ប្រទេសតួគីប្រកាសគាំទ្រអ៊ុយក្រែនជាសមាជិកណាតូតែត្រូវចរចារជាមួយរុស្ស៊ីសិន!
03-April-2024 / ព័ត៌មានអន្តរជាតិ
ប្រទេតួគី៖ផ្ទុយពីជំហរជំទាស់មិនឲ្យប្រទេសស៊ុយអែតចូលជាសមាជិកណាតូប្រធានាធិបតីតួកគីលោករីស៊ិបតាយិបអេដូហ្កាន(RecepTayyipErdogan)បានសម្តែងការគាំទ្រចំពោះអ៊ុយក្រែនក្នុងការចូលរួមជាសមាជិកអង្គការអង្គការណាតូ ។លោក Erdogan បាននិយាយក្នុងសន្និសីទសារព័ត៌មានរួមគ្នាជាមួយលោកប្រធានាថិបតីហ្សេលីនស្គី( Zelensky )ថា អ៊ុយក្រែនសមនឹងទទួលបានសមាជិកភាពរបស់អង្គការណាតូហើយ ហើយលោកនឹងលើកឡើងពីបញ្ហានេះនៅក្នុងកិច្ចប្រជុំកំពូលអង្គការណាតូដែលនឹងចាប់ផ្តើមនៅថ្ងៃអង្គារ៍នេះនៅប្រទេសលីទុយអានី ។ប៉ុន្តែយ៉ាងណាលោកអេដូហ្កាន់ថាអ៊ុយក្រែនត្រូវជួបចរចារជាមួយរុស្ស៊ីដើម្បីបញ្ចប់សង្គ្រាមសិន។លោក Zelensky បាននិយាយថា លោករីករាយខ្លាំងណាស់ដែលបានស្តាប់នូវយោបល់របស់លោក Erdogan អំពីគោលបំណងរបស់អង្គការណាតូចំពោះរដ្ឋាភិបាលទីក្រុងកៀវ ។
ក្នុងដំណើរទស្សនកិច្ចនៅតួគីបន្ទាប់ពីលោកអេដូហ្កាន់ជាប់ឆ្នោតដឹកនាំសម្រាបអាណត្តិថ្មីមេដឹកនាំទាំងពីរក៏បានពិភាក្សាផងដែរអំពីការបន្តកិច្ចព្រមព្រៀងដើម្បីដឹកជញ្ជូនគ្រាប់ធញ្ញជាតិអ៊ុយក្រែនឆ្លងកាត់សមុទ្រខ្មៅ បន្ទាប់ពីកិច្ចព្រមព្រៀងដែលសម្របសម្រួលដោយតួកគី និងអង្គការសហប្រជាជាតិ គ្រោងនឹងផុតកំណត់នៅថ្ងៃទី១៧ ខែកក្កដានេះ ។លោក Erdogan សង្ឃឹមថា កិច្ចព្រមព្រៀងដែលត្រួសត្រាយផ្លូវសម្រាប់ការដឹកជញ្ជូនគ្រាប់ធញ្ញជាតិប្រហែល ៣៣ លានតោននឹងត្រូវបានពង្រីក ហើយលោកក៏មានបំណងពិភាក្សាបញ្ហានេះជាមួយប្រធានាធិបតីរុស្ស៊ី លោក Vladimir Putin ក្នុងប្រទេសតួកគីនៅខែក្រោយផងដែរ ។
សូមបញ្ជាក់ថាប្រធានាធិបតីទួរគីលោក Recep Tayyip Erdogan កាលពីថ្ងៃសុក្របានថ្លែងថា ប្រទេសរបស់លោក នឹងមិនបើកភ្លើងខៀវ ចំពោះការចូលជាសមាជិករបស់ស៊ុយអែត ទៅក្នុងអង្គការណាតូនោះទេ លុះត្រាតែប្រទេស ស៊ុយអែត ប្រកាន់ជំហររឹងមាំប្រឆាំងនឹង “ក្រុមភេរវកម្ម”។តើរដ្ឋដែលមិនឃ្លាតឆ្ងាយពីអង្គការភេរវជន អាចរួមចំណែកដល់ណាតូ បានដោយរបៀបណា? នេះជាសំនួររបស់លោក Erdogan នៅក្នុងពិធីប្រគល់សញ្ញាបត្ររបស់សាកលវិទ្យាល័យការពារជាតិក្នុងទីក្រុងអ៊ីស្តង់ប៊ុល។លោកបានលើកឡើងថា រដ្ឋាភិបាលរបស់លោករំពឹងថា ប្រទេសស៊ុយអែត នឹងគោរពតាមការសន្យារបស់ខ្លួនក្នុងការគិតគូរពីកង្វល់សន្តិសុខរបស់តួកគី ដោយបន្ថែមថា លោកនឹងនាំយកការយកចិត្តទុកដាក់របស់សម្ព័ន្ធមិត្តនៅក្នុងកិច្ចប្រជុំកំពូលរបស់អង្គការណាតូ ដែលធ្វើឡើងនៅទីក្រុងវីលនីស ប្រទេសលីទុយអានី នៅសប្តាហ៍ក្រោយ។
កាសែត Telegraph បានរាយការណ៍កាលពីថ្ងៃសៅរ៍ ដោយដកស្រង់សម្តីមន្ត្រីអង្គការណាតូថា ប្រទេសអាល្លឺម៉ង់ មានជំហរប្រឆាំង នឹងការផ្តល់ផែនទីបង្ហាញផ្លូវច្បាស់លាស់ ដល់ទីក្រុងគៀវ ឬការធានាជាក់ស្តែងនៃការចូលរួម ជាមួយប្លុកយោធាលោកខាងលិច នៅឯកិច្ចប្រជុំកំពូលនាពេលខាងមុខ នៅក្នុងប្រទេសលីទុយអានី។សារព័ត៌មាន RT ចេញផ្សាយនៅថ្ងៃទី៨ ខែកក្កដា ឆ្នាំ២០២៣ បានឱ្យដឹងថា ប្រភពមិនបញ្ចេញឈ្មោះមួយ នៅក្នុងប្លុកយោធាណាតូ បានប្រាប់កាសែតអង់គ្លេសថា “ទីក្រុងប៊ែកឡាំងមានភាពមិនរាក់អាក់ ចំពោះការរំពឹងទុក នៃការផ្តល់សមាជិកភាពភ្លាមៗ… អាល្លឺម៉ង់ចង់បានដំណើរការ និងពេលវេលា ដើម្បីបង្កើតការធានាដើម្បីទប់ស្កាត់ សមាជិកភាពជាចាំបាច់” ។
អាល្លឺម៉ង់ត្រូវបានគេរាយការណ៍ថា មានការប្រុងប្រយ័ត្នថា ក្រុងគៀវនឹងលើកឡើង ជាបន្ទាន់នូវមាត្រា ៥ នៃសន្ធិសញ្ញាអាត្លង់ទិកខាងជើង ដែលចែងថា ការវាយប្រហារប្រឆាំងនឹង សមាជិកណាតូតែមួយ នឹងត្រូវចាត់ទុកថា ជាការវាយប្រហារប្រឆាំងពួកគេទាំងអស់។កាលពីខែមុន អធិការបតីអាល្លឺម៉ង់លោក Olaf Scholz បាននិយាយថា “យើងត្រូវតែពិនិត្យមើលយ៉ាងប្រុងប្រយ័ត្ន ចំពោះស្ថានភាពបច្ចុប្បន្ន” ។
