ភាពតានតឹងក្នុងកិច្ចប្រជុំរដ្ឋមន្ត្រីការបរទេសអាមេរិក-ចិនពាក់ពន្ធ័បញ្ហាតៃវ៉ាន់់
26-March-2024 / ព័ត៌មានអន្តរជាតិ
ប្រទេសអ៊ីតាលី៖ព័ត៌មានមួយបានបង្ហាញពីបរិយាកាសតានតឹងនៅក្នុងជំនួបរវាងរដ្ឋមន្ត្រីការបរទេសអាមេរិកលោកអង់តូនីប្លិងខិន(AntonyBlinken)និងសមភាគីចិនលោកវ៉ាងយី(WangYi)នៅខាងក្រៅកិច្ចប្រជុំកំពូលG20 នៅទីក្រុងរ៉ូម ប្រទេសអ៊ីតាលីនៅថ្ងៃទី៣១ខែតុលា។
យោងតាមវីដេអូដែលចេញផ្សាយដោយយូយាន់តាន់ទៀន(YuyuanTantian)គណនីប្រព័ន្ធផ្សព្វផ្សាយសង្គមដែលមានទំនាក់ទំនងជាមួយទូរទស្សន៍រដ្ឋចិនCCTVបង្ហាញថារដ្ឋលេខាធិការក្រសួងការបរទេសអាមេរិកប្លិងខិន(Blinken)និងមន្ត្រីសហរដ្ឋអាមេរិកបានមកដល់គេហដ្ឋានរបស់គណៈប្រតិភូចិន។ជំនួបរវាងភាគីទាំង២មានរយៈពេលប្រហែល៥០នាទី។ លោកវ៉ាងយី( Wang Yi) និងលោក ប្លិងខិន(Blinken )បានថតរូបជាមួយគ្នាបន្ទាប់ពីការស្វាគមន៍ដ៏គួរសម។ប៉ុន្តែមិនបានចាប់ដៃឬកែងដៃគ្នានោះទេ។បើតាមអ្នកវិភាគចិនបង្ហាញថា បរិយាកាសនៃជំនួបរវាងរដ្ឋមន្ត្រីការបរទេសទាំង២មានភាពតានតឹងដូចទំនាក់ទំនងចិន-អាមេរិកនាពេលបច្ចុប្បន្ន។
ជាជំនួបទល់មុខគ្នាលើកដំបូងរវាងអ្នកការទូតកំពូលទាំង២របស់អាមេរិកនិងចិន ចាប់តាំងពីជំនួបដ៏ក្តៅគគុករបស់ពួកគេនៅអាឡាស្កាក្នុងខែមីនាកន្លងទៅ។ក្នុងកិច្ចប្រជុំនៅទីក្រុងរ៉ូមលោក ប្លិងខិន(Blinken) បាននិយាយ”យ៉ាងច្បាស់” ទៅកាន់សមភាគីចិនរបស់លោកថា៖ទីក្រុងវ៉ាស៊ីនតោនប្រឆាំងនឹងការផ្លាស់ប្តូរឯកតោភាគីណាមួយដោយទីក្រុងប៉េកាំងចំពោះស្ថានភាពបច្ចុប្បន្ន។នេះបើយោងតាមមន្ត្រីជាន់ខ្ពស់ក្រសួងការបរទេសជុំវិញតៃវ៉ាន់។សេចក្តីថ្លែងការណ៍របស់ប្រទេសចិនវិញបាននិយាយថាលោកវ៉ាងយី( Wang Yi )បាននិយាយថា វាខុសសម្រាប់សហរដ្ឋអាមេរិកក្នុងការស្តីបន្ទោសប្រទេសចិនចំពោះការផ្លាស់ប្តូរស្ថានភាពនៅជុំវិញកោះតៃវ៉ាន់។ លោក Wang បាននិយាយថា “តៃវ៉ាន់គឺជាបញ្ហារសើបបំផុតរវាងចិននិងអាមេរិក ហើយប្រសិនបើបញ្ហានេះត្រូវបានដោះស្រាយខុសវានឹងធ្វើឱ្យខូចទំនាក់ទំនងចិន-អាមេរិកជាទូទៅ” ចិនតែមួយ”។
