គ្មានការស្រាវជ្រាវករណីយ៍លោកព្រាបកុលតរដ្ឋមន្ត្រីប្រតិភូទេតែចាប់ខ្លួនអ្នកបង្ហើបរឿងពុករលួយវិញ!
25-April-2025 / ព័ត៌មានជាតិ
ភ្នំពេញ៖នៅថ្ងៃទី២៤ មករាអ្នកនាំពាក្យស្នងការនគរបាលរាជធានីភ្នំពេញលោក សំវិច្ឆិកាបានប្រាប់កាសែត នេះថា ម្ចាស់គណនីហ្វេសប៊ុកឈ្មោះ Chivann Pen និងដែលមានឈ្មោះពិត យ៉ង់ ប៉ាក់ដែលបង្ហើបរឿងលោកព្រាបកុលរដ្ឋមន្ត្រីប្រតិភូអមនាយករដ្ឋមន្ត្រីថាជាប់ពាក់ពន្ធ័ការកឹបកេងលុយកំពុងរងបទចោទចំនួន ២ករណី គឺបទបរិហារកេរ្តិ៍ជាសាធារណៈ និងញុះញង់ឱ្យមានការរើសអើង។
លោកសំ វិច្ឆិកាឲ្យដឹងថា៖ លោក យ៉ង ប៉ាក់ដែលជានាយកប្រតិបត្តិនៃក្រុមហ៊ុនAGRIBEE Cambodia ត្រូវបានបញ្ចូនទៅកាន់តុលាការដើម្បីបន្តនីតិវិធីច្បាប់តបតាមពាក្យបណ្តឹងរបស់លោក ព្រាប កុល។ម្ចាស់គណនីហ្វេសប៊ុកឈ្មោះ Chivann Pen បានសរសេរលើគណនីផ្ទាល់ខ្លួនថា លោក ព្រាបកុលដែលជារដ្ឋមន្ត្រីប្រតិភូអមនាយករដ្ឋមន្ត្រីត្រូវបានគេសង្ស័យជាប់ពាក់ព័ន្ធនឹងការកិបកេងលុយជាង៨០លានដុល្លារក្នុងគម្រោងវិនិយោគអចលនទ្រព្យរបស់ក្រុមហ៊ុន CIC។ការហ៊ានអះអាងដូចនេះដោយលោក យ៉ង ប៉ាក់សំអាងលើភស្តុតាងមួយចំនួនរួមមាន លំហូរសាច់ប្រាក់ក្នុងប្រព័ន្ធធនាគារ វីដេអូនៃកិច្ចប្រជុំក្រុមប្រឹក្សាភិបាល និងឯកសារពាក់ព័ន្ធផ្សេងទៀតដែលផ្តល់ដោយអ្នកវិនិយោគ និងសមាជិកនៃក្រុមប្រឹក្សាភិបាលនៃCIC ។
លោក ព្រាប កុលបានចេញមុខបដិសេធ និងចាត់ទុកការលើកឡើងនេះជារឿងមិនពិត និងបានស្នើឱ្យបុគ្គលឈ្មោះ Chivann Pen លុបសំណេររបស់ខ្លួនចេញ និងធ្វើការសុំទោសលោកជាសាធារណៈ។ តែម្ចាស់គណនីហ្វេសប៊ុកដែលតែងរិះគន់បញ្ហាសង្គម ពិសេសពាក់ព័ន្ធវិស័យកសិកម្មរូបនេះមិនព្រមធ្វើតាមសំណើលោកព្រាប កុលទើបមេធាវីរបស់លោកសម្រេចដាក់ពាក្យបណ្តឹងតែម្តង។តាមសំណើររបស់លោកព្រាបកុល ក្រុមហ៊ុនCICបានចេញលិខិតបំភ្លឺមួយច្បាប់ក្នុងថ្ងៃទី២៣ មករាដោយបញ្ជាក់ថា លោកព្រាប កុលមិនបានជាប់ពាក់ព័ន្ធនឹងការកិបកេងប្រាក់ជាង៨០លានដុល្លារពីស្ថាប័នរបស់ខ្លួនឡើយ និងថា លោកក៏ពុំធ្លាប់មានតួនាទីក្នុងរចនាសម្ព័ន្ធរបស់ក្រុមហ៊ុនCICដែរ។
