។ក្រុមហ៊ុនបានផ្អាកការសាងសង់ផ្លូវនេះអស់រយះពេលជិត២ខែមកហើយតែក្នុងខែឧសភាកន្លងមកនេះក្រុមហ៊ុនបានដំណើរការបន្ត។
ប្រជាពលរដ្ឋម្ចាស់ឆ្នោតរាប់រយគ្រួសារក្ដៅក្រហាយរអ៊ូរទាំថាផ្លូវនេះបានប៉ុន្មានថ្ងៃប៉ុន្មានខែទៅបើយក(ដីខ្សាច់ចាក់ពីក្រោម)(ដីកាដេងឈូសលប់ពីលើ)គ្មានរូឡូកិនឲ្យហាប់នោះទេ។