លោក ស៊ិនជាង(Xin Qiang )នាយករងនៃមជ្ឈមណ្ឌលសម្រាប់ការសិក្សាអាមេរិកនៅសាកលវិទ្យាល័យ ហ្វូដាន(Fudan)បានប្រាប់គ្លប៊លថែម(GlobalTimes)កាលពីថ្ងៃទី៣១ខែតុលាថា៖ផ្ទុយទៅនឹងកិច្ចប្រជុំខែមីនារវាងអ្នកការទូតកំពូលរបស់ប្រទេសទាំងពីរនៅអាឡាស្កានៅពេលដែលរដ្ឋាភិបាលប្រធានាធិបតី Joe Biden មិនបានកំណត់ច្បាស់លាស់ទេ។តែ គោលនយោបាយឆ្ពោះទៅរកប្រទេសចិន កិច្ចប្រជុំនៅទីក្រុងរ៉ូមលើកនេះផ្តោតសំខាន់លើបញ្ហាជាក់លាក់ជាពិសេសបញ្ហាតៃវ៉ាន់។លោកបាននិយាយថា”គោលបំណងសំខាន់នៃកិច្ចប្រជុំសម្រាប់គណៈប្រតិភូចិនគឺដើម្បីព្រមានសហរដ្ឋអាមេរិកឱ្យប្រុងប្រយ័ត្នក្នុងពាក្យសម្ដីនិងសកម្មភាពរបស់ខ្លួនលើបញ្ហាតៃវ៉ាន់បើមិនដូច្នេះទេទំនាក់ទំនងចិន-អាមេរិកនិងទំនាក់ទំនងឆ្លងកាត់ច្រកសមុទ្រនឹងត្រូវខូចខាតយ៉ាងធ្ងន់ធ្ងរ។ អ្នកជំនាញ Qiang បាននិយាយ។
លោក WangYiក៏បានសម្តែងការព្រួយបារម្ភយ៉ាងខ្លាំងរបស់ប្រទេសចិនចំពោះបញ្ហាដែលបណ្តាលមកពីសកម្មភាពរបស់សហរដ្ឋអាមេរិកដែលធ្វើឲ្យប៉ះពាល់ដល់ផលប្រយោជន៍ស្របច្បាប់របស់ចិន។ រដ្ឋមន្ត្រីការបរទេសចិនបានស្នើឲ្យអាមេរិកកែកំហុសរបស់ខ្លួនដើម្បីដាក់ទំនាក់ទំនងចិននិងអាមេរិកឲ្យដើរលើផ្លូវវិញ។មន្ត្រីនៃប្រទេសទាំង២ក៏បានពិភាក្សាគ្នាអំពីបញ្ហានានារួមទាំងការប្រែប្រួលអាកាសធាតុការផ្គត់ផ្គង់ថាមពល កិច្ចព្រមព្រៀងនុយក្លេអ៊ែរអ៊ីរ៉ង់ស្ថានភាពនៅឧបទ្វីបកូរ៉េមីយ៉ាន់ម៉ានិងអាហ្វហ្គានីស្ថានព្រមទាំងបានយល់ព្រមបន្តកិច្ចពិភាក្សាស្តីពីការដោះស្រាយបញ្ហាប្រឈមជាសកល។ទោះជាយ៉ាងណាក៏ដោយ លោក Blinken និងលោក Wang Yi មិនបានពិភាក្សាអំពីការធ្វើតេស្តអាវុធល្បឿនលឿនរបស់ចិននាពេលថ្មីៗនេះទេ។ អ្នកជំនាញខាងយោធានិយាយថាអាវុធនេះត្រូវបានរចនាឡើងដោយទីក្រុងប៉េកាំង ដើម្បីគេចពីប្រព័ន្ធការពារមីស៊ីលរបស់សហរដ្ឋអាមេរិក៕យោងតាមReuters, Global Times