ប្រធានគណ:កម្មការនៃក្រុមហ៊ុនវិនិយោគ CiC បានចេញលិខិត១ច្បាប់ផ្ញើជូនលោក ព្រាប កុល រដ្ឋមន្ត្រីប្រតិភូអមនាយករដ្ឋមន្ត្រី ដោយបញ្ជាក់ថា ខ្លួនមានការសោកស្តាយដែលមានព័ត៌មានផ្សព្វផ្សាយចោទថា លោក ព្រាប កុល បានពាក់ព័ន្ធនឹងការកិបកែងប្រាក់មូលនិធិចំនួន៨០លានដុល្លាអាមេរិក ពីស្ថានប័នរបស់ខ្លួន។ប្រធានគណកម្មការនៃក្រុមហ៊ុន CiC បានបញ្ជាក់ថា លោក ព្រាប កុល មិនធ្លាប់មានតួរនាទីនៅក្នុងរចនាសម្ព័ន្ធ នៃគណៈគ្រប់គ្រង ឬក្រុមប្រឹក្សាភិបាលនៃស្ថាប័ន CiC នោះទេ ចាប់តាំងពីការបង្កើត CiC រហូតមកទល់ពេលនេះ ហើយឆ្លងតាមការពិនិត្យឯកសារ និងកំណត់ត្រានានា នឹងប្រតិបត្តិការហិរញវត្ថុ ក៏ពុំបានបង្ហាញថា មានចរន្តសាច់ប្រាក់បញ្ចេញពី CiC ទៅលោក ព្រាប កុល ដែរ។
ទាក់ទងនិងករណីយ៍មយយនេះមានគណនីយ៍ហ្វេសប៊ុកមួយមានឈ្មោះថាអោមតារាបានសសេរថា៖ស្រុកយើងកាលណាអ្នកតូចរិះគន់អ្នកមានអំណាច ឬបើកកកាយអំពើពុករលួយអ្នកមានឥទ្ធិពលណាមួយ នឹងត្រូវគេប្តឹងពីបទញុះញង់។ បើយើងនិយាយពីពាក្យញុះញង់ គឺជាពាក្យបំផុសបំផុលឱ្យធ្វើសកម្មភាពដែលផ្ទុយនិងច្បាប់ ឧទាហរណ៍៖ក-)បុគ្គលម្នាក់និយាយញុះញង់អ្នកភូមិឱ្យទៅចាប់ដីព្រៃធ្វើកម្មសិទ្ធឯកជន(ផ្ទុយច្បាប់)ខ-)បុគ្គលម្មាក់នោះញុះញង់ឱ្យវាយកម្ទេចហាងឯកជនមួយដោយចោទថាម្ចាស់ហាងលក់ៗកេងមើលងាយអ្នកភូមិ(បទបំផ្លាញទ្រព្យឯកជន)។
ប៉ុន្តែបើបុគ្គលនោះយករឿងអំពើពុករលួយថ្នាក់ដឹកនាំអង្គភាពណាមួយមកនិយាយជាសាធារណៈ ហើយត្រូវម្ចាស់រឿងដែលរងការចោទនោះ ប្តឹងអ្នកនិយាយវិញ មិនអាចយកបទញុះញង់មកប្រើទេ គឺត្រូវចោទពីបទបរិហាកេរ្តិ៍ប៉ុណ្ណោះ ។ បទបរិហាកេរ្តិ៍ជារដ្ឋប្បវេណី សងសំណងជម្ងឺចិត្ត មិនដល់ថ្នាក់ចាប់គេដាក់គុកទេ។ ដល់ឥឡូវស្អីក៏ញុះញង់ ចាប់ដាក់គុក ដល់ចឹងរឿងពុករលួយក្នុងស្ថាប័ននិមួយៗលែងមានអ្នកហ៊ាននិយាយ បុគ្គលមានអំណាចជិះសេះលែងដៃ។បើពលរដ្ឋបើកកកាយជាចំហរពីរឿងពុករលួយកន្លែងណា ស្ថាប័នតុលាការត្រូវស្នើឱ្យមានការស៊ើបអង្កេតពីស្ថាប័នឯករាជ្យមួយដើម្បីយកធាតុចូលមកជំនុំជម្រះក្នុងបណ្តឹងបានវាយុត្តិធម៌។
