វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1319 នាក់
ម្សិលមិញ 4027 នាក់
សរុប 14153989 នាក់
ម៉ាឡេស៊ី ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១១ ខែកុម្ភៈ ឆ្នាំ២០២៣ថា លោក Mahathir Mohamad អតីតនាយករដ្ឋមន្ត្រីម៉ាឡេស៊ី២ សម័យកាល កាលពីថ្ងៃសុក្រទី១០កុម្ភៈបានប្រកាសចាកចេញពីបក្ស Parti Pejuang Tanah Air (Pejuang) ដែលលោកបានបង្កើតឡើង ។
នៅក្នុងសេចក្តី ជូនដំណឹងមួយ ទៅកាន់អគ្គលេខាធិការ បក្ស Pejuang លោក Amiruddin Hamzah លោកបណ្ឌិត Mahathir និងសមាជិក ១២នាក់ផ្សេងទៀត បានលើកឡើងថា ពួកគេកំពុងចាកចេញ បន្ទាប់ពីការសម្រេចចិត្ត របស់គណបក្សក្នុងការកាត់ផ្តាច់ ទំនាក់ទំនងជាមួយសម្ព័ន្ធបក្ស Gerakan Tanah Air (GTA) ។លោកបានបញ្ជាក់ថា “ការសម្រេចចិត្ត របស់បក្ស Pejuang ក្នុងការកាត់ផ្តាច់ទំនាក់ទំនងជាមួយ GTA ដោយផ្ទាល់ធ្វើឱ្យយើងបាត់បង់ សិទ្ធិក្នុងការបន្តជាសមាជិក ដូចដែលយើងមានបំណង បន្តការតស៊ូនៅលើវេទិកា GTA” ។
“សម្រាប់ពួកយើង គោលដៅ នៃការតស៊ូ GTA គឺដើម្បីបង្រួបបង្រួមគណបក្សម៉ាឡេ អង្គការមិនមែនរដ្ឋាភិបាល និងបុគ្គលដែលមានគោលការណ៍ និងប្រកាន់ខ្ជាប់នូវការតស៊ូ ដើម្បីការពារសាសនា ជាតិ និងប្រទេស” ។ លោកបានសង្កត់ធ្ងន់ដូច្នេះ ។“ផ្អែកលើមូលដ្ឋាននេះ យើងជ្រើសរើសបន្តការតស៊ូ តាមរយៈ GTA” ដែលចែងក្នុងសេចក្តីជូនដំណឹងដែលចុះហត្ថលេខាដោយបុគ្គលទាំង១៣នាក់ ។គេបានដឹងថា ការជូនដំណឹងនេះត្រូវបានបង្ហោះនៅលើបណ្តាញសង្គម Facebook កាលពីថ្ងៃសុក្រ ដោយអតីតអនុប្រធានបក្ស Pejuang លោក Marzuki Yahya ដែលជាអ្នកចុះហត្ថលេខាតែម្នាក់គត់ ។គណ បក្ស Pejuang ត្រូវបានបង្កើតឡើង ដោយលោកបណ្ឌិត Mahathir ក្នុងខែសីហា ឆ្នាំ២០២០ តែគាត់បានលាលែង ពីតំណែងជាប្រធានបក្សកាលពីខែធ្នូឆ្នាំមុន ៕