វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2093 នាក់
ម្សិលមិញ 6677 នាក់
សរុប 14149669 នាក់
ភ្នំពេញ៖ ក្រុមអាជីវករជាង ១០០នាក់ បានផ្ទុះការតវ៉ា ដើម្បីស្នើសុំឱ្យកែសម្រួល ២ចំណុចគឺ ទី១ សុំកែពីពាក្យ បង់ថ្លៃជួលតូប មកជាពាក្យបន្តបណ្ណកម្មសិទ្ធិជូនដល់អាជីវករ និងទី២ សុំបញ្ចុះថ្លៃតូប ៥០ភាគរយ នៅក្នុងអាណត្តិថ្មីរយៈពេល ២០ឆ្នាំ។
ការតវ៉ារបស់អាជីវករនេះ បន្ទាប់ពីគណៈកម្មការផ្សារអូរឫស្សី បានជូនដំណឹងដល់ក្រុមអាជីវកផ្សារអូឫស្សី ឱ្យចូលទៅដាក់ពាក្យបង់ថ្លៃជួលតូប សម្រាប់អាណត្តិថ្មីរយៈពេល ២០ឆ្នាំ ដែលគិតចាប់ពីថ្ងៃទី១ ខែមករា ឆ្នាំ២០២១ ដល់ថ្ងៃទី៣១ ខែធ្នូ ឆ្នាំ២០៤០ ដែលចាប់ផ្ដើមពីថ្ងៃទី១៥ ខែកក្កដា ឆ្នាំ២០២២ ដល់ថ្ងៃទី១៥ ខែតុលា ឆ្នាំ២០២២ រៀងរាល់ថ្ងៃច័ន្ទ ដល់ថ្ងៃសុក្រ។
ចំពោះសំណើររបស់ក្រុមអាជីវកររឿងកែពាក្យពេជពីជួលមកជាការបន្តកម្មសិទ្ធនេះ ត្រូវបានគណៈកម្មការផ្សារយកទៅជូនថ្នាក់លើ ដើម្បីពិភាក្សា និងធ្វើការដោះស្រាយ ហើយថា នឹងជូនដំណឹងដល់អាជីវករនៅពេលក្រោយ ពេលនោះក្រុមអាជីវករក៏បានយល់ព្រម និងបំបែកគ្នាទៅលក់ដូរតាមតូបរៀងៗខ្លួនវិញជាធម្មតា។
លោក ម៉េត មាសភក្ដី អ្នកនាំពាក្យសាលារាជធានីភ្នំពេញ បានប្រាប់កាសែតថា ចំពោះសំណើ២ចំណុចរបស់ក្រុមអាជីវករផ្សារអូរឫស្សី ទុកឱ្យគណៈកម្មការផ្សារជាអ្នករៀបចំ និងធ្វើការសម្របសម្រួលជាមួយនឹងក្រុមអាជីវករ ទៅ។អាជ្ញាធរមិនលូកដៃចូលទេ ប៉ុន្តែប្រសិនបើនៅតែដោះស្រាយមិនចេញចាំគិតបន្តទៀត?៕